بعد م خلص حاق من كلامه وهو على شكل الشيطان ..حملت حالي وطلعت من البيت وانا من جوا حاسة حالي مش عارفة وين انا، ولا عارفة اشي.
ركبت سيارتي، ما في حدا موجود، كلهم رجعوا عالبيت الآمن، وكل اهل الوريث كانوا متخبيين خوفا من حاق لما تحول لشيطان.
سقت بأسرع ما عندي وكنت على وشك اني اعمل حوادث بطريقي.
لكن ما كنت راجعة عالبيت الآمن، توجهت للمطار، مطرح طيارتي الخاصة، وكنت حاجزة بالطريق رحلة لمصر، لحالي فقط.
صار لازم اني انعزل بعيدا عن الكل، وبعيدا عن بابا تركي بالتحديد.ما الي مزاج اني اشوف او اقعد مع حدا
ركبت بالطيارة واستقبلني عدنان احد رجالي
*اهلا فيك زعيم
# اهلا عدنان..
* بصير أسألك سؤال زعيم!
# تفضل عدنان
* وين بدك تسافري هلأ!
# بتعرف اذا حدا بيعرف وين رح اروح شو بدي اعمل فيك عدنان! ما بدي مخلوق يعرف اني رحت ع مصر.يلا انت الطيار اليوم
بلع عدنان ريقه دليل على انه ارتعب من اسلوب كلامي، حاضر زعيم
شغل عدنان محركات الطيارة الخاصة وتوجه على مصر،..ما حدا بيعرف اني سافرت، ما حدا اله خبر،
*زعيم، بتحبي تشربي اشي!
صوت وحدة من المضيفات اللي جابها عدنان بسرعة كرمال تعمل كل شي بدياه
بدي انام، بس قبل م انام حضريلي كاسة قهوة بسرعة
# حاضر زعيم
حضرت المضيفة قهوة وناولتني الكاسة
تفضلي زعيم، اذا احتجتي شي عطيني صوت بس
* ما بدي شي هلأ.
العصبية اللي انكتمت فيني بتخليني مجنونة، تلفوني صار يرن، بل يلح علي اني ارد لكن ما بدي ارد، مش قادرة استوعب اي شي، لحد م سكرت التلفون كليا.
خلصت قهوتي ، ورجعت المقعد لورا حتى صار شبه سرير، ونمت، دخلت بغيبوبة نوم.
وبعد بوقت طويل ما حسيت فيه، صحيت على صوت المضيفة بتحكيلي انه وصلنا،
والحلو بالموضوع انه بالطيارة في حقيبة سفر فيها تياب، عاملة احتياطاتي من كل الجهات في حال سفر مفاجئ
حمل عدنان الحقيبة عني وسبقني فتح باب الطيارة ونزلت قبله
كان عم يستناني ربيع، احد رجالي بمصر
اهلا زعيم
* اهلا فيك ربيع.استنى بس.
التفت على عدنان وقلتله رح تضلك معي وتروح معي وين م رحت، واوامري كلها رح تنفذها انت
أنت تقرأ
الزعيم الفتاة 2
Romanceالجزء الثاني من الزعيم الفتاة. .............. كنت أعتقد أن كل الأمور صارت على ما يرام بعدما تخلصت من كل من فكر بالانقلاب ضدي... لكن لم يكن ما مضى إلا البداية...مقدمة للأحداث البشعة التي ستحصل لي..بسبب تخلصي من سامي...صديق طفولتي ويدي اليمين...
