رجعنا ع فندقي بعد سهرة طويلة مع الزعماء ..
وقضيت الليلة بالضحك والشرب حد الثمالة لكن تفكيري ب زين كان مخترقني كليا رغم سعادتي وحماسي لأشياء صرلي زمان ما عملتها...
ووقت دخلت جناحي وصلتني مكالمة خارجية
ألو زعيم؟
*أهلا محمود ؟خير
زعيم انا كتير آسف اني اتصلت بوقت غير مناسب..لكن وصلتنا إخبارية أنه زين موجودة باليابان عندكم..
*ما عطيتني خبر جديد يا محمود..بعرف انها هون بس مش قادرين نحدد موقعها..
-زعيم..اتأكدلنا أنه هي كانت من ضمن فتيات عصابة محلية باليابان..وبدهم يتاجروا فيها مع الفتيات لملهى ليلي تابع للياكوزا. .
*من وين طلعولي الياكوزا كمان؟ يعني لازم اتورط انا هلأ مع الياكوزا..
-طيب زعيم شو العمل؟
*ما بعرف..سكر الخط بكرا الصبح بنحكي. ..بدي انام
-امرك زعيم وانتهت المكالمة كالعادة برمي للتلفون عالسرير. ..رميت جسمي بقوة لورا وسرحت بالسقف...
لازم انقذ زين قبل م يصرلها شي...وحاولت انام لكن الحظ مش حليفي الليلة..دخل علي عز فجأة وهو مفزوع الولد...الولد انخطف يا سارة...
*اهدى شوي وقعتلي قلبي يا رجل...مين هو اللي انخطف؟
-عز الصغير يا زعيم..عز الصغير...
*نعم؟ كيف يعني انخطف...ومين قلك
-اتصل فيني والدك تركي يا سارة...عم يبكوا ب نيويورك...لاقيلك حل ارجوك يا سارة...
*طيب اهدى شوي بس...خليني اعرف أفكر...
جمعت رجالي بمكتبي رغم أنه الوقت نص الليل...
زعيم..أيش في؟
-عنا مشكلة أسوء منها ما في...زين مفقودة...وعز الصغير انخطف...
*كيف انخطف وهو معه سبع حراس بنيويورك يا زعيم؟ سأل مازن
-وصلني أنهم انقتلوا بعملية هجومية..وانخطف عز من بينهم....رد عليه عز
*طيب ما عرفت ش صار بأهلي؟
-سارة...بدياكي تتماسكي شوي...
*عز احكيلي بسرعة...صار شي لأمي وابي؟
-بعد الهجوم...أمك دخلت المستشفى بإصابات خفيفة..واختك ورد وعنان انخطفوا مع عز..
بعد م سمعت كلام عز جنيت. .حسيت الدنيا كلها ضدي..وبديت أفقد قواي لحد م فقدت الوعي...
صحيت العصر على صوت الشباب عم يحكوا سوا..
الحمدلله عالسلامة زعيم صوت فارس
*شو صرلي؟
-فقدتي الوعي زعيم..
-انا لازم أقوم
#لاء زعيم..حالتك غير مستقرة لسة..الدكتور عم يقرأ التحاليل بشكل أدق... رد راسيل
حكا خالد زعيم ما تقلقي كل الأمور تحت السيطرة..
*سيطرة شو اه..سيطرة شو وانا هون بالمشفى..لازم أقوم بدي ألاقي زين وعز الصغير..
-سارة ارجوك تتماسكي شوي...خبرت كل رجالنا ب نيويورك وبدأوا بعمليات البحث عن عز الصغير... علق عز
*مش كافي يا عز مش كافي...
دخل الدكتور على غرفة العناية المشددة وبدأ يحكي باللغة اليابانية لمدة خمس دقائق..لحد م ترجملنا راسيل كلام الدكتور
الدكتور عم يقول أنه حالتك لسة مش مستقرة..وبدهم يعملوا كمان فحوصات عشان يتاكدوا اكتر...لكن بظرف يومين بتقدري تطلعي. ..
#طيب انا ما بقدر أضل هيك بدون اي شي يا جماعة..لازم أطلع واتحرك
*زعيم ارجوك أهدي شوي... رد سيف
-لازم ترتاحي عشان ترجعي اقوى من قبل حكا فارس
#انا بعمري ما ضعفت..انا ما بضعف حكيت بعزة نفس وكبرياء...ورجعت راسي بالغصب عالمخدة وغمضت عيوني...
وبعد م صرت أشوف الظلام جوا عيوني انتقلت لمكان بعيد كليا عن الواقع..غرفة معتمة أشبه بغرفة من الفضاء...باردة وواقفة ماري سيدرا بالنص
بنت العم..
*ليش صايرة كتير يا سارة عم تنهاري؟
-بقوة عم بفتقد زين يا ماري..هلأ المصيبة أنه عز مخطوف مع ورد وعنان...
*جدك عارف كان مخبي علينا سر خطير من أسبوعين مع السيد حاق يا سارة...ما حدا من العيلة يعرفه...وهم مفكرين أنه تميم تخلى عني وقت تزوجت رشاد...لكن تميم حكالي أنه الجد عارف خطف عز كرمال يكون هو الوريث...ومعه ورد وعنان عشان يستدرجك لعنده. .
صحيت مفزوعة..جسمي كله متصبب. ..حرارتي بسرعة ارتفعت...
هداني فارس وشربني شوية ماي..
لازم نسافر ع نيويورك
*زعيم لسة الوقت مش مناسب ابدا..
-لا بلى مناسب يا فارس...بعرف عز الصغير واخواني وينهم.
اتطلعوا الشباب ببعض تبادلوا نظرات الحيرة بين بعضهم...
لكن بالأول قبل م نطلع يا سارة من طوكيو لازم نلاقي زين...
*وصلني أنه زين مع جماعة محلية هون...بدهم يتاجروا فيها بملهى ليلي تابع للياكوزا
-يعني زين رح تصير وحدة من بنات الياكوزا..لا طبعا ما رح أقبل بهالشي يصير...سارة لازم نتحرك بس تقومي بالسلامة
*طبعا يا عز..مش رح أطلع من هون غير وهي معي...
حل المسا ببطء...دخل الدكتور وطمني أنه ما في اي شي خطير...عطاني مهدأ بسبب الانهيار اللي صرلي وعطاني الإذن بالخروج...
توجهنا للفندق واسترحنا بالمكتب
*شو مخططاتك زعيم؟ سألني خالد
-عم بفكر أنكم تعرفولي مين هي العصابة المحلية ووين مقرها..ووين النوادي الليلية التابعة للياكوزا..واي ساعة رح يكون وقت المتاجرة بالصبايا. .بدي كل المعلومات توصلني بظرف ساعة..
كلهم بصوت واحد حاضر
انفض الاجتماع بعد م كل شخص اتحرك عشان ينفذ اللي طلبته...وضليت لحالي انا وعز
سارة ...حكيتي انك عرفتي وين عز واخوانك صح؟
-اي عز عرفت مع مين هم...عيلة الوريث بدها وريثها هلأ...وكل المواصفات اللي انحطت عالوريث كلها ب عز الصغير....
*يعني اللي خطفه هو عارف وحاتم؟
-نعم عارف والسيد حاق. ..
*طيب شو العمل..اكيد عندك خطة..
-وصلني أنهم خطفوا ورد وعنان عشان يستدرجوني...اكيد هم عاملين خدعة..في شي رح يصير من ورا هالاستدراج. ..في شي مش منيح رح يصير يا عز.
*بس انت مضطرة تروحي تنقذيهم...كيف بدك تخاطري بحياتك؟
-عز...المخطوف بكون حفيدك. .بكون بمثابة أبني...وبعدين معه اخواني...لازم اخاطر بكل شي كرمال انقذهم. .قبل م السيد حاق يعمل مراسم التقليد للوريث. ..
سرح عز بالأرض...صار عقله شارد لا يفكر بأي شي...
تأملت الساعة المعلقة عالحائط. ..كانت تدل ع الساعة عشرة..
لحد م دخلوا الشباب
حكا فارس الساعة وحدة في متاجرة وصفقات بالملهى الأول للياكوزا...
كمل راسيل العصابة المحلية هي عصابة قرية من القرى بعيدا عن طوكيو..الهم أملاك هون ..والعصابة تابعة للياكوزا لكن بتجي بالمراتب الأخيرة..يعني عصابة احتياطية للياكوزا..
كمل خالد وإذا بدك نتحرك لازم نتحرك هلأ زعيم
-جهزولي كل رجالكم. .بدي يكون عددكم فوق التلاتين شخص..وكل الأسلحة اللي ممكن تخطر ع بالكم بدياها تكون جاهزة...وفي بكراج الفندق هون سيارة ضد الرصاص.جهزوها حالا....يلا بسرعة
.......
وصلنا لموقع الملهى الليلي...دخلت انا وسبع أشخاص اللي هم عز وفارس وسيف ومازن راسيل وخالد وسامح عالملهى بينما البقية عم يستنوا بالخارج اي أمر بصدره عشان يقتحموا المكان...
قعدت خلف البار وراقبت بكل هدوء رواد الملهى...
كل الوجوه متشابهة بالنسبة الي..صوت الموسيقى اليابانية الصاخبة...المشروبات بكل مكان..وساحة الرقص مليانة ناس عم يتحركوا بشكل عشوائي...
وبعد لحظات دخلوا أشخاص لابسين بدل سودا...ومعهم سبع بنات من ضمنهم زين...
انتفضت ووقفت وراقبت خطواتهم لحد م وصلوا لعند باب موجود بعيد عن الأنظار...
دخلوا البنات ووقف قدام الباب شخص يحرسه. ..
عطيت أمر لسامح أنه يطلب من رجالي يتجهزوا. ..
وخبرت الشباب اللي معي أنه لازم نتحرك..
وبسرعة مشينا لحد الباب..منعنا الحارس من الدخول لكن بطلقة صامتة اطلقها عز من مسدسه ارداه قتيل..دخلنا بكل هدوء واحنا ساحبين معنا جثة الرجل...
عشان ما حدا يشوف الجثة ويبلغ عنها.
عبرنا الباب وكان فيه وراه ممر طويل ما فيه غير إضاءة خافتة جدا وأصوات بكاء جاي من بعيد..
مشينا بكل حذر وهدوء لحد م وصلنا لباب آخر كان جاي من وراه صوت البكاء بوضوح..
جهزوا اسلحتكم رح نقتحم المكان
وبحركة سريعة خلع فارس الباب برجله وبدأنا بالدخول..
بلشوا الرجال اليابانيين يطلقوا النار علينا ..لحديت م قتلناهم. .لكن كالعادة لازم اخسر حدا...وخسرت بهاد الاقتحام خالد .أما البقية وحتى انا فكنا مناصبين إصابات ..
اتطلعت بالصبايا لحد م وقع نظري ع زين وهي معصوبة العيون...
قربت عليها ولمستها بصمت لكنها صرخت بدون م تعرف اني انا هون
بعدو عني يا انجاس
*زين حبيبي أهدي...
-سارة
شلت عنها القماشة اللي كانت مغطية عيونها وفكيت الرباط اللي رابط ايديها...
ضمتني بكل قوة وهي عم تبكي..تشبثت فيني بكل طاقتها..
ما تتركيني. .
*هيني هون ..هيني هون
لكن سرعان ما بلش كل شي ضدنا...اقتحم المكان رجال أكثر ..وبلشوا رجالي اللي كانوا في الخارج يطلقوا النار عليهم ورجعنا علقنا بمعركة حامية خلت كل زوار الملهى يهربوا...
صوت الرصاص وقت يوقع عالارض ويخترق الأجساد بشكل موسيقى غريبة من نوعها بديت احبها جدا...
ماتت وحدة من الصبايا أما الباقي حاولوا يحتموا خلف اي شي قدامهم مع صراخ رهيب...
وفجأة تلاشت الإضاءة بسبب رصاصة اخترقت الضو.
وبدينا نطلق النار بشكل عشوائي بسبب العتمة..
وبعد ساعة طويلة كل شي صار هادي فجأة..
يا شباب ناديت
سارة زين انتوا بخير؟ صوت عز
كيف اموركم؟
-زعيم...خسرنا من قبل خالد وهلا راسيل...
*طيب يلا ننسحب. .
مسكت ايد زين وشديت عليها وسحبتها لبرا لحد م وضحت الإضاءة في الممر وتأملت وجوه رجالي اللي ضلوا ع قيد الحياة...
سرعان م نسحبنا من الملهى ورجعنا عالفندق.
يعني لازم اخسر انا رجال من جماعتي حكيت بانفعال
*خسارة راسيل وخالد شنيعة يا زعيم... رد مازن
عاد يعني راسيل كان المسؤول عن أعمالي واشغالي هون ب طوكيو. ..
-المهم أنه انقذنا زين والصبايا يا زعيم... حكا سامح
*ووين رحتوا بالبنات
-كلهم عربيات يا زعيم..كانوا بدهم يتاجروا بصبايا عرب...حاليا خليناهم بإحدى الغرف هون بالفندق إذا ما في اي مشكلة يا زعيم؟ رد علي سيف..
*لا كتير ممتاز...خلينا هلأ نرتاح لبكرا الصبح..لكن سامح قبل م ترتاح احجز طيارة كاملة النا...بدي نرجع ع نيويورك...
-امرك زعيم
أنت تقرأ
الزعيم الفتاة 2
Romanceالجزء الثاني من الزعيم الفتاة. .............. كنت أعتقد أن كل الأمور صارت على ما يرام بعدما تخلصت من كل من فكر بالانقلاب ضدي... لكن لم يكن ما مضى إلا البداية...مقدمة للأحداث البشعة التي ستحصل لي..بسبب تخلصي من سامي...صديق طفولتي ويدي اليمين...
