ليش ما دخلنا! كان سؤال عز شوي غبي
#سمعت معي شو حكتلي ماري..
* انا ابله بعرف
ضحكت رغما عني وشردت بالطريق
سارة ركزي وانتي عم تسوقي...بديش اموت هلأ بحادث سير.
رجعت ضحكت بقوة مش رح تموت
* نفسي افهم مزاجك انتي، مرة معصبة ومرة سرحانة ومرة بتضحكي...شو شاربة!
# مش شاربة اشي غير قهوة، ورغم هيك لسة بدي شوية كافيين كمان
* لسة بدك...شربتي اربع كاسات قهوة، ارحمي حالك يا شيخة
# كيف حالك عز!
ضحك عز وقال والله انه اشتقنا لسماع ضحكتك يا بنتي
* واال، لهاي الدرجة انا شخص قاسي!
عدل جلسته ع المقعد وقال مش قصة انك قاسية
* طيب!
# قصة انه هاي الفترة كانت كتير صعبة عليك، وكنت طول الوقت معصبة ومتوترة وعليك افكار بتدمر العالم كله..
*مضغوطة
# بالضبط....بس منيح انك بديتي ترجعي تضحكي شوي وتتهبلي
شديت بالسرعة شوي وقلتله باستخفاف يا سلام، بطلنا الزعيم
وانفجرت ضحكة مني ومن عز....خلتني أحن لأيام زمان، وقت الجماعة كلها حولي.
بعد م وصلنا ع بيت اهلي فتحلي قاسم الباب وضمني ضمة قوية ورفعني عن الأرض
قاااسم
صرخت فيه امي ارحم البنت شوي.
ضحك قاسم وقال يما مش بإيدي والله اني اشتقتلها
قربت امي علي وضمتني، طبعت بوسة ع ايدها وع كفها.
الله يرضى عليك يا بنتي.
اجا صوت رزان من بعيد واحنا ما بنسمع هاي الكلمة
ضحك قاسم وعز وامي على رزان ...ضمتني هي كمان ضمة قوية وقالت الحمدلله انك جيتي.
* هيني هوون، ومستعدة اني اعوض عليكم كل شي.
قعدت امي على الكنبة وقالت من بين دموعها
قلبي عم يتقطع على ورد وعنان.وخالد كتير موجوع ع اخوانه...خالد كتير متعلق بورد..
قربت عليها وجثيت ع ركبي قدامها وابتسمت ابتسامة خفيفة ت اخفف عليها وجعها
امي، هيني جيت ت اخد حقنا منهم
اجاني صوت بابا من وراي
حقنا كتير كبير ...
رفعت حالي عن الأرض وبوست جبين بابا وقلتله كيف صحتك بابا!
أنت تقرأ
الزعيم الفتاة 2
Romanceالجزء الثاني من الزعيم الفتاة. .............. كنت أعتقد أن كل الأمور صارت على ما يرام بعدما تخلصت من كل من فكر بالانقلاب ضدي... لكن لم يكن ما مضى إلا البداية...مقدمة للأحداث البشعة التي ستحصل لي..بسبب تخلصي من سامي...صديق طفولتي ويدي اليمين...
