الجزء 40 الطريق بعيد ..وفهد يسوق ع كيف من دون الايام كلها .. ماعرف اني احس بعيد ..بقيت اباع ع الشباك وامسح دموعي ..اريد اشوف وين تصفى .. انداريت عليه ..كتله فهد من شوكت تدري .. كال اذا احجي شيتغير .. ارتاح ريحني .. كال ورة كم يوم نزلت لبغداد وعرفت الي صار ..ودزيت جماعه وسالو .. راح تكولين بقيت ..وسويت .. لا بس اسمع .. شكالو الك .. كالو جان يريد يخطبها ومصارت ..لان عرب .. والله ليال جاي تاذيني .. الي ترديه شنو انه حاضر .. كمل فهد .. مدة ورحت كسرت سعيد ..بس كال انه حجيت علمود المرحومه ..تفاجئت بلحجي يعرف كل شي .. مين عرف الحجي .. من حلا .. وشلون وصل لسعيد .. الحجي كل شي يعرف ليال ..اكيد وصل اله .. ومنو يكول بعنادك ماشهرني سعيد.. مايكدر .. ليش ... مايكدر وبس عوفي اليش .. كمل اسمعك .. ايدة ع ستيرن جان ..واباع ع رجله يحركها ... وازوجت ...وانت تعرف اني بريئه .. زين خلي اكولك شي .. اني جنت احبه وعندي علاقه بي ..وردت انهزم ويا .. وجنت اروح لبيتهم ..هم وكف السيارة .. اي . .هذا الي صار .. وشصار بيناتكم .. كل شي ..صار ..شنو ابالك من فكرة وسخه صار انتي جاي جذبين ..علي وتحركين دمي لا ليش اكذب .. ماخاف منك .. لياااال ..انجبي ..واحجي عدل ركن سيارته ع جهه ..اباع الشارع فارغ .. حسيت يمكن راح يموتني ..هنا ..حتى عقلي اتخيل ..جانت اكو ساحة بصفي ترابيه .اباع عليها واكو ل حتى .يدفني بيها .رجعت وعيت ع نفسي . بس ماحسيت لا بخوف ولا شي .. احجي .. انت مريض ..روح تعالج .. ضرب ع استيرن ..احجي ..احجي احجي ماحجي واحفظ كرامتك وشرفك وطلكني .. هيج من شرفج. وكام يغلط .. لا تخليني ..اموتج هسه شجاي تخربطين انتي سوي الي تريدة عادي .. احلفي نهزمتي ويا .. مااحلف ..الله ذب عليه هدوء مرعب ..واجاوبه ابرود اخذت حسرة كتله امشي ..فهد.. مامشي وماتحرك ..واليوم انه كتاله لسيف .. ي اكتله ..عادي ..بس هاي ضابطها كام يحجي .انتي ناويه تخبليني .لا تخليني اسوي اتندم علية لا تحركين بدمي ...ويغلط ..وشغل السيارة .ويسوق سريع .. احجي ليال .. فهد ..اني مو رخيصه .بس نظف تفكيرك المريض وعالجه ماكو داعي احلف ..بس انت اول انسان يتقرب الي .. وسيف شنو .. عوفه السيف .. ليال ..اروح فدوة الج لا تلعبين علي احس راح اطك .. فهد ..مع الاسف ..عليك .. كافي ليال ..كرهتيني بروحي .. اي واريدك تكرهني بعد .. انت لحد هسة مامصدك اني نظيفه ..لهذا سكتت .. ومكتلي .. وردت ابقى خاصعه الك ولظلمك وورغبتك .. وترضي بيها رجولتك وغرورك .. مرة وابلاش واجتي ع بابك كامله وتحبك .. وسكتت .. رجعت درت راسي ..ع الجامه .. وصار ..هدوء لا هوة حجىة بعد ولا اني .. ساعات ووصلنه للبيت .. نزلت ونزلت جنطتي .. لزمني من ايدي ..الي سويته حتى لا اخسرج.. جريت ايدي ونزلت وسديت الباب .. ورحت .. ادك بلجرس واباع عليه .. بقى واكف ....بسيارته ..ونزل ..وانتجى ع السيارة ..وورث جكارة ..ويدخن اني ادك بلباب ..اجه يمي .. درت وجهي عليه ..ارجع ..وادك بلجرس والباب جا محد فتح الج الباب ..شون ..بس معصب .. اسمع صوت ...منو .. اني اني ... انفتح شباك المطبخ ..مديت ايدي بابا اني ..ليال .. بابا سد الشباك واسمع مفاتيح الباب تفتح .. فهد بصفي ..يدخن .. كتله روح ... سكت .. طلع بابا هلا هلا بليلو ..خير خوما اكو شي .. لا بابا ...فتح الباب بوسته وحضنته .. هلا بفهد ..طب ابني ..اني واكفه بصف بابا .. فهد ..ذب الجكارة وداسها برجله .. واجه سلم ع ابويه .. ابويه كال طبو طبو ..يلا جاوب بصوته الخشن ..وبي انكسار .. لا عمي ..وراي طريق ارجع .. ابويه اندار علية .. اني طبيت ..جوة ... امي طلعتلي بوستها ..كالت شصار بصوت ناصي .. بعدين ماما خلي ارتاح ورجلج .. برة راح يروح .. طبي ..حبيبي ..ذبي غراضج .. دقايق .اباع فتحو الكراج وفهد طبب سيارته اني بقيت واكفه باب المطبخ وامي يمي كالت راح يبات .. اني استغربت ماعرف ... طب فهد وي بابا .. ابويه يحجي عليه ..جاي مناك لهنا وترجع وبهليل .. ماترهم ابني .. فهد طب سلم ع امي وباسها من راسها .. بكلبي اكول ايبااه شلون يعرف الاصول .. طببة ابويه بلهول .. اخواني نايمين بقيت اني وامي بلمطبخ .. احجيلي ..شطلعج بهليل .. بعدين ماما تعبانه .. اباع الساعه 11.. كالت تعشيتو ..كتلها لا ومالي نفس .. خرب ببليسج ..شكد عيب راحت ع المجمدة ..وتحجي ..خابري كولي جاين .. عفتها وطبيت ..للحمام .. باوعت ع روحي بلمرايه ..تعبانه كلش .. غسلت وجهي ... وغسلت .. طلعت صعدت فوك ..ذبيت هدومي ولبست من هدومي القديمه البس واذبها كلها كصاف ..واضحك ع شكل بطني جنها طوبه ..بس مو جبيرة ..اخر شي طلعت ..ستريج ..ملون ..راهي عليه ..وتيشرت ويا ..اريد اتحرر شويه تعبت من كل شي ..هناك عدلت روحي ونزلت .. امي كاعدة تكلي وتحمي الاكل ..ابويه يمها .. جيت يمهم.. بابا..شصاير .. ماكو شي ..ضايجه .اجيت .. ليلو ..احجي بابا بوسته ..فدوة لهل شيبه اروح ماكو شي .. ولج ركيه ..احجي .. ههههه بابا ماكو ..شي .. ادري بنتي كولي جاين شكد عيب .. لا بابا مو عيب .. اني رايح يمه ..شون خوش ولد .. اي .. راح ..بقيت يم امي اساعدها .. ماما ضربج .. لا .. شسوة لعد .. بعدين .. ومرته .. راحت .. هف شصار .. يامي بعدين ..مالي واهس احجي ..كملنه العشا كبه ومعكرونه وزلاطه وصمون طلعت وحمت ..وحضرت قواطي ببسي .. كتلها رجعيها وحضري كتلي جاي .. باوعت عليه ..ههههه اي كتلي جبير ..موتني بلجاي من عيوني يوم ..وتضحك .. اخذت الصينه وطبيت للهول ..خليتها بلكاع .. فهد صفن عليه .. يلا فهد تعال تعشى .. ساكت .. ابويه كله كوم والله خجلان منك مستحي اعذرنه من التقصير احجو كولو نذبح ذبايح والله ع جيتكم .. لا عمي محشوم ماتقصر .. بس اريد اغسل .. ليلو اخذي للحمام .. ابويه انخبص بي ..اطلعلك مني هدوم .. اني ضحكت ..بابا بكدك مرتين ..شيصير عليه .. كال مو يرتاح بيهن .. فهد جان لابس ..دشداشه زيتوني .. كلة لا عمي لا تهم روحك انه متعلم ع هذا لبسي .. اخذته ورحت .. اشرت بيدي هذا الحمام .. كال ذبي هدومج هاي ..زنودج كلها طالعه ..وبجامتج حصر ..وصدرج مبين باوعت عليه ..كتله هذا الحمام ..وهاي خاوليات .. غسل وتعال .. وعفته ورحعت ..للهول ..مريض والله ..ميبطل سوالفه ابد .. كعدت ..جوعانة من القهر ..بابا كال انتظري ... امي جابت صينيه الجاي وفواكة .. وخلتها يمي ... ولج عيني شكد مشتاقه لاخواني .. كالت باجر يخبلوج عوفيهم نايمين .. فدوة ..كلبي مفرفح عليهم .. اجه فهد ..كح وطب .. يالله ..يالله كال اتفضل يوم امي كالت اله .. كعد ياكل .. ياكل وياشر بعيونه ..اباع عليه ياشر صدرج ضمي .. ارفع التيشرت وارجع اكل .. اجه قريب يمي .. كال مو لكمه طلعت زقنبوت ..علية كملت اكل ..ولا هتميت لكلامه وصبينه جاي وفواكه ..وبابا يسولف وياه .. فهد كاعد ويباع بعيونه وين ماروح .. ويهز برجله ..ويلعب بلحيته .. بقو يسولفون .. اني كمت اثاوب نعست مرات من القهر واحد ينعس .. حتى مابيه احجي وبديت انعس والساعه عبرت الوحدة .. بابا كال نعستو تعبانين.... يلا بنيتي اخذي رجلج وصعدو نامو .. صعدنه ..وصعدت ماما ويانه .. طبت كالت بس اشيل الجهال .. كومتهم ... ازاد فتح عينه ..ليوله ... واجه ركض عليه .. ودليار هم ..اجه حضني .. كتله ولك شنو لهايه بحلكك مو عيب صرت رجال ..يحضني ويضحك .. ضليت ابوس بيهم .. فهد كاعد .. وامي تحاجيهم ..كومو يلا يمي نامو ازاد كال انام يم ليوله ..مااه مااه ماما كالت اله لا حبيبي يمي .. ليول انتي ..باقيه .. اي .. شكد .. كومه كومه .. اييييي وكام يكمز .. اجه شاورني كلي ..هذا عمو رجلج جنه العكيد ..ويضحك.يخلي ايدة ع حلكه ويباع عليه .. كتله ههههه اي .. بس بعد شوارب وعودة ..ونكوله اهلين عكيد .. ولك كوم نام وباجر نسولف ..ونلعب .. دليار بحضني ..يكولي هاد نونو .. ي حبيبي نونو مثلك وكح .. فهد يباوع علينه ويبتسم كوة ماما اخذتهم .. وراحو .. سديت الباب .. الجرابي ..وحدة بصف الثانيه وبيناتهم ..مجرات ..مال هدوم الجهال ... كتله نام هنا ..وعدلت فراشه .. واني اهنا .. طفيت الضوة .. ومددت .. هوة هم نزع هدومه ومدد .. اني بقيت ..اتكلب ..منمت بسرعه بس تعبانه وعيوني توجعني .. اسمع فهد...يتكلب يتكلب .. كال ..انه اليوم تمساح وصايدلي صيدة .. شنو .. مجاي اكدر انام ..ليال شون هيج كدام عمج تمشين .. فهد هذا ابويه .. حتى لو ..مايصير ..عيب ..يشوفج هجي..لا تلبسين هجي بعد ..لبسي ..مستور .. اخذت نفس ..عميق .. شكوله ..مراح يفهم ولا يقنع فهد نام تعبانه .. ماترجعين وياي باجر .. طبعا لا .. جا خوش ..بس اكلج ..محد يمون ورة احد .. مجاوبت ونمت ..جنت تعبانه كلش .. حسيت الصبح .. يكعدني ليال ليال ..فتحت عيوني كوة ..شكو فهد .. اريد انزل جوة .. كتله ساعه بيش وكمت كعدت .. كال بسبعه .. هااا ..ي ..هسة انزلك .. كمت ..لميت شعري.. ولكيته مبدل ..هدومه .. دافتح الباب ..اوكفي ..انداريت عليه .. كال هاي فلوس خليهن جوة ايدج ..واي شي انتي بعازته كولي ..ودزي خبر .. فهد شيل فلوسك ...ماريد اهلي ميقصرون .. اششش .هاي لوليدي .. يلا انزلك .. لخاطر الكعبه لبسي شي ونزليني .. فهد لخاطر الله بطل عفيه كلبي خلص .. وفتحت الباب ونزلت .. جوة .. انتظر اسويلك ريوك .. جاوب بعصبية ماريد .. بين مداحجي ويا اجه ابويه .. صباح الخير شو من وكت كاعدين . يسعد صباحك بابا .. صباح الخير عمي .. والله عندي شغل ولازم ارد للبيت .. حقك .. يلا ليال سويلنه لكمه .. فهد لزم ابويه كله ماتقصر عمي ..بس مستعجل .. كله متطلع منا ..الا تتريك .. حجي ..وقبل..فهد .. اني حضرت الريوك .. وكعدنه نتريك ابويه مسال ..فهد ع شي ولا فهد حجة شي كملو الريوك .. فهد كام ..كال عمي ..ماقصرت بضيافتك الي .. ونعم منك ابو ازاد .. وليله ..امانه يمك عمي .. انه العلت بيكم ..وانه اعتذر عمي ..منكم .. وسلم ع ابويه .. اني واكفه بلمطبخ ..حسيت احساس غريب .. لا هو اريدة ولا هو اريد ارجع .. من سلم عليه ..حسيت كلبي نعصر .. شفت بعيونه ندم ..وحيرة وضياع .. طلع ..فهد .. بيومها حجيت لابويه ..كل شي صار من اول .. يوم اخذوني وطب عليه راد يدفرني .. لحد سالفه سيف .. ابويه سكت .. كال ياسيف هذا .. امي كالت ابن ام سيف جان يريدها .. اوكفي ..ام ازاد ..هاي سوالف نسوان .. بس شنو تنهزم .. ماكو هيج شي .. اني كاعدة وساكته .. ليال ..حجي هواية يعني .سيف .. بابا اني رجال ..واعرف شغله باطلة بس صعبه بنيتي ماكو رجال يقبلها ع مرته ..وكل هذا واكول الي يمد ايدة ع مرته مو رجال ..وشغله زواجه .. ابويه بدة يعصب. اني من اجيت اخذج ..مقبلتي ليش محجيتي شي ..اني ساكته .. امي تكوله ابو ازاد علكيف وياها .. لا هيه الغلط منها ليش تسكت وتقبل بي .. شويه وهدة ..كال ..اذا نمشي مثلهم ..لازم نكعد ..كعدة ورد اعتبار ..بس احنه ماعدنه هيج ..نسلمه بيد الله .. وانتي ابقي هنا معززة مكرمه .. مع الاسف ماضنيت هيج. .ابد .. والححي شكال .. كتله ميقبل عليه .. اذا رجلج اعوج .. سكتت .. ضل يححي ..ساعه عليه وساعه ع عمامي .. لحد ماكال .. كل هذا تكدرين انتي بدونه ..ليال .. جاوبي بنتي ..انتي ضحيه ..جنتي ..ضحيه مجتمع وتقاليد رجعية وضحيه ..اغلاطنه ..اني وعمج .. تكدرين بدون فهد. . ماعرف .. من تعرفين ..كولي واني اصرف .. مرت الايام .. بديت استعيد نفسي ..بديت ..احس ..ارجع لروحي .. هاي الفترة فهد ماكو ابد ..لا خابر ولا اتصل .. اعرف طبعه ..ماينزل راس ويحسب نفسه اعتذر هوايه .. والي عليه سواه ويايه .. اني كلما يمر يوم ماكو هوة بي ..ولا خبر عنه .. يزيد بداخلي ..الحقد وكرهه .. وبليل ..من احط راسي ..احس فراشي بارد .. مابي ..هوة ..مرات جنت ابجي ع الضرف الي انجمعت بي وياه ومرات ابجي ع نفسي شكد شافت ضيم .. ومرات اتندم ع عمري الي راح وياه .. بس كل ما اذكر الي سواه ..ارحع واقوى واطلعه من بالي.. فديوم اتصلت سهام عليه .. الو ..خيه بذاته ..ماتسالين ع رفيجتج .. هلو قلبي شونج .. لا كلبج ولا الجلاوي ..بذاته .. لا والله ملتهيه باهلي ..اي ليش لا ..شونج خايبه .. تمام ..وانتي ..انه برحمه ابو خيمه الزركه .. شونه حملج .. الحمدلله ..تمام.. احجيلي شونكم انتو البنات .. ضحكت ..خيه ..ماكو رشا طلكها فهد ..وحله ..بيت اهلها ..وبس انه وفاطمه بلبيت .. اي .. بس اي .. اني اعرف سوالف سهام اكيد فهد يمها وتسمعه .. ي قلبي سلميلي ع الحجي وفطومه والحجيه والولد .. هاااا .. اي .. اكلج .. كولي .. فهد.. شبي .... تعبان مكافي ليله جفى ..ماتسوة خيه هوة راعي بيتج .. وابو وليدج .. كتلها سهام ..سدي هلموضوع ..وداخلي يكمز اعرف يمها .. اني هسة افكر اكمل دراستي ..وداقدم ..ع معامله .. سمعت ..شي وكع .. وسهام تبسبس .. اني ضحكت ..اعرف يمها .. اي حبيبه ..هاي الجهال تكمز فوك راسي .. اي حبي ..وداطلع واطب ..ونسهر برة ..متونسه مكانج خالي،.. والله ليال ..احتركو عمامه وتضحك .. .. شنو .. لا خيه الجهال عذبوني .. ي حبي الله يحفظهم الج ..شلونه حملج .. بخير .. اكلج ..الحجي عود يريد يجيكم .. هلا بي ..باي وكت .. خوش ..زين انتي شقررتي .. مقررت خلي اجيب ..الاول وانطي الولد وراها اشوف روحي ..اكمل دراسه ..يجوزالله يعوض صبري وازوج واحد يقدرني ..سهام .. نسد الفون ..اني متت ضحك ..اعرف فهد ..يمها .. شويه ودكت .. حبيبه الجهال .كطعو .. اي عمري ..عود تعاي وي الحجي .. اي اجي ..والله شلتي البيت وطلعتي .. اكلج ..هذا فهد يريج يزوج .. صدك..بلعافيه قلبي ..ع الخير .. بس اذا ازوج امانه ابني انتي تربي ماريد مرت اب .. ليله شجرالج انتي .. ماكو حبي ... احسن قرار اخذة ع اقل يرد عنه وحشه الليل اعرف فهد وسوالفه .. كالت والله راح اجلطي انتي .. شبيج سهام .. مابيه جاي ادور عروس لقاسم ولفهد .. ع وسه قاسم يمي ..لا تحسبين الها ..واذا تردين عريس للحجيه هم اكو خوش زلمه ...لكيت .. والله بغداد سودنتج ..شمالج بس تضحكين .. والله جديات عروس قاسم يمي ومن تجين اشوفها الج .... ..اكلج جايج احنه بهل يومين .. انتظركم وهلا بيكم سديته منها بس بقى اركص جوبي من الضحك بطني موتتني ..وكامت توجعني .. اني جتي يمي شبيج تخبلتي ..لا ماما وحجيت الها .. كامت تفر باديها ..زعاطيط ..وتكول ماحبه.. صفنت يمكن احبه بس اكابر ..او منسيت الي صار .. هيج كلامي جان كذب بكذب لا اطلع ولا اطب .. تصدف اطلع للسوك وي امي لو اطلع وي اختي بس مالي واهس شي .. يمكن صدك يريد يزوج .. وعادي عنده ..كل شي .. يمكن بديت اشتاق اله واحن .. يمكن بديت ..احس بفراغ من اشوف ..اختي وي رجلها .. لو امي وابويه ..بديت احس بالم ..ليش معشت مثلهم .. بس ماقررت شي ..لحد ماجيب .. مرت اليومين ومحد اجه .. وبصدفه شفت ..اخت سيف بسوك .. وضلت تبوس بيه ..وتسالني ..ع وضعي .. الحمدلله تمام وانتو شونكم .. كالت سيف ..فسخ ..خطوبته ..ولليوم يحن الج .. وهوة كلي ليال ..بيت اهلها ..حتى كلي طلعت لسوك حاجيها ..وجين وراج ..لو تعرفين شكد متندم هوة وامي ..والله ..يامه تمناج هوة بس الضروف مساعدت ابد .. اني احس شلون واحد انصقع ..هيج بقيت واكفه كبالهالا اعرف احجي ولا اعرف ارد .. وللحكايه بقيه شهرزاد سوزان المندلاوي ...
