لاني امراءة

البارت ٢١ ج٢

ولاني امراة
ج 21
مساء الورد ..

صاعقه ونزلت ..ع كل حياتي ..صدمه
احمد ..معقوله الكرهه والحقد يحول الانسان ..
معقوله ..ابن خاله ..والي اعرفه خالهم ..

ابو عامر مقصر وياهم بيوم ..من فلوس،ومن مصرف ..وغيرها ..حتى دراستهم جان خالهم متكفل بيهم ..
لان امهم ماتت وابوهم مات بسبب خلاف ..
انقتل ..قبل مدة طويله ..

معقوله ..هيج ..عافني احمد وراح ..
واني دخلت لغرفتي وقفلتها ..
وفهد بقى نايم وحدة ..بالمطبخ ..

افكار مخلت عيني ترمش دقيقه ..

هذا الخذلان والاحباط المستمر الي يرافقني .
طيله ايام حياتي ويا فهد ..

ترك ..بداخلي خووف ..ماكدر ..انهي بيوم ..

الي ..يقهر اكثر .رجوع فهد لشرب ..

ورجع ضربني ..
ورجعت لنقطة الصفر من الاول ..شكد ابني واحس اساسي فارغ ..ويرجع ينهدم .بسهوله ..

هالمرة ..ماستقبلت ضربه بخوف ولا بعتاب
..استقبلته بلا مباله ..

او اعتادت روحي ع تنمرة ..وفرض قسوته وجبروته عليه ...
ثاني يوم ..
من دخل فهد عليه ..جنت كلش طبيعيه وياه مع العلم هو ناسي شنو الي صار ..

كال انتي ليش تعانديني ليش متسكتين ليش توكفين بوجهي ليش وليش ..
جنت بس اهز براسي اله ..
اطبعت واتعلمت ..

فهد بهاي الفترة دومه يشكي من ثكل والم براسه ..بحيث بين فترة وفترة طبيب
مخله مفراس رنين وتطلع النتائج ..سليمه ..
واكثر من واحد كله روح سيد شيخ اخاف مسحور بس فهد جان ميقبل ابد ..
عصبي يتنرفز من كل شي ..

حتى الي قليل يتقرب مني ..
دائما مزاجة متعكر ..
دائما ..مخنوك وخاصه اذا احجي ويا حجايتين يتعارك ويايه
واذا ازود يضرب ..

اتحول فهد انسان مو طبيعي ابد ..

حتى احمد جان يلح عليه يراجع

احمد بقى بحياه فهد ويرافقه مثل ضله..
ومعتبرة اغلى من اخ ..
فهد جان يغا.ر من اخوانه عليه ..
لكن معتبر احمد ..جزء منه ..
مرات يروح يم اهله يضل فهد يتصل بي هوايه ..
تعال الشغل تعال البيت ..

ومعتمد عليه بكل شي ..
وصل احمد للي يريدة وحول حياتنا
جليد ..وعواصف ثلجية ..

كل الاحاسيس اتجاه فهد توقفت ..

وبالمقابل فهد ..اخذة درب بعيد عني كل البعد ..

مجنت فرحانه بحملي الثاني واعتبرته سوء حظ
وخاصه اذا ولدت بنت معناها راح ..اجني ع حياتها لكن هاي ارداة رب العالمين ..
....
يوميه اريد اكول لفهد ع احمد ..
من اشوفه .يرجع شارب
وخاصه ايام العطل فقط كام بشرب ..

ويحلف الي .مجرد للنسيان ..مو. اكثر
وماعندة اي علاقه مع اي بنت ..

بس بقت روحي ..متتقبله .
لكن جسدي مجبور ..يرضخ اله ..
..
جنت اكدر انهي الصراع ..واكشف حقيقه
احمد ..
بس من الصعب اكول ..احمد هو نفسه الي اتصل بية وصاحب الفون
متاكدة من عاقبه البوح ..
الدم ..
بقيت كاتمه هذا السر بداخلي ..
ومجنت اشوف احمد ..يطلع من باب ويجي منها ومفصول عنه ..