الجزء الرابع والعشرون
جلست هند علي فراشها تبكي علي حظها العاثر هي تعلم جيدا أن زياد لم يقتل أخيها وتعلم أنها ظلمته بقولها لكن لا يهم فهو من بدأ الحرب اولا هو من دبح برائتها بكل قسوة ثم استنكر فعلته برفضه لجنينها تحسست بطنها بكف يدها بعد أن ركلها جنينها وكأنه يشعرها أنه معها لن يتركها وسيظل يدعمها حتي وان خذلها والده ابتسمت من وسط دموعها وهي تتحدث له
هند: انا عارفه يا حبيبي انك معايا وحاسس بيا زي ما انا حاسه بيك مش عوزاك تزعل من باباك اكيد ميقصدش وهيحبك اكتر من اي حد في الدنيا ولو هو محبكش انا هحبك وهعشقك صدقني
علت ضحكة هند عندما ركلها مرة ثانيه ولكن بقوة اكبر من المرة الأولى وكأنه يصدق علي حديثها
في بيت متولي النمر في غرفة مجلسه يجلس يدخن ارجيلته المحشوة بنبات البانجو المخدر هو وضاحي ويتحدثون سويا
متولي بتوهان: انت عاوزني اعملك ايه يا ضاحي اكتر من اللي اعملته قتل وقتلت جواز وجوزت مجلس عرفي وعملت وحكم وحكمت عليه ونفذ اعملك اكتر من أكده مش ناقص غير امسكلك البندقيه وروح اطخه
ضاحي بتوهان ايضا من اثر المخدر: واللهي اخويا ياسين ده كيف القطط بسبع ترواح كنت فاكره بموت والده مالك هيموت كمان ويريحنا منيه اللي عامل لينا فيها شيخ الإسلام بس تقول ايه متبت في الدنيا كيف چدر السجرة
متولي: لو عاوز اني ممكن اخلي بيومي ايخلصلك عليه
ضاحي: لاه مش دلوقيتي انت عاوز العيون اتفنچل علينا كيف الشمس وبعدين ده الشيخ ياسين مش اي حد هو فروچ عاد هنقتلها محدش هيسأل عليها اصبر شويه وهندبرولها تدبيره تانيه بس مش دلوقيتي
متولي: خلاص براحتك بس متقعدش كل شويه اتنوحلي كيف الحريم
ضاحي: هي بقت أكده طب شوفلي معاك قرشينات اني عاوز فلوس باي طريقه
متولي وهو يخرج من جيبه رزمة نقود: خد وخلي بالك اني معلاحقش علي أكده دي تاني مرة في الشهر ده
ضاحي: وماله منت كوشت علي الخمسين فدان بتاعت بوك لوحديك واني ساعدتك في ده يبقي مينبنيش من الحب چانب
متولي: وهو انت نابك چانب واحد منت طالع واكل نازل واكل ارحمني شويه
ضاحي وهو يتمايل بعدم اتزان: اني ماشي عاوز حاچه مني
متولي بنوم: لاه معوزشي اطرق يلا ثم أكمل في نفسه قبر ايلمك وانت طماع وغتيت
في فيلا زياد بالزمالك جميله تجلس مع زياد ببهو الڤيلا
جميله: زياد احنا مش هنروح النجع علشان نشوف سهي دي بقالها هناك اكتر من ٢٠ يوم وولدت امبارح انا عاوزة اروح اشوفها هي وبنوتتها ماما سعاد بتقولي حلوة زي سهي
زياد بامتعاض: هتصدقيني لو قولتلك اني كرهت اروح البلد علشان مشوفش زفته دي هناك
جميله: زياد حبيبي هي أمر واقع في حياتك يعني هتفضل لغاية أمتي مقاطع البلد بسببها انت مروحتش هناك من يوم ما اتجوزتها تقريبا دخلت في سبع شهور وبعدين لازم تروح علشان خاطر ممتك وباباك وعمتك اكيد زمانهم زعلانين منك
زياد متنهدا: حاضر يا حبيبتي انا هحدد معاد المناقشه مع الدكتور بكرة وبعدها نروح البلد انتي عندك حق هي أمر واقع وكمان انا ماما وبابا وعمتي وحشوني قوي
جميله: ربنا يخليك يا حبيبي عارفه ان قلبك طيب مش هتقدر علي بعدهم
هعمل حسابي وأجهز الشنط علي رجوعك من الجامعه اوكيه
زياد بمكر: اوكيه بس عاوز المقابل
جميله: مممممم ويا تري ايه هو المقابل ده
زياد حاملا جميله بين يديه: هعرفك فوق المقابل ده يبقي ايه ثم غمز لها بعينه
جميله وهي تقهقه: انت ايه مبتشبعش من المقابل ده خالص
زياد باصرار: لا يمكن ابدا اشبع منك نڤر نڤر
ثم صعدا بها الدرج الي فراش حبهما
أنت تقرأ
ليست وحدها حبيبتي
Romanceليس كل من ظن أن حبه الاول هو الاخير ومن المستحيل أن يحب أحدا اخر سواه فهذا ليس صحيحا فاحيانا ما يأتيك الحب مرة أخري دون أن تشعر به لتجد نفسك غارق به حتي النخاع ولكن لابد من شرارة حتي تشعل فتيل هذا الحب لكي تنير امامك الطريق لذلك الحب لتري مدي روعته...
