الزعيم الفتاة 2

مزاد على روحي لربما

ما عاد عندي اي حكي ينحكى..كل أحداث حياتي عم تتكرر..فقدان زين..خسارة نفسي..ومكانتي عمالها بتصير ضعيفة اكتر...وجسمي رجع يتعب بدون زين..
تمنيت انها تكون جنبي تحكيلي شو اعمل وكيف أتصرف..تمنيت انها تلفني بين ايديها..تمسك أيدي وتمدني بالقوة...
لكن ما كانت موجودة..تركتني بعز وجعي وضعفي. .
لكني شديت ع حالي ونسيت الموضوع..عفوا ..تناسيت. ..
اجا موعد وصول الشحنة ...
رحنا أنا وجماعتي اللي كان عددنا ثلاثين شخص..على مكان وصول الشحنة وكان انطونيو موجود...
أهلا أهلا زعيم
-كيفك انطونيو
*بخير بخير...شكلك سمعتي عن المزاد هون؟
-مزاد!؟ اه طبعا طبعا ..عندي علم...
*معناته بتعرفي أنه شي عشر تجار رح يجوا لهون..وفي كمان سبع زعماء عصابات...من ضمنهم الزعيم الإيطالي دانييل...
-دانييل؟ هاد المفروض أنه مات ع ايد المافيا الإيطالية من شي عشر سنين
*لا زعيم..دانييل ما زال ع قيد الحياة...ورح يجي كمان نص ساعة...زعيم عندي سؤال
-تفضل انطونيو؟
*عندي فضول اني اعرف كيف عرفتي عن المزاد؟
-يعني اللي فهمته من سؤالك انك كأنك عم تحكيلي يا زعيم ما كنا بدنياكي تعرفي عن المزاد..لأنك دايما بتخلي الكل يخسر وانتي بتطلعي الرابح الأكبر.عند مين بتشتغل؟
*والعذراء أنه كلنا تحت امرك...
-بعرف...وإذا كان عكس هيك انتوا بتعرفوا شو بقدر اعمل فيكم كلكم..
*طبعا زعيم..ما حدا بيقدر يحكي عكس هيك..يلا تفضلي عالقاعة
كان مستودع كبير...يتسع لحاويات شحن ضخمة...
رغم أنه ما في بالبحر الميت اي طريقة لأنك تبحر فيه..لكنهم هربوا الشحنات القادمة من البانيا عن طريق تل أبيب لهون...
استنيت ع أحد الكراسي بينما كان جنبي عز وسيف ومازن وفارس مع بقية الرجال منتظرين اوامري. ..وهم واقفين
بدوا التجار والزعماء يدخلوا مع ضجة بترافقهم وأغلب رجالهم وحرسهم بستنوا برا المستودع..منتظرين أي حركة او أي أمر منهم...
ولما شافني الكل ما حدا استرجى يقعد ع أي كرسي...
كنت أنا الوحيدة اللي قاعدة...كانوا كلهم واقفين..منصدمين ومنذهلين...
ابتسمت بسخرية وحكيتلهم اشكالكم كأنكم واقفين قدام ملك الموت او شي عفريت
*أهلا زعيم... حكا أحدهم وهو عم يحاول يتمالك نفسه بعيدا عن الارتعاشة اللي بتصيب كل شخص بقابلني
زعيم كيف بس عرفتي عن المزاد؟ سألني واحد تاني
كيف يعني عرفت؟ ولكم يا ولاد آل أنا الزعيم وبعرف كل شي...فكركم ما بعرف أي شي..بعرف كل شي...
*طبعا زعيم ما بيخفى عليك أي شي...علق واحد تالت
-اه صحيح عم تستنوا اعطيكم الإذن أنكم تقعدوا؟ ولكم اقعدوا خلصوني. .
قعد كل واحد فيهم ع كرسي وبلش الهمس يشتغل فيما بينهم...ونظراتهم ما تركتني بحالي..
حكيت بصوت عالي شكله الكل خايف صح؟ اني كالعادة أطلع أنا الرابح الأكبر لأني الوحيدة اللي بعرض مبالغ محترمة صح؟لا تخافوا هالمرة رح أحاول العب ع الخفيف عليكم...
ما حدا عنده الجرأة يحكي أي شي..
همسلي عز اووه زعيم زي الأيام الخوالي
ضحكت وقلتله ما ضروري سيف ومازن وفارس يبعدوا عني...اربعتكم لازم تكونوا جنبي ومعي مفهوم؟
-امرك زعيم...
وبعد دقائق طويلة بلش انطونيو بالمزاد..
كان بالمزاد في أسلحة جديدة وكميات بضاعة كمان جديدة
حكيت لعز حاسة حالي اني من العصور الوسطى..ما حدا بيحكيلي شو الأشياء الجديدة..
*لا تعصبي زعيم ارجوك...بس لانه ...
-لانه شو عز اه لانه شو...صرخت بأعلى صوت حتى التفت الكل وعم السكون أرجاء المكان
زعيم في شي؟ سأل أنطونيو بخوف
*لاء أنطونيو..فيك تكمل...
اول ربع ساعة...تاني ربع ساعة...لحد ما اكتملت اول ساعة...وأنا لسة ما عرضت سعر...
كانت ألسنتهم بتحكي عني بصوت أقرب للهمس. .كل العيون موجه الي بشكل غير مباشر..أنطونيو والكل عم يستنوا مني اعرض سعري. .
لحد ما اجا الدور ع رشاش قديم أشبه باللي كنت استخدمه لما كنت بسن ال17..
ألف دولار.السعر الأول حكاه انطونيو
رفع أحدهم السعر 1200
رفعت أيدي 1500
*1600
-شو رح تلعب معي؟2000 دولار..
*2500
-2700
*3000
-لا والله شكله عم يلعب معي...شوف العرض النهائي هلأ يا ابن آل... 5000 دولار...
فجأة الكل سكت..حسيت حالي عم بلعب لعبة بهالمزاد. ..انسحبت بسرعة وخليت عز ينهي آخر شي..طلعت بس بالسلاح...
بس يا زعيم احنا كنا بدنا شوي بضاعة.
*مليان عندي يا سيف...بدكياها انت روح اشتريها...عمري ...عمري كله ما خسرت هيك خسارة..ولا لعبت هيك لعبة..كان الأشياء كلها دوما الي...الي أنا وبس رغم أنه الكل بيلعب باسعار عالية...
......
اكتشفت أنه برغم كل شخص بيعرفني بخاف مني ومن بطشي...إلا أنه هالخوف عماله بيقل كل يوم اكتر من اليوم اللي قبله..
حسيت حالي ضايعة بين خسارتي لمكانتي. .وخسارة زين بهجرانها الي...
وتذكرت لحظة رجعتي عالبيت اول يوم الي بالشغل هاد
.كيف كان حسين الكويتي يهرب البضاعة بدون ما حدا يشك فيه..
اول أسبوع الي معه كان آخر أسبوع إله بهالحياة بسبب كامل وسامي لأنهم شكوا عنه..
كان يلبس بنطلون جينز مشقوق وجاكيت فضفاض شوي...ويلبس نضارات شمسية ويحمل البضاعة بشنتة لابتوب...ويمشي من معمله لمكان البيع...
بدون م حدا يشك للحظة أنه هو عم يتاجر بهالشي..
بعد م مات صرت اعمل متله..ألبس مريول المدرسة..ويكون عندي دوام بالمدرسة البضاعة تكون بالشنتة. .بعد الدوام أروح على مكان البيع...أخلص المهم اللي علي وارجع عالبيت..واحيانا أهرب من الدوام كرمال هالشي بس...لحد م صار عندي بالتدريج جماعة وعصابة وواسطات. .ولحد م صرت أنا..واسطة للجميع..بيلجأولي وقت الضرورة وبكل الأوقات...
هلأ أنا رجعت ضعيفة...وشكله لازم اعمل أشياء معينة..ليرجع اسمي اقوى من قبل..
دخل علي عز وأنا متمددة بالغرفة شاردة بافكاري
زعيم
*نعم عز؟
-بعرف انك مش قادرة تحكي..لكن في شي ضروري تعرفيه...خلال هاد الشهر انعقدت اجتماعات كتير باليابان..وبنهاية الأسبوع الجاي في آخر اجتماع
*ما الي مزاج اني أروح ع اجتماعات انت بتعرف هالشي..
-بس هاد مش مجرد اجتماع...أكبر المافيات رح يكونوا هناك..المافيا الروسية الالمانية وحتى الأمريكية...لانه مش مجرد زعماء وبيحكوا سوا...هاد الاجتماع حفلة ضخمة جدا.فيها كل أنواع التجارة..ومن ضمن المافيات المافيا اليابانية نفسها..الياكوزا..
*يا حبيبي يعني رح اتورط مع أخطر العصابات..بس يا عز ما بدي أروح..أنت عارف اني مش رح أقدر أطلع من هالبلد. ..ورطتني العيلة..
-في شغلتين يا زعيم لسة ما بتعرفيهم. ..
*كيف بدي اعرف اي شي وما حدا عم يحكيلي شي؟ سألته بانفعال فارتعش جسمه كله..
حكا عز انتي أخطر زعيمة في الوطن العربي...وكل رؤساء العصابات المحلية والعربية بخافوا منك...وكل واحد تحت امرك بيشتغل...ضروري تتماسكي شوي زعيم...
*فهمني طيب ليش ما بعرف أي شي عن المزادات اللي صارت قبل مزاد انطونيو اه..فهمني؟ ليش ما بعرف عن الصفقات اللي عم تصير بكل مكان بهالبلد اه.؟ فهمني ليش كل شي ضدي..
-ممكن تهدي يا زعيم..كل شي رح يصير متل م بدك بس روقي...نرجع لموضوعنا. ..
*طيب.طيب رح نرجع لموضوعنا..
-.الشغلتين اللي ما بتعرفيهم يا سارة.همة...الأول أنه اسمك مش معمم عالحدود. ..رشاد بهددك مش أكتر..رشاد بخوفك يا زعيم..التاني أنه هاد الاجتماع بالتحديد لازم تروحيله. .
-ليش بالضبط؟ مهو ما حدا بعت كرمال أحضر الاجتماعات خارج البلد...عم تقولي أنه تم عقد اكتر من اجتماع للزعماء خلال هالشهر وانا ما بعرف عنهم أي شي...ليش هاد بالتحديد لازم اروحه؟
*لأنه حفل ضخم وممكن يفيدك ك زعيم يا زعيم..ولأنه زعيم الياكوزا بنفسه طلبك بالاسم بعد م سمع عنك من شي سنتين...
-يا سلام...متورطة متورطة...ورشاد إله حساب عندي...