ولاني امراة
ج 5..
مشت السيارة بيه ..
جنت ابجي بصوت عالي عيني ع ابني ..
كل شويه اندار ..
نااار متهود ولا تطفى وصفها تعدى كل الوصف ..
ذلني ..لابعد الحدود ..اتلاشني ..
بس ابني ..هذا قطعه من روحي ..
ماكدر ..جنت اشهك ..وصوتي عالي ..
الزم حلكي حييل حتى لا يطلع الصوت ..
وعيني ع الجامه الورة ..اباوع عليهم ..
لحد ماطلع بينا ع الشارع ..واختفوا عن عيني ..
حسيت صدري نغزني وجعني اتلمست ..ايدي انترست حليب ..
لزمت الكشن الكدامي ..
وصرخت صرخه عاليه اختنكت اوووكف ..
اوووكف .احس كلبي وكف من الوجع والحرارة الي بروحي ..
احمد ..خويه استهدي برحمانج ..اهدي كم يوم واجيبه ..
رجعني ..ماكدر هسة افتح الباب واذب روحي والله ..
وحق الله اموت نفسي ..
اني خسرت كل حلم كل شي خسرته ماخسر ابني
نزلي ..
بقيت افتح الباب ..اريد انزل ..
وكف السيارة ..
واندار عليه ..
وحجة وهو ومدنج..خويه الوضع مو امن وهالعداوة اطول ولا تعرف جبير وله صغير ..
ماااعرف وافتح بالباب نزلني ..
لليال ..فهد ..راح ياخذ ابنه يسفرة ..
يسفرررة ؟؟؟؟
افتح الباب ..افتحها ..الله اكبر ع ظلمكم ..
افتح الباب ابوس ايدك ...
افتحها والله راح اموت احس اختنكت ..
اريد هوى رغم السيارة تبريد احس نفسي اختنكت اكثر ..
نزلني ..
نزلت من السيارة ماعرف وين ارووح كمت امشي سريع اريد ارجع رغم قرب المسافه من مشت بسيارة لكن داشوفها حييل بعيدة ..
جنت امشي واتلفت ..
واشوف سيارة احمد ترجع ورايه ..
وكف قريب مني اصعدي هسة ارجعج ..
كتله مااصعد ..
اصعدي ..لا تسويلنه مشكلة والله ارجعج..
اصعدي خويه ..
وكف السيارة ونزل ..جنت امشي سريع ..
واشوف
وكف قريب يمي ..
صار بوجهي اوكفي ..
وياشر بايدة اهدي ..هسة ارجعج بسيارة ..
كمت اخذ نفس سريع وكانما فاتني موعد رحلة ..
وكل اهلي بيها اريد بس الحك الها ..
كتله اقسم الي ترجعني ..
كال اقسم الج وحق الحق ارجعج وهذا الشارب ازينه اذا مارجعتج هسة ..
كدرت اخذ نفس ..
ورجعت صعدت ..
استدار بسيارته ..
ورجعني ..بدت الصورة توضح عندي ..
وصلنا....
قبل لا يفتح السيارة ..
كال ..خويه فهد عصبي والدنيا كلها ع راسه ..
فانتي حاولي تهدي ..ولا زيدين الطين بله ..
مسمعت كلامه نزلت من السيارة بسرعه ..
جانو اكو ولد واكفين برة ..
دخلت ..جوة ..شفتهم ..كلهم كاعدين ..
وشبل بحضن فهد ..
قبلي دخل احمد وجر فهد ع جهه
مكدرت احجي ..جريت ابني منه ..
وشبكته حيل ..
حتى شبل كام يبجي بايدي ..
اصعب احساس مريت بي واصعب موقف مريت بي من حسيت ابني انسحب مني ..
موقف مينوصف بكلام لكن كان موت بطيئ ..
