الجزء الرابع عشر
رجع هاني الي منزله استقبله عمه متولي محاولا ظهور التأثر عندما رأي مظهره
متولي: وه وه وه ايه اللي حوصلك يا هاني يا ولدي مين عمل فيك أكده
هاني بغيظ: الزفت اللي اسمه مالك الهواري
متولي بمكر: ليه يا ولدي يعمل فيك أكده
هاني: بيقول اني الارض اللي أشترتها من عمه ضاحي بتاعتهم هما بوه اشتراها من عمه من كام سنه
متولي : كلام ايه اللي هيقوله ده الارض بتاعت ضاحي وهو معاه عقدها وباعها ليه
هاني بغل: اني مش هاسكت غير لما اخد ارضي منيه
متولي بطيبه زائفه: لاه يا ولدي مليكش صالح ده قوي وانت مش قده واني خايف عليك
هاني بعصبية: اني قده وقدود لولا هو بس اللي خدني علي خوانه بس اني هواعله بعد أكده
متولي: هتوعاله كيف ده عامل كيف هوچن محدش يقدر عليه
هاني: يا عمي متعصبنيش اصل اروح اطوخه واخلصلك عليه
متولي: يعني هتعرف اتحافظ علي ارضنا ولا ابعت اچيب محمود ولدي من بلاد بره ايحافظ علي ارضنا وعرضنا
هاني وقد انتفخت اوردة عنقه من شدة الغضب: انت بتقول ايه يا عمي عاوز اتچيب محمود ويسيب دراسته واني موچود لأ يا عمي أن قدها وقدود سيب الموضوع عليا
متولي بضحكه ملئوها الشر: ريحتني يا ولدي وطمنتي عليك غيث خوي خلف راچل قالها وهو يربت علي كتفه
تركه هاني وصعد الدرج المؤدي الي الدور الثاني وجد شقيقته التؤام تخطو في الرواق وهي تدندن باحدي اغاني ام كلثوم هل رأي الحب سكاري يوما مثلانا فاجأها هاني ونغزها في احدي جانبيها وهي شارده بالاغنيه مما جعلها تشهق فزعا وضعت يدها علي صدرها الذي يعلو ويهبط من اثر الفزعه
هند : به عليك يا هاني كل مرة اتخضني أكده حرام عليك قطعتلي خلفي
هاني ضاحكا: كل ما بشوفك امساهمه بحب افزعك معرفشي ليه وكل ما اقول معنتش هفزعها برجع اعملها غصب عني
هند وهي تضع يدها علي خصرها: مممممم ماشي يا آخرة صبري ليك زنقه المهم قولي ايه اللي خرشمك أكده ميعديش عليك يوم من غير ما تتخرشم ارحم نفسك
هاني: به وايه يعني اني بدافع عن حقي مش عيب لما اضرب وانضرب
هند: فضك من كلام عمك الماسخ اللي مالي دماغك بيه ده كده هضيع نفسك واني خايفه عليك انت اخوي الوحيد اللي مليش غيرها
هاني: متخافيش عليا اني راچل اعرف احمي نفسي زين واعرف اچيب حقي
هند بيأس: سيبك من العصبية دي هتودي نفسك في داهيه ارحم امك الغلبانه
هاني : ملكيش صالح بامي وبطلي تقوميها عليا
صالحه والدتهم: هي ما بتقومنيش عليك هي خايفه عليك اسمع كلام اختك يا ولدي احنا ملناش غيرك وسيبك من كلام عمك لو بيحبك صوح هيبعدك عن المشاكل مش هيزقك ليها
هاني : عمي بيحبني وعاوز مصلحتي ده اشترالي عشر فدان وكتبهم باسمي ليه اني مكتبهمشي باسم ولده ده اتسميه ايه
صالحه بسخريه: متولي هيكتب باسمك انته انت طيب ده لو لقاك سهم ارض هياخدك انت مش واخد بالك أنه نايم علي ارضكم وارض عمك براهيم بعد ما وزوه علي الشر وقتل والده علاء
هاني بعصبية: بردوه هتقوليلي هو اللي قتل علاء عيلة فضالي هما اللي خدوا بتارهم منيه
صالحه: لاه هو اللي قتله و هفضل اقولها لغاية ما اموت اسمع كلامي اني خايفه عليك ليخلص عليك زي ما عملها مع عمك وابنه
هاني: فضيكي من الحديت الماسخ ده وبعدين لما عمي وحش أكده اتجوزتيه ليه
صالحه: الله يرحمهم اچدودك ابوي وأبو بوك هما اللي غصبوني عليه اني كنت عاوزة اعيش اربيكم وافضل علي ذكري ابوك الراچل الطيب الله يرحمه
هند بعصبية: خلاص يا هاني متعكنينش علي امك بزياده كلام في الحديت ده عاد وتعالي لما اطهرلك چروحك دي
ذهب هاني مع شقيقته وجلس علي مقعد وأتت بمطهر وقطن وبدأت تتطهر له الچروح
هاني مبتسما لأخته: عارفه يا بت ياهند اني بتمني لما اتچوز تبقي اللي هتچوزها فيها شبه منيكي
هند : ليه يا خويا كانوا قالوليك عليا ملكة چمال
هاني: انتي مواعياش لنفسك يا بت ولا نظرك ضعيف مع اننا تؤلم بس معرفشي مطلعتش حلو زيكي ليه
هند: دا انت حلو وزينة الشباب كلها
هاني: لاه بس لو كنت اخدت لون عنيكي الزرقه دي ولا شعرك البندقي الحرير ده كنت ابقي مهند التاني والبنته عليا أكده
هند وهي تقهقه: اللي يسمعك أكده ميسمعكش وانت بتتعارك بره
هاني: حبه أكده وحبه أكده
هند: كان نفسي تكمل علامك معاي مش كان زمانك فضلك كام شهر وتخلص الثانويه امعاي
هاني : العلام في الراس مش في الكراس
هند بيأس: ومحمود واد عمك متولي مقالش أكده ليه اهو خلص كليته وراح ياخد الدكتوراه من انچلترا وهيرجع يبقي دكتور في كلية التچارة
هاني منفضا لكلام أخته: ومين يشهد للعروسه ايك مش خطيبك وبعدين هو غاوي علام اني مغاويش كفايا انتي وهوه سلام اني رايح انام
في ڤيلا زياد انتهت جميله من مراجعة دروسها ووقفت تتمطع بذراعيها التفتت الباب عندما طرقه أحدهم
جميله: ادخل فدخلت احدي العاملين بالمنزل
ام سيد: انا خلصت الاكل يا ست جميله هتتغدي ولا هتستني لما الدكتور زياد يجي
جميله:لا يا داده هستني الدكتور زياد انا مبعرفش اكل لوحدي
ام سيد: ماشي عاوزه مني حاجه
جميله: لا شكرا يا داده
تناولت جميله هاتفها وقامت بالاتصال علي زياد انتظرت حتي يأتيها الرد لم يجب زياد علي هاتفه عاودت الاتصال عليه مجددا فوجئت جميله بأحد يحملها من الخلف ويدور بها شهقت فزعا فإتها صوت زياد ضاحكا
زياد : وحشتيني يا روح قلبي قوي قوي
جميله بعد أن انزلها زياد: انت اللي وحشتني قوي أمتي بقي تنتهي من رسالتك وانا اخلص السنه اللي فضلالي
زياد : هانت كلها السنه دي ونخلص
جميله: طيب يلي علشان نتغدي انا كنت لسه بتصل عليك اشوفك هتيجي امتي نتغدي سوي
زياد محتضنها : انا جعان بس مش اكل انا جعان منك انتي ثم تناول شفتيها في قبله طويله جعل جميله تذوب عشقا حملها زياد الي فراشهم يبثها اشتياقه لها
في النجع في منزل متولي النمر
هاني: اني رايح ارضي يا عمي عاوز مني حاچه
متولي بمكر : بلاش اتروح اني خايف عليك من ابن الهواري ليضربك زي امبارح
هاني بغل: اني رايح وهتشوف مين هيأدب مين حتي لو اضطررت اني اقتله هعملها
متولي مخرجا مسدس من جيبه: طب خد ده معاك بس اوعي تطخ بيه انت هدده بس علشان يخاف منيك
هاني وقد لمعت عيناه وهو يأخذ من المسدس: متخفش يا عمي كويس انك اديتني المسدس يبقي حمايه معاي
متولي: اه طبعا انت ولدي واني اخاف عليك
انطلق هاني الي الارض وجاء بالعمال لكي يعملون وجد مالك في الارض في انتظارك ه
مالك: انت چاي ليه تاني يا هاني اقصر الشر وارچع من مكان ما چيت
هاني: لاه اني مرچعشي وان كان حد هيمشي من اهنه فهو انت لا غور من أهنه
مالك : اللهم اخذيك يا شيطان يابني اني كلمت عمي امبارح واللي بتقول عليه محصلشي روح شوف عمك بيقول ليك أكده ليه
هاني: وعمي بقولي أن هو اشتراها روح شوف عمك بيقولك انت أكده ليه
مالك: ماشي تعالي نروح اني وانت نشوف الموضوع أصله ايه
هاني بعناد: قولتلك مريحشي في مكان ايه مخك اتخين ولا مبتفهمش
مالك بنفاذ صبر: وليه الغلط عاد احفظ لسانك الماسخ ده اللي عاوز قطعه
هاني بعصبية: اني اللي لساني عاوز قطعه يا حرامي يا مرتشي زي ابوك
مالك فاقدا عقله: انت بتقول ايه انت واعي للي بتقوله يا مخبل انت الشيخ ياسين كبير البلد واللي بحكم بكتاب الله تقول عليه اكده
هاني ببرود مستفز: مش اني اللي بقول ده عمك ضاحي هو اللي بيقول
مالك : وكمان عاوز اتوقعني في عمي يلا غور يا واد المحروق انت من اهنه اصل ادفنك هنا
هاني متهجما علي مالك: اني هوريك يا واكل ناسك كيف تشتمني دارات معركه حاميه بينهما انهال مالك عليه ضربا عجز هاني عن صدها نظرا لقوة مالك
مالك وهو يلهث: امشي من اهنه مشوفش وشك الشوم ده تاني انت فاهم
تركه مالك معطيا له ظهرة يحاول تمالك نفسه بعد أن فقد السيطرة على غضبه غافله هاني مخرجا مسدسه ثم وقف علي قدميه وهو يترنح ثم نادي مالك
هاني وهو يلهث ووجه كله دم: مااااااااالك
ثم ضغط زناد مسدسه خرجت منه رصاصه استقرت بقلب مالك وقع علي أثرها أرضا غارقا في دمائه.
أنت تقرأ
ليست وحدها حبيبتي
Romanceليس كل من ظن أن حبه الاول هو الاخير ومن المستحيل أن يحب أحدا اخر سواه فهذا ليس صحيحا فاحيانا ما يأتيك الحب مرة أخري دون أن تشعر به لتجد نفسك غارق به حتي النخاع ولكن لابد من شرارة حتي تشعل فتيل هذا الحب لكي تنير امامك الطريق لذلك الحب لتري مدي روعته...
