تركت عز يكمل اتصالاته وتوجهت برفقة الشباب لمكتبي الموجود بالطابق السفلي للفندق...
قعدت خلف طاولة المكتب العريضة شوي..استنشقت رائحة العطر اللي بفضله بالمكتب...
قعد فارس وسيف ومازن عالكنب الجلد قدام المكتب..
زعيم شكلك متضايقة؟ تسائل مازن خير في شي صاير ؟
-أخ يا مازن...مش عارفة الحق عالاوكراني ولا الامريكي ولا أفكر بالياكوزا. .ولا بالروسي ولا ب زين
*بعتذر ع سؤالي زعيم لكن مالها زين؟ سأل سيف
-زين مفقودة يا جماعة...ما الها اي وجود ب نيويورك..وتركت عز يتصل بكل حدا بالجماعة عشان يعطونا خبر عن وجودها...
*بركي لساتها بالأردن زعيم؟ حكا فارس
-ما أظن...هلا بس يرجع عز بنعرف.
وبهاي الاثناء كان عز داخل المكتب وقعد جنب الشباب وتنهد تنهيدة طويلة تدل على انه الأمل مفقود
شو يا عز..في اي اخبار؟
-لاء يا سارة لاء...اتصلت بكل حدا بنعرفه..اتصلت بالأردن بأمريكا وبالمكسيك وبكل مكان..ما حدا وصله خبر عنها...
*طيب نبهت عليهم بخصوص البحث المتواصل عنها؟
-خبرت يا زعيم خبرتهم...لكن لا شيء..
بعد لحظات رن تلفون عز معلنا وصول اتصال من هون...من اليابان
خير يا راسيل...نعم نعم...وخالد؟...شو؟
انتفض جسم عز بالكامل وقام بسرعة عن المقعد الجلدي وسكر الخط
زعيم..راسيل وخالد اكدولي الآن أنه زين هون باليابان..ب طوكيو..
*شو عم تعمل ب طوكيو ؟
-ما بعرف...
*طيب ارجع اتصل ع راسيل وخالد خليهم يجوا لعندي بسرعة
بعد ربع ساعة كان راسيل وخالد عندي بالمكتب
زعيم.. حكوا سوا وهم عم يدخلوا
حكا راسيل اتصلت ب جيمي من المطار ..واكدلي أنه زين دخلت اليابان من يومين...
*وكيف وصلت لهون؟ سأل سيف
-عم يحكيلي جيمي انها ما كانت لحالها..كان في معها ما يقارب العشرة أشخاص..كلهم صبايا
اتطلعنا انا وعز ببعض بنفس اللحظة..وعرفنا أنه زين تورطت..
زعيم وصل رئيس المافيا الاوكرانية...ورئيس المافيا الأمريكية السيد جون كمان عم ينتظرك بجناحه صوت الموظف معلنا وصول الزعيم الامريكي
بالله شوف إذا بيقدروا همة الإثنين يكونوا عندي بنفس الوقت..
#حاضر
........
*أهلا سيد جون..تفضل
-أهلا بك آنسة سارة...لقد كنت متلهفا لمقابلتك طوال تلك الأعوام المنصرمة..لكن لم أكن قادرا على رؤيتك بسبب ما حصل لك
*ما حصل لي كان عابرا لا أكثر يا سيد جون..أما الآن فقد عدا إلى ما كنا عليه سابقا...هل تدخن؟
-لن أقول لا.
ابتسمنا سويا وقدم راسيل لجون سيجار كوبي وبعد لحظات دخلت إحدى الموظفات وقدمتلي قهوتي وقدمت لجون قهوة أمريكية
رغم أننا في طوكيو إلا انك تقدمين القهوة الأمريكية وكذلك القهوة التركية..
*لا أستطيع ان أكون في اي مكان دون قهوتي..كل ما تطلبه هو هنا سيد جون.
-حتى النساء؟ ضحك بقوة فاضطريت اني أضحك معه.
*كل ما تشتهيه انا امتلكه. .
-في شيكاغو امتلك أربع كازينوهات صغيرة بعض الشيء...وفي كاليفورنيا امتلك العديد من أماكن البغاء..
*انت اذن شخصا لعوب أيها السيد؟
-ولما لا يا سارة...انني أفضل ان أكون لعوبا على ان أكون جادا في معظم الأحيان..وماذا عنك انت؟
*امتلك الكثير من الممتلكات الخاصة..لدي ملهى ليلي في طوكيو هنا...والكثير من المنشآت في كل بلدان العالم تقريبا...
-غسيل اموال؟
*سمها ما شئت...
-لهذا انت مشهورة..ليس فقط بتجارة المخدرات والأسلحة...بل بالممتلكات الأخرى التي تضعينها في وجه المدفع كثيرا...
*نعم كلنا قد قمنا بهذا العمل يا سيد جون..
شرب شوب من القهوة الأمريكية تبعته وحط رجل ع رجل وقال بيننا الكثير من المصالح المشتركة..ولقد سمعت انك تملكين سيطا واسعا في الشرق الأوسط...وأريد أن أعرض عليك...عملا أن شاءت التسمية...عرضا بمعنى آخر.
*عرضا؟ وما هو هذا العرض؟
-اني كما تعرفين امتلك أسلحة جديدة قد اشتريتها من روسيا خلال العام الفائت...وأريد أن ابيعها في الشرق الأوسط...
اتفقنا انا وجون على العرض..وخلصنا حديثنا ع دخول رئيس المافيا الاوكرانية.السيد إدوارد
ورئيس وراه رئيس..اتفاقات وصفقات تتلوها اتفاقات أخرى...
وأحاديث طويلة وضحك بصوت عالي...
لحد م اجا وقت الاحتفال الضخم...
توجهت بسيارة الليموزين لموقع الاحتفال..
إضاءة خافتة لكنها مليانة ضجيج...صبايا شبه عاريات وراقصات بكل مكان..
المشاريب بتروح وبتجي..وفي عدد هائل من الزوار لهالاحتفال. ..
كان الاحتفال بملهى ليلي موجود تحت الأرض..
بتعرفي زعيم أنه الشرطة حاولت توقف هالاحتفال لكن ما قدروا...لانه الياكوزا اقوى من السلطات اليابانية..وبعدين الياكوزا عملت هالاحتفال للتجارات لكن..قدام الناس هالاحتفال عبارة عن احتفال خيري..
بالزور وصلني صوت راسيل..
ابتسمت ببلاهة وانا عم بتطلع عالاشخاص الموجودين هون...
ورغم أنه عم يمشي معي ما يقارب العشرة أشخاص إلا أنه حسيت حالي أضعف الزعماء...واقلهم حيلة...
زعيم...هالمكان محجوز لحضرتك مع رجالك
المكان عبارة عن غرفة جانبية زي باقي الغرف بهالملهى..وواسع من جوا فيه مقاعد كبيرة مصنوعة من الجلد باللون الأسود...وفي بار بآخر الغرفة وواقف وراه الباريستا. ..مبتسم.
وكان في سبع صبايا يابانيات عم يستنوا وصولنا...
كانت الإضاءة باللون الأزرق ممزوجة بألوان تانية وصوت الموسيقى صاخب جدا...
رميت نفسي عالمقعد العريض واشرت للباقي أنهم يقعدوا فقعدوا. .
وبدت الصبايا بالرقص...
مرتاحة زعيم؟ سأل راسيل
اكيد يا راسيل
*بتحبي تشربي شي..
-فاجئني..ع ذوقك
*حاضر زعيم...
شغلي خالد سيجار كوبي وعطانياها...وبعدها ناولني راسيل كأس مارتيني...مشروب بارد منعش رغم اني ما بشرب كتير...
عز؟
*امرك زعيم
-في اي اخبار جديدة عن زين؟
*لاء يا سارة...بس أرسلت ورا رجالك هون أنهم يدوروا عليها بالاحتفال هاد
-ممتاز..
احتفلنا طوال ساعات طويلة لحد ما اجانا واحد وطلب أنه اتجه معه لمكان آخر...
مشيت خلف الشخص الياباني انا وعز والشباب لحد م وصلنا لدرج. .ومن الدرج نزلنا لطابق اخر تحت هالطابق. .
إن الزعيم قد أعلن للتو عن وجود صفقات هنا بالأسفل...تفضلي يا آنسة سارة..
وبعد بلحظات كان خلفي جون وادوارد وخوسيه المكسيكي...
وكل واحد فينا معه ما يقارب عشر أشخاص من جماعته للحماية..وكل واحد فيهم حتى رجالي وحتى انا بنفسي.. معه أسلحة خفيفة في حال اي شي خطير...
دخلنا للقاعة...كانت برضو الموسيقى فيها صاخبة جدا..
وفي صبايا راقصات لا يفصل بينا وبينهم اي شي سوى حواجز من زجاج..
قعدت ع مقعد جلد ...وخلفي واقفين رجالي..قعدوا كل الرؤوساء بجانب بعضهم كل واحد ع مقعد
بلش واحد من الموجودين اللي بشتغلوا بهالمكان يحكي كلام بالياباني..وبعديه في كان ترجمة بالانجليزية والعربية والروسية...
وبعد ثواني سمعنا نفس الأصوات عم تحكي أنه في عرض لتجارة البشر...
كان في كتير بشر خلف حواجز زجاجية بالجهة المقابلة لجهة الحواجز اللي خلفها الراقصات..
كانوا بنات أعمارهن بين ال15 سنة والثلاثين.
وكان في صبيان أعمارهم ما بين ال12و ال20 سنة...كانوا أجمل الاولاد والبنات...ومن مختلف الجنسيات...
انقطع صوت الرجل الياباني اللي عم يعرض علينا الأطفال بدخول رجل ذو هيبة..لابس دشداشة بيضا وحاطط عراسه الحطة والشماغ..ومبين عليه أنه أحد أغنى رجال الوطن العربي..وخلفه كان حراس أربعة..كل واحد فيهم إله عضلات أكبر من التأني.وبجنبهم في كلب حراسة شرس. ..
كمل الياباني العروض لحد م دخل واحد من رؤوساء الياكوزا وقعد بمحله. ..
وبلشوا الرؤوساء يحكوا المبالغ اللي بدهم يدفعوها لشراء اي واحد من المعروضين. ..
تمنيت بلحظتها اني اشوف زين من ضمنهم...عشان انقذها. .لكن ما كانت موجودة بالاحتفال...
شو زعيم..على ما يبدو انك ما بدك تكوني متل باقي الزعماء؟
وبسرعة اتطلعت ب راسيل بنظرة غضب حس فيها بالخوف...
*زعيم والله مش قصدي شي يا زعيم...
-أخرس...ما بدي اسمع صوتك .الك حساب بس نرجع عالفندق...
ما بعرف إذا التجارة هاي تعتبر خيانة..يعني انا هلأ إذا اشتريت واحد منهم بكون عم بخون زين ولا عم بخون خوفي من ربي....
كملت الجلسة بدون اي شي..مش قادرة اعرض سعر انا مش شخص بيعمل هيك بالبشر اللي ما الهم اي ذنب..
سمعت جون عم يحكي وهو فارط من الضحك أنه عم يشتري الصبيان لأغراض شنيعة...
لكن انا غلطت نفس غلطته من شي عشر سنين...وقت كنت أصغر من هيك...
رغم إني كنت صغيرة لكن عملت كل شي غلط زمان...ونفسي ارجع اعمل كل شي كنت بعمله زمان..
بس ما بقدر...زين غيرتني كليا والمشاكل غيرتني كمان.
أنت تقرأ
الزعيم الفتاة 2
Romanceالجزء الثاني من الزعيم الفتاة. .............. كنت أعتقد أن كل الأمور صارت على ما يرام بعدما تخلصت من كل من فكر بالانقلاب ضدي... لكن لم يكن ما مضى إلا البداية...مقدمة للأحداث البشعة التي ستحصل لي..بسبب تخلصي من سامي...صديق طفولتي ويدي اليمين...
