ليست وحدها حبيبتي

الجزء السادس والعشرون

الجزء السادس والعشرون
مع ظهور شمس الصباح قاد زياد سيارته وبجوارة جميله تحمل مالك بحجرها وتضمه بيديها لاحظ زياد ملامح فرحه علي وجه جميله تعجب كثيرا فمن المفترض أن تحزن لأنه أصبح له ابنا من غيرها وبدلا من ذلك يجدها سعيده زاد حبها في قلبه أضعاف فمن تحمل قلب مثل قلب جميله لا يستطيع أحد إلا أن يحبها اغمض عينيه بتمني أن يمن الله عليها وتحمل طفلها منه كما تمني أن تظل بجواره دائما تدعمه في جميع مواقف حياته لأنه يستمد قوته منها قطع شروده صوت جميله
جميله: زياد قولي بصراحه انت احساسك ايه بمالك
زياد بكذب حتي لا يجرح جميله: هيكون احساسي ايه عادي
جميله بشك:انت متأكد يا زياد اصلي انا لاحظت ساعة ما مالك أتولد لمعه في عينيك حستها لمعة فرحه بيه
زياد مرتبكا: لا يا حبيبتي انا يوم ما عيني هتلمع هيبقي يوم ما اشوف ابني منك انتي
جميله: بس ده ميمنعش انك فرحت بمالك صح
زياد ظفرت بقوة: بصراحه مش هكدب عليكي انا لما اتولد حسيت بمشاعر بتتولد معاه يعني الأبوة بقي زي ما بيقولوا
جميله بابتسامة: عارف يا زياد مش هتصدقني لو قولتلك اني فرحت بمالك زي ما اكون انا اللى ولدتو بجد
زياد مستغربا: ياه لدرجادي يا حبيبتي مشتاقه يبقالك بيبي هتصدقيني لو قولتلك اني بدعي ربنا ليل ونهار أن يرزقني بطفل منك
جميله بحنو: ربنا يخليك ليا يا روح قلبي انا صحيح مشتاقه يكونلي طفل منك بس مش ده السبب
زياد : آمال ايه السبب يا حياتي
جميله: انا شوفت مالك اخوك الله يرحمه جايلي في الحلم وبديني طفل صغير زي مالك كدا وبيقولي خدي ده مالك ابن زياد اخويا خلي بالك منه
زياد مستغربا: بجد بس انتي مقولتليش علي الحلم ده قبل كدا
جميله: انا مقولتش لحد عليه غير هند امبارح وانا عندها زي ما يكون قلبي كان حاسس
زياد: اه عشان كدا لما طلبت تشوفه قولتيلها وانتي بتديه ليها خدي مالك إهوة
جميله بفرحه: اه كنت بأكد ليها علي تفسير الحلم عارف يا زياد انا فرحت أن حلمي اتفسر وانا اول واحده شلته بعدك
زياد مربتا علي يدها : لو كل الناس في طيبتك وحنانك وقلبك الكبير ربنا يخليكي ليا وميحرمنيش منك يارب
جميله: ولا يحرمني منك يارب يا حبيب قلبي
وصل زياد الي المشفي وقام بعمل الفحوصات اللازمة لمالك للأطمئنان عليه وبعد عمل الفحوصات الطبية اللازمة والاطمئنان أن صحته علي خير ما يرام رجعا به مرة ثانيه الي النجع استقبله الشيخ ياسين بلهفه للاطمئنان عليه طمئنه زياد عليه وعلي صحته وأنه علي خير ما يرام صعدت جميله بمالك الي هند التي كانت تقضم اظافرها خوفا من أن يكون به شئ دخلت جميله غرفة هند وهي تحمل مالك
هند بالهفه : طمنيني يا جميله كيفه مالك في شي
جميله بابتسامة وهي تعطي مالك لهند: اطمني يا حبيبتي الحمدلله مالك زي الفل زياد عمله جميع التحاليل والفحوصات وخلي رئيس قسم الاطفال بنفسه في المستشفى كشف عليه وطمنا وكتب علي شوية ادويه حديد وكالسيوم وفيتامينات بس اهم حاجه وصانا عليها الرضاعة الطبيعية ودفيه كويس جدا وان شاء هيبقي احلي ولد في الدنيا كلها ويلي بقي رضعيه أصله جعان
هند براحه : ربنا يخليكي يا حبيبتي زي ما طمنتيني علي مالك تسلميلي يا قمر
جميله: مالك ابني بردو زي ما هو ابنك لو معندكيش مانع
هند بنفي: لا طبعا يا حبيبتي انا معنديش اي مانع وانا اطول ابني يبقاله ام قمر وحنينه زيك
جميله بابتسامة: بس متقوليش قمر انا جنبك صفر علي الشمال انتي عارفه اني ببقي اقول لنفسي اكيد زياد نظرة ضعيف اللي ميعجبوش الجمال ده كله
هند: انتي كدا هتخليني اتغر في نفسي الحلاوة مش حلاوة الشكل الحلاوة حلاوة الطبع والقلب وانتي قلبك طيب وطبعك حنين جدا ربنا يخليكي
جميله: ربنا يخليكي انتي يا قمر انا بقي هقوم انام منمتش من ساعة ما صحينا بالليل
هند: ماشي يا عسل نوم العوافي علي بدنك
مر عشرة أيام علي ولادة مالك قرر الشيخ ياسين إقامة العقيقه بعد أن تعافت سهي وهند من الوضع جاء مازن من مهمته بعد أن اتمها الله بنجاح كبير لكي يري سهي وابنته ويصطحبهما الي القاهره أصر الشيخ ياسين عليه البقاء لحضور العقيقه والبقاء معهم فتره قصيره بعد أن علم أن مازن حصل علي إجازة شهر أقيمت العقيقه ودعي لها الشيخ ياسين من في النجع صغيرا وكبيرا ومرت علي خير قضي مازن معهم أسبوعا ثم رجع الي القاهرة هو وزوجته وابنته وكذلك عاد زياد وجميله الي القاهره للتحضير لمناقشه رسالة الدكتوراه التي حددها له المشرف على رسالته بعد ثلاثة أشهر استجمع زياد شتات نفسه حتي ينتهي من الحصول علي درجة الدكتوراه حلم حياته الذي بات قاب قوسين أو أدنى من تحقيقه