استقبلني عمي ماهر ووجه مليان غضب...
كان لابس بدلة رسمية....وواقف خلفه جدي الطيب...
وبايده عكازته البيضا متسند عليها..
مرحبا عمي..مرحبا جدو
*اهلين يا ست سارة..تفضلوا.. حكا ماهر بدون نفس
دخلت ايد بأيد أنا وزين..اتوجهنا لغرفة الضيوف الواسعة..
كان البيت لسة فاضي..ما في غير أنا وعمي ماهر وزين وجدو...
كيفك يا سارة؟ سألني جدو الطيب
*بخير يا جدي بخير....
-كيفك يا زين؟ وجه السؤال لزين
#بخير الحمدلله
-كيفه عز الصغير؟
#منيح..بكرا بصير عمره خمس سنين
-يلا ع خير...كيف أمور شغلك يا سارة؟ رجع وجه السؤال الي
*ماشية أمور الشغل يا جدي...الحمدلله..بس طبعا لا يخلو الأمر من الضغط الرهيب من كل جهة
-أكيد..ما في أي عمل إلا وفيه ضغط وتعب يا جدي...
*شكلي اول الواصلين؟
-انتي بتعرفي أنه رأفت وعيلته آخر الواصلين..وكامل وعيلته فوق بغرفهم. .وجدك عارف شوي وبيرجع من مشواره..والبقية كذلك..
* اه يعني الشلة كلها بصحبة جدو عارف؟
-نعم إلا سامي...هيو ملقح فوق جنب أمه..
كان تصرف جدي الطيب عادي وطبيعي جدا معي وكأنه مش عاطي أهمية ابدا للي عملته بكامل وعيلته...
لحد م انفتح الباب الخشبي ودخل منه جدو عارف بقامته الطويلة وجسمه الشامخ رغم كبر سنه ووراه كل أحفاد العيلة ابتداء من ماركوس نهاية ب ليان...
دخل الجد عارف لغرفة الضيوف واتصدر الغرفة على كنبة صغيرة شوي تتسع لشخصين فقط ومصنوعة من الجلد الأصلي...
ناوله عمي ماهر كاسة ماي وشربها ع تلات دفعات..
لحد م أتطلع الكل علي انتبهوا لوجود زين
حكيت أنه الاجتماع هاد يخص فقط أحفاد الوريث..وزين مش حفيدة ولا من عيلة الوريث
قلتله بحزم بس هي ام حفيد من أحفاد الوريث يا جدو..
*خير..العتب مش عليكي العتب على الغبية ماري اللي ما فهمتك أنه بس انتي لحالك تجي...
شدت زين ع أيدي دليل على انها بدها تصرخ بوجهه لكني حاولت اني اهديها بشدة ايد ..
التم الكل ونزل كامل وعيلته بكل بطء على الدرج...
بسبب أنه سامي صار مقعد وكامل اعرج ونورا تعبانة نفسيا...
انتي بتعرفي شو عملتي فيهم يا سارة؟ سألني عارف
*بعرف..وبستحقوا هالشي
-ليش بنظرك بستحقوا هالشي؟ شو عملوا؟
*عأساس ما بتعرف يا جدو عارف شو عملوا كامل وعيلته....كامل وعيلته حاولوا يقتلوني. ..خطفوا زين واغتصبها سامي وكامل ونورا ساكتين عن الموضوع..والاسخم من هيك كلكم كنتوا ساكتين عن الموضوع...
#احكي باحترام مع جدك يا قليلة الأدب...كامل ما عرف يربيك. .انفعل عمي رأفت
-اخي..لا تحط الحق علي..شو اعمل اذا جينات أبوها تركي بدمها. .علق كامل
# بس الحق عليك..كان لازم تربيها منيح وتبعد عنها هيك جينات وسخة
*للعلم أنا هون علقت بنرفزة
عم السكوت وقت كح جدو عارف مرتين..والكل صاروا يرتعشوا بشكل خفيف خوفا من بطش عارف..إلا أنا..
ما عاد بايده ياذيني. ..أنا ما حدا بيسترجي يأذيني. .بمحيه عن الوجود...
-أخرس يا رأفت واخرس يا كامل....أنا جمعتكم اليوم عشان نعرف القصة من وجهة نظر الطرفين...
*ارجوك جدو عارف...أنت اكتر حدا بيعرف التفاصيل من اول م تعرفت حضرتك ع الحاج حاتم....واضحكتوا علينا بقصة وريث العيلة....
#احترمي جدك عارف يا قليلة الأصل.. صرخ ماهر
-عمي ماهر ارجوك ارحمني...كلكم كنتوا ضدي وعارفين اللي عم يصير...بس يا خسارة العشرة فيكم...بدل م تطلعوا على حقد وغل كامل وعيلته صرتوا بدكم تحاسبوني أنا...
قاطعني عارف بصوت مسموع احنا قررنا نتخلص منك...
*نعم!؟ بصدمة وذهول
لا تحكي متل ما قال سامي قبل سنين..قررتوا تعزلوني وتغيروني...
-نعم قررنا نتخلص منك....
*كيف..ما حدا قدر يتخلص مني أنا الدون..
^مش لأنك الدون يعني لازم نهابك يا سارة..م انتي خساراتك فادحة...اذا الكل بهابك ف احنا اللي وصلناك لهون.. كان سامي عم يحكي بكل جدية معي وكأنه ولا حدا عارف شو انا كنت...واللي قاعدة قدامهم بتمتلك مئات الأشخاص حول العالم تحت أمرها ومستعدين بضحوا بارواحهم كرمال الدون الأول والأخير ...
*احنا بلغنا عنك للشرطة.. قال رأفت
كمل كامل وبظرف يوم رح تلقطك الشرطة
حكت وراهم الجدة رجاء وما تحاولي تهربي. .
كملت نورا وكل الأدلة اللي تدين اعمالك موجودة وجاهزة ضدك...
كمل ماركوس ابن العم ماهر مش رح تقدري تهربي..الشرطة عممت اسمك وصورتك. ..
حملت حالي وسحبت معي زين وانصرفنا بسرعة
ولما ركبنا السيارة خبطت الدركسيون براسي اكتر من مرة لحد م جبيني صار ينزف..
بيبي بترجاك لا تأذي حالك صوت زين بترجي وهي عم تبكي
أنا ما حدا ..ما حدا ضل عايش بعد ما هددني. .ما حدا بهددني أنا..أنا بس اللي بهدد صرخت بأعلى صوتي...
لحد م رن تلفوني وكانت ماري سيدرا المتصل
كيفك؟
-سؤالك غبي جدا...كيف رح أكون يعني يا ماري. .
*بقدر اساعدك..
-ما بدي مساعدتك..ما تنسي مين أنا يا ماري..أنا زعيمة أكبر مافيا واقوى مافيا بالوطن العربي وحول العالم..أنا الدون اللي كل زعماء العصابات بكل مكان بخافوا مني ومن سيرتي ومن اسمي
*فكرك بالقوة والجبروت الناس رح تحبك؟ هنن بس خايفين من جبروتك وبطشك. .بس مش أكتر...انتي هيك شيطانة..
-لا تستخفي فيني يا ماري. .انتي اكتر حدا بيعرف أنا شو ومين...
* كنت بدي اقولك اني اخلي زوجي رشاد يساعدك
-عندي مليون رشاد بيقدروا يلغوا عيلة الوريث عن وجه الأرض...
*تهديد يعني؟
-انا بس اللي بقدر اهدد وغيري رح يوقعوا بين ايدي..سلام يا مرت العقيد رشاد...
...
رميت التلفون بحضن زين وتوجهت بالسيارة لبيتي ...
سارة؟ نادتني زين وانا ما زلت شاردة بافكاري ومعصبة وجسمي كله ساخن...
جبينك عم ينزف...اتوجهي لأقرب مركز طبي بسرعة
*زين ارجوك خليني شوي بحالي..
-سارة جبينك عم ينزف توجهي لأقرب مركز طبي.. صاحت فيني بانفعال
*زين ..اتركيني بحالي ابوس ايدك صرخت عليها..
-ما رح اتفرج عليك بسكوت واشوفك عم تنزفي. .ليش ما عم تفهمي اني ما بدي تتوجعي..ما عم تستوعبي. .
وانفجرت زين بالبكاء وكأنه البكاء رح ينقذنا من مشاعرنا المتضاربة...ركنت السيارة ع جنب ومسكت ايد زين
ولك ارجوك لا تضلك عم تبكي...
*اتركيني بحالي شوي...
-ما بدي...
أخدت زين نفس عميق وبعد م هديت حكتلي قومي نرجع عالبيت..
*يلا نرجع عالبيت
توجهنا لبيتي الموجود بهالبلد وتذكرت كل الأحداث اللي صارت معي...
وحسيت بغصة بقلبي بسبب كل شخص مات بالأحداث القديمة...تذكرت كل شخص...
حسيت قلبي رح يموت ويوقف...وراسي عم يدور ف مكانه وكل شي حولي عم يلف...
وبكيت بمرارة وحرقة قلب...ضمت زين راسي لصدرها وسمحتلي أبكي...
تذكرت ملاك وقيصر. .وعبد الرحمن وجنات.ورانية وعز وكوثر رأفت وبلال وحنان...
راما وعلي وديفيد وشهد وزينة...
وازدادت حدة البكاء مع كل شخص كان بحياتي وكل شخص مات...
بس صدر وحنان زين كانوا كافيين بأني اتخلص من الذكرى اللي اوجعتني لبعض الوقت..
أنت تقرأ
الزعيم الفتاة 2
Romanceالجزء الثاني من الزعيم الفتاة. .............. كنت أعتقد أن كل الأمور صارت على ما يرام بعدما تخلصت من كل من فكر بالانقلاب ضدي... لكن لم يكن ما مضى إلا البداية...مقدمة للأحداث البشعة التي ستحصل لي..بسبب تخلصي من سامي...صديق طفولتي ويدي اليمين...
