حضنتني زين من ضهري وانا ما زلت متمددة. .
ليش البكا سارة؟
-لإني تعبت
*من شو؟ شاركيني تعبك ارجوك
-مش قادرة....
*ارجوك احكيلي..خليني اشيل شوي عنك هالوجع
-ليش بطلت قوية متل قبل؟ ليش ما عاد الي كلمة.
*ومين قالك أنه انتي بطلتي؟ بالعكس..كل شخص بهالبلد بيحسبلك حساب يا سارة...
-الكل بس مش العيلة
*مش مقررة تنسي امرهم؟
-حتى لو يا زين..بكل الأحوال بعدني من العيلة بعدني من العيلة
* ما فهمت...
...........
كل الأشياء من حولي بتصير مبهمة إلا كل شي بيتعلق ب زين..
قلبت جسمي وخليت جسم زين فوقي..وبحركة سريعة صارت زين من تحت..
سارة أيش في؟
-بدي انسى العالم كله وانا بين ايديك..بين حضنك..معك..بدي انسى مين أنا وحالتي ومكانتي والقابي كلها...بدي انسى مشاكلي وعيلتي وروحي..بس بدياكي تتحمليني وتصبري علي وتسمعي صوت صراخي ووجعي من جوا بدون ما أحكي وبدون ما ابين هالشي...
*قومي..اتجلسي سارة
اتجلست بعد م كنت متمددة..لفت زين رجليها ع خصري واحنا عالتخت. .حطت جبينها ع جبيني وباستني بوسة طويلة هادية ببطء...
انشلت حركتي...أنفاسها الدافية نقلتني ع مكان بعيد.قتلتني...
بعد نص ساعة طلعنا من الغرفة واحنا شابكين ايادينا ببعض
أخيرا طلعتي صوت عز الهادي
تأملت وجه عز..ولقيت أنه في شخص تاني قاعد مع عز
ماري؟ شو عم تعملي هون
*اهلين بنت العم.....جيت لنحكي شوي..
#بس سارة ما بدها تحكي معك يا ماري سيدرا
-زين حبيبي فينا نهدى شوي
*زين سارة ما اجيت لنتقاتل والله..جيت لاحذرك يا سارة...
-تحذريني من شو؟ من شو يا بنت العم...مش بكفي زوجك مش مخلي فرصة عشان أسافر واكمل حياتي..ولا أهلك.ولا حتى جدك عارف...من شو بدك تحذريني
*ليش مستخفة بقدرات العيلة..بتعرفي أنهم مش رح يعملوا أي شي ضدك..رح يضروك فترة بعدين كل شي رح يكون لصالحك
سألها عز انتي لصالح مين بالضبط.؟
-نفس السؤال..نفسي اعرف انتي بصفي ولا بصف العيلة يا ماري؟
*بعدين بتعرفي...بكل الأحوال بقدر اساعدك..
-ماري يا ماري...ما بدي مساعدة من حدا...
*بس أنا عم بحذرك
-ما حكيتي شي جديد..بس يكون عندك تحذيرات وحكي جديد هيني هون..
طلعت ماري سيدرا من البيت بخيبة امل كالعادة..
شغلت سيجارة ودخنتها بشراهة. .الأولى والتانية والرابعة
كم مرة قلتلك ارحمي حالك..عالاقل ارحميني
علق عز زين يا بنتي...لا تحكي معها وهي معصبة
انفعلت زين بابا بدل م توقف بصفي عم تحكيلي ما أحكي معها...لكن مين يحكي معها..لازم توقف عن هالشي..
لكن فجأة قلبت ملامح وجهها لملامح بائسة اصلا أنا حاسة حالي عم بحكي مع حالي....
جهزت زين معي العشا..ووقت الاكل أكلت اول لقمة وبدت زين بالحكي قررت احطكم تحت الأمر الواقع واقولكم بكرا بدي أسافر ع نيويورك...أخيرا رح أرجع لعند ابني عز كانت عم تحكي بكل سعادة
تركت المعلقة من أيدي وسرحت فيها..هاي عم تحكي جد ولا عم تمزح
من ايمتى بتاخدي قراراتك لوحدك؟
-مش لازم كل ما بدي اتخذ قرار الجألك يا سارة..أنا مش صغيرة
*بس طول عمرنا واحنا بناخد القرارات سوا
صرخت زين بوجهي زهقت من هالشي..ومليت من القعدة هون...وبعدين ما رح استحمل اكتر من هيك..كل يوم مشكلة..
قامت زين عن الطاولة ودخلت لغرفة النوم..لحقتها بانفعال استني سوي..بدنا نكمل كلامنا..
بهاي اللحظة دخل عز وقال بعصبية كيف...كيف يعني قررتي انك تسافري...ما فكرتي بردة فعلنا...عالسريع حطيتينا تحت الأمر الواقع .
*بابا بترجاك بدل م توقف بصفي عم توترني اكتر
-ليش بدي أوقف بصفك بعد م اخدتي قرار انتي بتعرفي شو نتيجته بعدين
*بابا رفعت صوتها اكتر...
طلع عز وتركنا وهو معصب...اتأملت زين...
ملامح وجهها تدل على انها عم تحكي جد..
*زين
-سارة بليز...بدي أجهز اغراضي
*اغراض شو اللي بدك تجهزيها. ..زين انتي عم تدبحيني هيك بسفرك هاد...
-سارة بترجاك ما بدي احكي بالموضوع...خلص قررت وحجزت وبكرة السفر
*فكرك رح اخليكي تسافري هيك بكل بساطة..
-حاولي...
*طيب فهميني ليش
-لأني زهقت. .زهقت أشوفك كل يوم عم تطلعي من البيت ع مشاكل..وقلبي معلق بين الحياة والموت معك..أبصر بترجعي عايشة ولا ميتة....كل يوم عم بموت لما بتروحي ع شغلك..كل يوم بحس روحي عم تطلع معك...
*زين...في شي تاني صح؟
-بدي عز..
قاطعتها بانفعال لاء...مش هدول هم السبب...في شي غيري أنا وعز..بعرفك اكتر من ابوك ومن حالك..حافظتك بصم
اتطلعت فيني..حسيت عيونها عم تحكي السبب..بس ما سمعت...ما فهمت أي شي من عيونها...
بعد صمت طويل سألتها بانكسار
زين بدك تهجريني؟
لكن ما في اي رد من زين...حسيت دموعي استقروا بعيوني لكن قبل م تنهمر كمية الدموع الكبيرة مسكت نفسي عن البكاء وشديت قبضة أيدي وقلتلها بعزة نفس
اعملي اللي بدكياه يا زين. .لكن اول عن آخر مرجوعك الي...
ارتسمت ابتسامة سخرية ع وجه زين...حملت حقيبتها وطلعت..تخطتني بكل هدوء...وقبل م تعتب عتبة باب الغرفة التفت اتجاهي بس ما حكت أي شي.
طيب عالاقل ودعيني توديعة تناسب ألمي..خبريني انك عم تمزحي. .أنه هاد كله مقلب..انك عم تعاقبيني ع تصرفاتي بس مش عم تهجريني...قوليلي انك لقيتي بيت تاني أنا موافقة..بس مش الهجر يا زين
قعدت زين عالكنبة بكل هدوء..قعد جنبها عز..طبع بوسة طويلة ع جبين بنته ومسك ايدها وحكا وهو موجوع
بتشبهي أمك...قبل م ننفصل هيك عملت فيني...كان تركها الي سريع وسخيف جدا...كرمال انها زهقت مني ومنك ...تركتنا ....لا تغلطي نفس الغلطة...رح تندمي عليها يا بابا
*عمري ما كنت شبه أمي يا بابا...أنا ما عم بغلط أنا عم بعمل الصح...ماما تركتني ..بس أنا ما بدي اترك عز أنا هيني بدي ارجعله. ..
-طيب ما فكرتي فيني؟ انا أبوك حبيبك..
باست زين ايد عز وقالت لازم اعمل هيك..سامحني يا بابا
رغم أنه سفرها بكرا إلا انها طلعت من البيت وهي حاملة أغراضها...وما رجعت...ما ودعتني التوديعة المناسبة....أخدت روحي وقلبي معها..وتركتني بلا شي...تركتني فارغة..فراغ عظيم تركته وراها
وهي بتعرف أنه من بعدها رح أضل بالعتمة. ..
رن تلفوني عشر مرات وبكل مرة بتجاهل صوت اللي يلح علي كل دقيقة..
مر اليوم بشكل صعب جدا علي وعلى عز...وتذكرت فجأة راما وعلي كيف ماتوا يوم الهجوم ع قصري. .
حسيت بغصة فقلبي..ضمني عز لصدره وبكيت بمرارة...لأول مرة ببكي بهالشكل. ..
طلعت الشمس تاني نهار بكل لطف..الجو كان لطيف نسمات هواء منعشة ...وكل شي كان هادي..
بالعادة صوت زين بصحينا حكا عز وهو عم يناولني كوب القهوة..
شو مخططاتنا اليوم يا عز؟
-في اجتماع رح ينعقد.....
قاطعت حديثه ما اظن اني قادرة أروح عاجتماعات يا عز..غيره
سرح عز للحظات وقال في عملية تجارية..رح تصير...صفقة بأربعة مليون دولار...
*وين رح تصير؟
-اظن سيف او واحد من الشباب بيعرف التفاصيل اكتر مني...رح اخليه يخبرك...بس هاي الصفقة رح تنعقد خلال مزاد للاسلحة وبضاعة. ..
*يعني في بضاعة رح تنباع هناك؟
-خليني بس دقيقة ابعت للشباب أنهم يحكولك التفاصيل
تنهدت تنهيدة طويلة اتبعتها بنفس طويل وسيجارة ..دخنت بكل هدوء دون شراهة. .وحسيت بكل نفس دخان في نفس بيطلع مني بدون عودة..
وزين كانت الوحيدة اللي مقتحمة عقلي دون أي مقاومة مني
أنت تقرأ
الزعيم الفتاة 2
Romanceالجزء الثاني من الزعيم الفتاة. .............. كنت أعتقد أن كل الأمور صارت على ما يرام بعدما تخلصت من كل من فكر بالانقلاب ضدي... لكن لم يكن ما مضى إلا البداية...مقدمة للأحداث البشعة التي ستحصل لي..بسبب تخلصي من سامي...صديق طفولتي ويدي اليمين...
