مضت الأيام بسرعة...او يمكن انا هيك حسيت لانه كل شي كان يمشي قدامي بدون م اركز عليه..
والشي الوحيد اللي كنت مركزة عليه هو زين..
ملامحها..عيونها الدافية. .حضنها الحنون..وصوتها وهي عم تهمس بإدني انها بتحبني ..
وهزة خصرها بالتصوير البطيء قدامي ت تهون علي شوي مشاغلي ضغوطات العمل والحياة..
وكيف بتمسك راسي وخدودي بين ايديها وبتحضن شفافي بشفافها. ..
كل شي كان طبيعي وعادي لحد م صارت الاوجاع اللي فيني تزداد ألم..والصداع الرهيب ما عاد يخلص. كل يوم بزيد. .بصير اقوى من قبل..
.ومعدتي بتنقلب من جوا. .بتوصلني لمرحلة الضعف الشديد..كأني مريضة او متسممة من اشي...
وبكل ساعة ضعف بتمر..كانت عيون عنان لحالها بتحكي وبتشكي وبتبكي. .وما حدا فاهم شو عم يصير معي غير عنان وماري سيدرا بس...
راجعت الدكتور..وحكالي انه تسمم خطير جدا..
وقال لازم تنعمل عملية تنظيف أمعاء..لكن انا عارفة أنه هالتسمم مش من شي أكل...من الحجر اللي فيني...
كانت ماري سيدرا قاعدة عندي بهاي الأيام المنحوسة.
لازم تروحي لعند حاق..لازم يطلع لك المادة من جسمك..لا تصيري عنيدة
*ماري..ما بدي حدا يعرف السبب
-ما حدا رح يعرف شي...سارة انتي عم تموتي..لازم تلحقي حالك..
*لسة بكير عالموت. .
قاطعتنا زين بدخولها علينا ابتسامتها العفوية بتسبقها كالعادة وبتسرقني وبتسرق إحساسي بكل شي..
يلا بيبي..موعد الدوا
بتقرب علي اكتر وتبتسم لماري كأنها عم تقولها انه بدي اعتني بسارة. .بتفهم ماري سيدرا ابتسامة زين لحالها وبتتركنا سوا
يلا تاخد الدوا..
بتجي بهاي اللحظة أمي...بتحسس على جبيني وبتنكسر اكتر علي.
زين..روحي جيبي كمادات..البنت حرارتها مرتفعة
وكأني رجعت طفلة صغيرة..عم تعتني فيني أمي وحبيبتي وكل العيلة...
وجسمي عماله بيضعف اكتر واكتر...
وت يزداد علي الوجع اكتر..معدتي بتطلع كل شي فيها..وبحس بقرف بشع جدا..
بتجيب زين الكمادات الباردة...بتحطها أمي ع جسمي وجبيني...بعرق جسمي اكتر وبحس بالبرد بشكل مو طبيعي..
بعد بوقت من كل هالشي...بيدخل بابا وبرفقته كامل وعز وحاق وماهر ورأفت. .وعم تمشي من وراهم ستنا الحسناء...
ما عقلبك شر يا بنتي
*تسلم بابا...
#بشوفك ضعفتي يا سارة! اجاني صوت كامل
*سارة ما بتضعف بترد عليه زين بقوة
بيضحك كامل علي بسخرية ف بتجحره أمي ت يسكت..
الحجر تمادى كتير بجسمها يا سيد حاق حكا ماهر وهو عم يتحسس جبيني
الحجر بيعرف صحابه..وبما انه عم يزودها معناته سارة مش الوريث صوت حاق بكل هدوء
*ليش كنت مفكرين أنه سارة الوريث؟ بيسأل عمي رأفت باستهزاء
بيجحره عمي ماهر وبقول رأفت..لازم كل العيلة يجوا يحضروا المراسم الأخيرة...مفهوم..بس مش هﻷ
*مفهوم اخي..
وبيعم الصمت فجأة أنحاء المكان
صار كتير صعب انه يطلع الحجر منها...علق حاق
سأل كامل باستفهام وإذا طلعناه؟
#بتموت سارة نهائيا.. جاوب حاق بكل أسى
الكل عيونهم دبلانة..الكل عم يحسوا اتجاهي بااشفقة
وزين ماسكة أيدي وعيونها عم تبكي بحرقة علي
طلعوه مني مهما كان التمن يا حاق
*فكرك بكل سهولة جسمك رح يتخلص من باقي الحجر؟؟ ولا حتى الحجر رح يطلع منك بدون م يترك فيك شي سلبي؟
وفقدت الوعي دون سابق إنذار...لكن هالمرة بالغرفة المعتمة ما كان في ماري...كانت واقفة ستي الحسناء
الحجر الأسود بيعذب الوريث بس...بس الوريث ست سارة..عشان هيك تركي حطه فيك....لانه كان عارف انك انتي الوريث...وعارف ..جدك..كان عنده علم بهااشي. ..لكن والدي السيد حاق مش فاهم هالشي عشان هيك بده يخلصك منه..ت ينقله لعز الصغير..
ورجعت صحيت بالواقع..
مالك بتفقدي الوعي زيادة؟ سألني عز وهو عم يبكي
وانت مالك عم تبكي؟ ما بدي أشوف حدا فيكم زعلان ماشي؟
*ما بنقدر سمعت صوت عنان قريب مني...مديت أيدي ت أمسك ايده
لا تبكي يا بطلي. .
*قلتلك ما تموتي هﻻ...
وابتسمتله بقوة...
طيب بما أنه انا الوريث ؟ ليش عم بموت؟ لازم الحجر يعطيني قوة..لكن في حلقات وصل مقطوعة..القصة مش كاملة..مش مفهومة..حسيتها لعبة ت يخلصوا مني..
طلب حاق من الكل انه يتركونا لحالنا بس...
قرب علي وحط ايده ع راسي وصار يضغط بقوة. وكل م يضغط كل م ارتفعت حدة صراخي وزاد ألمي.
قاعد بتمتم بأشياء غير مفهومة..مش قادرة اركز ع شي..بدياه يخلص..
فجأة مد ايده عند بطني ..وأخرج من جيبته سكين صغير وقال بدك تصبري شوي..استحملي هاد الوجع
وقبل م يغرز طرف السكين فيني قلتله
لحظة بس....عرفت انه الحجر بيعذب الوريث وبس...وأنا تعذبت منه..معناه انا الوريث....طيب ليش عم بموت؟
* لأنه اجا بالوقت الغلط.....تركي حطه فيك قبل الموعد...قبل بأربع سنين من الموعد الرسمي..وعشان نتأكد انه الحجر ما رح يقتلك..رغمنا تركي انه يسلمك لنورا وكامل..ت يحموك من الحجر وويلاته. . ومع الوقت كبرتي وكبر معك الحجر..وهﻷ عم يبين مفعوله
-بس هيك؟؟
*بس هيك..
وبدون أي كلمة أخرى. .غرز السكين ببطني وفتح شق صغير...وأنا حسيت روحي طلعت ونزفت كتير دم لكن م حسيت بالدم اللي نزل..
ومع كل دقة عقرب الساعة...حاق بيخلص جسمي من الحجر الممسوس...
لحد م نقطع النفس عني..ومع هيك بعدني عايشة. .
صحيت ع صوت نحيب أمي جنبي..
ملامح وجهك صارت شاحبة اكتر
*أمي....
-يا روح أمك...
*بدي اشرب ماي..
-طبعا طبعا...
تلمست مطرح الشق..كان عليه قطب كتير...
وكان يوجعني للغاية...
وحسيت بنعس غريب....قوي..بقدرش اقاومه ومع هيك قاومته...
إجت أمي بكاسة الماي الباردة المنعشة. .خلال شربي للماي سمعت عز بقول أخرج حاق منك الحجر الممسوس...تخيلي انه لونه كان اسود متل الفحم...لكن صار ابيض متل لون السكر..ابيض ابيض...يقال انه جسمك سحب كل مواد الحجر..وأنه هيك ما رح يقدروا يطلعوا كل شي منك
*مش مهم..المهم اني ما اتعذب اكتر...
رجعت أتلمس مطرح الشق اللي صار يحرقني كأنه شعلة نار..صوت انيني الخفيف وصل لمسامع زين رغم انه ما كان الصوت عالي.
دخلت علي وهي قلقانة وخايفة كأنها ام وانا بنتها..
حبيبي كيفه هلأ؟
*محتاجك.
ابتسمت زين بعفوية وباست جبيني ولمست خدي
يا الله شو مشتاقتلك يا سارة
*هيني هون يا زين..بوعدك بس يخف الوجع ﻷرجع اقوى من قبل..
بلحظتها دخل قاسم وهز برأسه وبلش يهمس اشي بآذن عز
زم عز شفافه ومسح جبينه وقال طيب ما وقته هﻷ ابدا...
* شو نعمل طيب يعني؟؟ الشباب محتاجينها وهي الوحيدة اللي رح تقدر على انها تزبط الوضع..
اتطلعت فيهم وحكيت كأني هون؟ أيش في قاسم؟
*يا أختي م في شي...ارتاحي وقومي بالسلامة..بس تقومي بنحكي بالشغل
#قاسم..ما بحب يتخبى علي اشي...
-يعني قلتلك مش وقته يا قاسم صاح عز بانفعال
#مش مشكلة عز...احكيلي قاسم ايش في.
قعد قاسم ع طرف السرير وقال بتوتر
عدنان مش قادر يجي يحكيلك. ..عبد الرحمن ورانية....
*مالهم؟؟
#هربوا....هي شغلة..الشغلة التانية انه لسعيد وابو عزيز في كتير الهم أنصار...واكتشفنا أنهم الهم أخ تالت...بشتغل بتجارة المخدرات بإسبانيا...رجع ع مصر اليوم وقرر انه ينتقم...هي شغلة..الشغلة التالتة يا سارة انه كان في شهود عيان لمقتل سعيد..وشهود عيان لمقتل أبو عزيز بمقره. .
*نعم؟؟ شو عم تحكي انت؟؟ سألته بعصبية لحد م صار الجرح يوجعني بزيادة
اهدي شوي..ما وقته تعصبي حكتلي زين
هي جرحك رجع ينزف صرخت فيني وطلعت برا الغرفة لتجيب لوازم الجرح.
قرب عز على قاسم وحكا روح خبر الشباب أنهم يطلعوا من هون...وخبرلي فارس انه يحط حراسة مكثفة على المكان هون.
*يلا ماشي. وطلع قاسم ت ينفذ طلب عز
شو هلأ ناوية تعملي زعيم؟ سألني عز وهو بعده متوتر ومعصب
بدي يخف وجعي هلأ شوي. ...وبعدين بدنا نلاقي حل لكل هالمشاكل. ..لكن أولا بدياك تعمل بحث مكثف وتلاقيلي عبدالرحمن ورانية...
*طيب ننسى شوي أنهم هربوا...شو اكتشفتي عنهم؟
#عبد كان عم يشتغل مع أبو عزيز سنتين يمكن او سنة...وابوعزيز كان واعده بمبلغ كتير كبير...بس لما عطاه حقه اخد عبد 40مليون من ابوعزيز. ..ولما اكتشف أبو عزيز بهالشي اخد رانية رهينة عنده ع بين م يرجع عبد ال40 مليون...لكن الموضوع طلع أكبر من هيك....
*م فهمت
#عبد الرحمن ورانية..وابوعزيز وسعيد.عم يشتغلوا لصالح......
* لصالح مين سارة؟
#تتذكر أبو خيام
*مين هاد؟
#نسيته؟؟؟ اللي كان بشتغل عند ماركوس الوسخ قبل م اقتله. ...
*أبو خيام ما غيره...
#ايون...صاحب ماركوس الوسخ وممول سامي ومعمل ماركوس والتاجر أنطونيو...ايام زمان
*طيب وهاد ليش رجع هلأ؟ مش وقته ابدا....طيب شو الحل
# الحل!....ما عندي حل هﻷ...
شرد فيني عز وهو محتار..وأنا كانت ابتسامتي ع وجهي قبل ما انام...انام بعمق
أنت تقرأ
الزعيم الفتاة 2
Romanceالجزء الثاني من الزعيم الفتاة. .............. كنت أعتقد أن كل الأمور صارت على ما يرام بعدما تخلصت من كل من فكر بالانقلاب ضدي... لكن لم يكن ما مضى إلا البداية...مقدمة للأحداث البشعة التي ستحصل لي..بسبب تخلصي من سامي...صديق طفولتي ويدي اليمين...
