قضيت يومين عالسرير متوجعة من الجرح اللي ببطني. .لحد م رجعت وقفت ع رجلي. .
جمعت رجالي فارس وسيف ومازن وسامح وعدنان وربيع وكرم وفؤاد وعز...قعدنا كلنا بقاعة صغيرة موجودة بالبيت الأمن...واشترك معنا قاسم ورزان وابتسام. ..
زعيم..خلال هاليومين عملنا بحث مكثف ..ووصلتنا أخبار انه عبد ورانية صاروا بإسبانيا...
حكا فارس
*شكلهم نسيوا شو عملت الزعيم ايام زمان بكل حدا انقلب ضدها علق سيف
رد عليه مازن والله ايام لا تنتسى. ..دمرتهم تدمير ورغم هيك لسة عم نكتشف خيانات أخرى..
بينما هم كانوا عم يتذكروا زمان...انا كنت شاردة بأفكاري
زعيم..ما قلتي شو العمل هلأ! سألني فؤاد
بدي نتخلص منهم بأسرع وقت...
*ليش؟
-مين فيكم بتذكر أبو خيام؟؟
*أبو خيام؟ سألوا بصوت واحد
جاوبهم عز تتذكروا ماركوس الوسخ...اللي تعامل مع سامي؟ أبو خيام كان الممول لمعمل ماركوس...وايده اليمين بكل مكان ...آبو خيام اغتنم الفرصة وصار يجمع بكل شخص ضد الزعيم...
وهو اللي حرض ماركوس على انه يقلب ضد الزعيم...واللي حرض انطونيو التاجر انه ما يبيع للزعيم اي شي...وأنه ما يخبر الزعيم عن مزادات السوق السودا....وهو كان السبب الرئيسي لانقلاب الكل ضد الزعيم قبل خمس سنوات..وهو حاليا شغال بالتجارة..واخد نص السوق السودا....وعم ينتج مواد جديدة وعم يبيعها بتمن أغلى بشوي من السعر تبعنا
كانت كل عيونهم موجهة اتجاهي عم يستنوا مني اني احكي اي شي.
تساءل سيف بحيرة يعني زعيم...ابو خيام رجع يضرب!
* ابو خيام كان اصلا ضارب ضارب، لعب بالبورصة كتير من شي سبع سنوات، وخسر نص ثروته، واجا اخد من عندي قرض بمليون دينار اردني، لحد م اكتشفت انه هو عم يعطيهم ارباح لناس عنده، مش عم ياخدهم ت يسد ديونه وخساراته...اصلا ابو خيام رغم انه هو الممول لماركوس زمان، الا انه كتير شخص غبي... جاوبته وانا عم بتطلع بعيون عز.
كأنه عز الوحيد اللي عارف شو عم بحكي.
طيب يعني زعيم...بدنا نهجم! سألني ربيع باستغراب
اكيد...ما بسمح لأي حدا انه يوقف ضدي او بطريقي...بعدين ضرباته لأبو خيام وسخة كتير....وصار دوري اني القنه درس مش رح ينساه ابدا في حياته كلها...
جاوبته بكل ثقة.
........................
تاني نهار، جهز فارس عدد منيح من الحراس ووزعهم حولين البيت الآمن، وحط كمان جوا حديقة البيت.
زعيم كلنا جاهزين وعم نستنى اوامرك
* ما بدي حدا من رجاله يضل عايش...وبدياه لأبو خيام حي ..
# حاضر كلهم بصوت واحد
ودعت زين ولعبت شوي مع عز الصغير وطلعنا، توجهنا لمكان عرفنا عنه انه موجو فيه ابو خيام...
أنت تقرأ
الزعيم الفتاة 2
Romanceالجزء الثاني من الزعيم الفتاة. .............. كنت أعتقد أن كل الأمور صارت على ما يرام بعدما تخلصت من كل من فكر بالانقلاب ضدي... لكن لم يكن ما مضى إلا البداية...مقدمة للأحداث البشعة التي ستحصل لي..بسبب تخلصي من سامي...صديق طفولتي ويدي اليمين...
