نفقد الشعور بالوقت والإحساس بكل جوارحنا ومشاعرنا لما نشوف الشخص اللي بنعشقه واقع ومش قادر يقوم...
كان سيف وزين منصابين. .صحيح أنا كمان لكن أنا ما بقدر أشوف صديقي وحبيبتي بحالة خطيرة جدا..
عملوا عمليتين لزين وسيف...كنا احنا التلاتة فاقدين الوعي..
ولمحت طيف ماري سيدرا قريب مني
ماري...أنا عم بحلم ولا حقيقة!؟
*حسب انتي شو بدك..كيف بدك تشوفي الشخص اللي قدامك...اتطلعي وشوفي وين انتي...
كنت بمكان غير المشفى. .كنت واقفة ع حيلي مش فاقدة الوعي...
اتطلعت بالمكان كان غرفة معتمة وماري سيدرا واقفة بقرب اشي ضخم...
ما بدي تميم يتحكم بعقلي
*جيت لاحذرك...جدو عارف مش رح يتركك بحالك يا سارة...
-بس أنا ما عملتله اشي...هو اللي حاقد علي..اصلا من لما كنت صغيرة وهو بيكرهني
* بدك الصراحة..كلهم كانوا بيكرهوك حتى عمي كامل ونورا...
-ليش طيب شو عملتلكم؟
*مش انتي شو اللي عملتي..تركي شو عمل..
فجأة صحيت وانا عم بتنفس بسرعة...
ضلوعي بتوجعني بس ايدين الممرض منعتني من اني اتجلس
زين.
*هي بخير وكذلك سيف..ما تقلقي...المهم ترتاحي. .
انتبهت ع وجه الممرض
علاء؟
*اهلين زعيم...الحمدلله عالسلامة
-خليني اتطمن ع زين
*هي بخير زعيم...بدنياكي تقومي انتي أهم اشي..
مسكت بلوزته وصرخت فيه بدي أروح اشوفها
*أسف زعيم...صعب اخليكي تقومي...
-بلا مسخرة..أقسم بالله بدبحك. .
رجف جسم علاء وبلع ريقه وقال العم عارف واقف برا..برا غرفة زين...وهو مفكرك لسة فاقدة الوعي..
*عارف..عارف برا! شو عم يعمل؟ ناديلي عز
-زعيم...
*ناديلي عز بسرعة...
-زعيم عز مش موجود برا..
*لكن وينه؟
بعد علاء وطلع برا الغرفة...
حسيت بأني عصبت..كل جسمي بده يثور ويفور. .حرارتي ارتفعت...
انفتح باب الغرفة بكل هدوء ودخل الحاج حاتم
بعكازته السودا..بتشبه عكازة جدو الطيب لكن الفرق أنه هاي سودا
كيفك يا سارة؟ سألني بصوت عميق
شو عم تعمل هون؟
*لسة فيك جينات تركي
-بابا ما تجيب سيرته ع لسانك..
*وقليلة أدب بعدك...لا كامل عرف يربيك. .
-شو بدكم مني؟
*بتعرفي قريبا..
وبسرعة اختفى..تلاشى وكأنه ما كان موجود...
تلاشى متل الغبار...متل السحر والخيال...مهو بضل شخص غير مفهوم للبشر. .بضل شبح..شيطان. .من عالم آخر..
حاولت أقوم عن التخت الأبيض لكن جروحي رجعت تنزف..شديت ع جروحي ومشيت لحد غرفة زين
قاطعني صوت عارف الجهوري لوين
*م الك دخل
فتحت باب الغرفة اللي فيها زين...فاقدة الوعي...
مسكت ايدها وبكيت جنبها...
ما بقدر بدونك..انتي لازم تكوني جنبي هﻻ...
وما هي ثواني حتى دخل عارف بقامته الشامخة وضحك باستهزاء بعدين طلع..رجع ع بيته..
ضميت ايد زين لايدي وغفلت عالكرسي..وبعد ساعة صحاني علاء ورجعني عمطرحي. ..
......
بعد أربع ايام صحيت زين وسيف في الوقت نفسه..تحسنت صحتهم خلال أسبوع وبعدها طلعنا كلنا من المشفى محملين بجروحنا. ..
ولما كلنا قعدنا بالبيت حكتلي زين هلأ حسيت بوجع جروحك
*تخيلي اني ما كنت شاعرة بإصاباتي غير لما قالولي...اللي صار معك نساني الشعور والله
-المهم أنه كلنا بخير..
*بتعرفي لو فقدت حدا فيهم او فقدتك انتي شو كنت رح اعمل؟
-بعرف...كنت رح تعملي العمايل بكل البشر
*كنت فجرت العالم كله بحاله...
-بحبك يا انتحارية...
*بحبك اكتر...
......
بعد م تحسنت حالتي اكتر قررنا أنا وزين وعز نرجع ع نيويورك ويرجع كل من سيف وفارس ومازن ع حياتهم الطبيعية...
لكن كان الحظ مش حليفنا. ..
استوقفني رشاد ع باب البيت
أنا بحب اخرب عليك قرار السفر...
*من وين طلعتلي انت كمان
- بدي اتركك تسافري بس مش هﻻ...بس لما أمسك عليك الدليل القاطع انك انتي قتلتي رشدي
ضحكت بسخرية وانت مصدق هالشي...بعدك غبي
*طيب احكيلي مين
-لو بعرف يا رشاد كنت حكيت..
كملت مشي وخلفي زين لكن صوته استوقفني مرة تانية للعلم..اسمك تعمم على الحدود..يعني ممنوع تطلعي...
-وليش؟
*بسبب عمايلك
قاطعته بهدوء مصطنع بس انتوا لسة ما مسكتوا علي ممسك يا رشاد..كل ادلتكم ضدي مش واضحة..مبهمة
*الحكومة عم تحقق بقضيتك ولحد م تقرر الحكومة..انتي ممنوعة من السفر...
قربت على رشاد وحكيتله بصوت أشبه بالهمس أنا ما حدا بيقدر يمنعني...
حكا عز سارة..خلينا نرجع لجوا. ..
اتطلعت ع رشاد كان مبتسم ابتسامة عريضة وكأنه انتصر للتو...
دخلت لجوا البيت ورنيت ع شخص
سامح !
*اهلين زعيم
-بدياك تتواصل مع ...... سكتت..ما كملت طلبي من سامح. ..كان عم يستناني ع الخط لكني سكتت..
ليش؟ ليش عم بخلي غيري يقوم باعمالي. .
ليش سمحت لنفسي اني أوصل لهاي المرحلة..
رجع صوت سامح زعيم شو هو امرك؟
*خلص انسى. وسكرت الخط وانهيت المكالمة..
قربت علي زين...مسكت أيدي بين ايديها..
ولمست خدي وابتسمت ابتسامة ضعيفة..
وحطت جبينها ع جبيني وقالت نفسي اعرف هالقوة من وين...
*بتعرفي ليش كل عيلة الوريث بيكرهوا بابا تركي؟
-لاء...ليش؟
*بضلهم يجيبوا سيرته..وكأنه في علاقة بينهم وبينه..
.....
قررت المسا ارن تلفون دولي ع نيويورك..واتصلت ب بابا
مرحبا يا بنتي..
*اهلين أبي..كيفك
-بخير الحمدلله..انتي كيفك..زين شو اخبارها..
*احنا بخير يا ابي..عز الصغير كيفه..وأمي وإخواني
-والله الحمدلله تمام
*الحمدلله...بابا بدي أسألك سؤال...شو في بينك وبين عيلة الوريث؟
سكت...ما في أي صوت...دقائق مرت بصمت..بصمت مطبق...
بابا لسة معي؟
ما رد...وسكر الخط..
اتطلعت ع التلفون باستغراب وحملت حالي وطلعت ع بيت العيلة..
فتحت ماري سيدرا الباب.
ما عندك بيت انتي؟ سألتها وانا عم بتخطاها للصالة
لا والله لسة عم بستناك تشتريلي بيت حكت بسخرية..
كل العيلة كانت مجتمعة عم يحضروا فيلم كوميدي...
فكرت أنه ما لازم اخرب عليهم الليلة والسهرة لكن طلبت بس الكبارية. ..قعدنا سوا بالمطبخ
شو جابك لهون ؟ سأل عمي ماهر بعصبية..
إجت لتعرف الحقيقة.. رد كامل..
كح الجد عارف مرتين دلالة على أنه الكل لازم يسكت..
وقال تركي بكون ابن العم...ابن رؤوف..رؤوف أخو الطيب...لكن من عيلة القصير..العيلة الأصلية اللي احنا انشقينا منها...
*ما فهمت... حكيت ببلاهة
أبتسم عارف وقال
لما تزوجت الحسناء كنت منشق عن عيلة القصير جديد...وبعد سنة تقريبا أنجبت الطيب ورؤوف. .
لما كبروا رؤوف قرر أنه يضل ع الكنية الأولى..القصير بينما الطيب قرر يبقى من عيلة الوريث...تزوج الطيب من رجاء وتزوج رؤوف من سلمى...أنجبت رجاء احفادي الأربعة..وأنجبت سلمى أيضا أربعة اولاد...بس كرهنا لتركي ما اجا بدون سبب..رغم فقره اللي اختاره كرمال ما يكون هو اللي يستحق لقب الوريث...ف قرر أنه يلعب معنا..ولما خسر..اشترطنا عليه أنه لازم يضحي..وكنت انت مخلوقة جديد عالدنيا. ..ونصيبك كان مع كامل ونورا...ضحى فيكي تركي
انسحبت..رجعت عالبيت ورميت جسمي ع التخت...
وبكيت..ليش بالفترة الأخيرة صاير البكاء هو الحل الوحيد؟
الشيء الوحيد اللي ممكن أنه يخلصني هالوجع هو زين...بس زين رغم كل شي إلا أنه في شي فيها متغير...
كأنها زهقت..ملت مني...او صاير معها اشي او حتى انها عرفت أشياء تانية أنا ما حكيت عنها...
مية فكرة وفكرة براسي...والصداع رح يدبحني. .
بدي ارتاح بس ما بعرف كيف...
فكرت بالكلام اللي عرفته عن الحقيقة...حقيقة أنه بابا تركي بكون ابن عم الأب اللي رباني..
الأب اللي عشت معه كل طفولتي...
كيف كان كامل ونورا؟ كيف كانوا بيسعدوني. .بيساعدوني بكل شي ومستحملين كل شي فيني..
مستحملين لحظات الضعف والبكا والوجع..مستحملين الحماس اللي كان بيشتعل فيني بكل وقت ومستحملين نكدي وعصبيتي وثوراتي وصراخي. .
كله كرمال شو بالضبط؟
كرمال يطلع سامي الوسخ اخوي ...الابن الشرعي لعيلة الوريث...الابن الشرعي لكامل ونورا..الللي هم المفروض يكونوا أهلي..
بس من اول يوم انقلبت علي الجماعة وكل شي صاير ضدي...
و هﻷ بسبب هالشي صار عيلة الوريث كلها بدها تنتقم مني بعد م كنت مخلصة من المشاكل..وفوق كل هاد طلع رشاد بنص طريقي...عشان كل شي بدي اعمله..رشاد رح يمنعني منه
أنت تقرأ
الزعيم الفتاة 2
Romanceالجزء الثاني من الزعيم الفتاة. .............. كنت أعتقد أن كل الأمور صارت على ما يرام بعدما تخلصت من كل من فكر بالانقلاب ضدي... لكن لم يكن ما مضى إلا البداية...مقدمة للأحداث البشعة التي ستحصل لي..بسبب تخلصي من سامي...صديق طفولتي ويدي اليمين...
