لاني امراءة

الاخير

صباح الورد

ولاني امراة
ج 22 والاخير ..

قفل الباب ..المطبخ عليه ..
جنت اباوع عليه ..

وفتح باب الكراج وحدة ..
ودنج ع الثانيه ..

الشارع يبين ..فاتت سيارة بيضة ..مجرد التفت

وسمعت صورت رمي قوي ..
هي ثواني اندار اشوف ..فهد مدد بالكاع ..والدم مغركة

واختفت السيارة ..

ثواني عقلي وكف ومديستوعب الموقف الي داشوفه ..

كمت ادك الباب حيل فهههههد
فهههههد
اخاول افتحها ..اروح وارجع ..

وارجع اصرررخ فهههد..

ماكو شي ابالي اسوي ..
جبت ..جفجير ..من المجر وكسرت الجام..
ماعرف شنو جنت افكر ..
بقيت اصررخ..
ورة شويه شفت ولد بالبايسكل ..وكف ..
يباوعع ..نزل ..تقرب منه ..
اني صحت الحك افتحلي الباب صيح اهله ..بيت العروس ..
من تقرب من فهد ..ركض وانهزم ..
ياربييييي ..شسوي اني ..

كمت ادور ع الفون وماكو ..
واروح وارجع ..
شفت بعيني شلون الدم غرك الطرمه من جهته ..

كل املي اطلع والكه بي روح ومميت ..

ماريدة يموت ..

احس بلاعيمي طكت من الصراخ بصوت عالي ..

هناك ..ونفس الولد اجه ويا واحد جبير
معقوله صوتي مديسمعو ..
يمعودن اني هنا ..

باوع عليه الرجل الجبير..

وواجه يمي ..
كتله افتحلي الباب بسرعه هذا ووجي وادفربالباب ..

افتحها

كال..اهله وين ..
ولك رجلي ياهل ..
ورجال صار كومه زلم وهو مدد ..واني محبوسه ..
يمكن اكثر من ربع ساعه ..
الى ان اجه احمد ..
شاله وكام يكلب بي ..ويدك ويخابر

جنت اباوع عليه اعصابه منتهيه ..
واني بديت اختنك وهو انكطع بصدري ..

من سمعت احمد يكول ولكم الحكووو فهد انغدر ومات ..

اخر كلمه سمعتها ..

ونمت مشفت شي بعدها بس اسمع صوت من بعيد واحد يضرب ع خدي ..
كدرت افتح عيوني شويه ..

لحد ما حسيت وكعدت ..شفت نفسي غركانه بالمي ...
هالكد ما ذابين عليه مي ..
اباوع بالوجوة الكل يبجي ..

صوتي راح كد ما صرخت ..
كمت اترنح ..واشوف الطرمة كلها دم ..

وزلم تارستها ..ترس ..
ومسلحين ..

كعدت بالكاع مات ..جاوبوني مات ..

حضنتني ..ام عامر لا مامات بالمستشفى بس حالته خطرة ..

ودوني اله ..
ليال اكعدي ..لبست بسرعه شحاطه وطلعت
اريد اعرف واحد من الولد معرفتهم ..
جروني جوة ..