الجزء السادس عشر
فر هاني بعد ضربه مالك بالرصاص جري الي عمه يخبره ما فعل تظاهر عمه بالتفاجئ
هاني: الحقني يا عمي اني قتلت مالك اني بهوش عليه فوچئت المسدس فيه رصاص انت مقولتليش أنه متعمر
متولي بفرحه اخفها: ابه انت بتقول ايه يا واد عاد اني قولتلك خوفه مش تقتله يا دي المصيبه اللي وقعتنه فيها هنعمل ايه دلوقيتي
هاني برعب: اني مش كان قصدي معرفشي اني عملت أكده ليه دبرني يا عمي
متولي : انت تطلع الجبل هناك هتلاقي راچل معرفتي اتوه هناك لحد اما شوف حل في مصيبتك السودة دي
هاني: چبل هطلعه كيف ده اني عمري ما طلعت الچبل قبل سابق
متولي بتأفف: هبعت حد امعاك ايوديك واقفل خشمك ده خالص قبر ايلمك
هاني بتعچب: انت بتكلمني أكده ليه يا عمي انت عمرك ما كلمتني كده قبل سابق
متولي: عوزني اهشتكك اياك وانت عامل مصيبه
هاني: بس انت اللي قولتيلي دافع عن أرضنا وانت اديتني المسدس
متولي بضجر: انت طلعت همچي متعرفشي تتصرف ووقعتنا في تار چديد
دخلت والدة هاني صالحه صارخه في متولي صالحه: اعملتها يا متولي وضعت ولدي بس اني مش هاسكت وهطلع من اهنه علي دار الشيخ ياسين واحكيلهم كل شئ حصل واتفاقك مع خوه ضاحي وش الشوم ده
متولي وقد صار وجهه احمر من شدة الغضب توجه لها امسكها من ذراعها يثنيه خلف ظهرها : اتفاق ايه يا مرة انتي اللي عتقولي عليه انطقي
صرخت صالحه علي اثر ضغطه علي ذراعها : اااااااه سيب يدي ياظالم
متولي مناديا علي غفيرة: بيومي انت يا زفت يا بيومي
جاء بيومي مهرولا بيومي ذو ملامح غليظه ووجه كله شر اقرب الي المجرمين والقتله وجسد ضخم للغايه: أؤمرني يا سيد الناس
متولي بشر: خد هاني وديه المكان اللي اتفقنا عليه سابق واتأكد أن محروس استلمه منيك
بيومي: امرك يا سيد الناس ثم امسك هاني بتملك وكأنه كان ينتظر اخذ الأمر وسحبه معه
هاني باعتراض: لا اني مريحش في اي مكان سيب امي يا عمي ملكش صالح بيها
متولي : غور من اهنه يا بيومي اعمل اللي قولتلك عليه
غادر بيومي ممسكا بهاني المنتفض بين يديه باعتراض علي ذهابه وترك والدته بين يدين عمه فا أخيرا بدأ يفيق علي حقيقته الشريره
متولي ناظرا الي صالحه: عاوزة تروحي فين يا وش الشوم أنتي اني هدفنك اهنه
صالحه بألم: ادفني يا متولي بس مهسكتش عليك واصل بكفياك ظلم بقي حرام عليك ضيعت براهيم اخوك وابنه وقبلهم ضيعت مرتك امينه لما حولت توقفك عن ظلمك وماتت مقهورة منيك ولدك هچ منيك وسافر ودلوقتي عوز أضيع ابني ده بعدك
متولي بغل: عارفه لو خشمك ده انفتح بكلمه هعمل فيكي ايه هحرق قلبك علي ولدك وبتك هخدها ترميها للمقطيع اللي في الچبل ينهشوا عرضها ولحمها خشمك ده ميتفتحش واصل فاهمه ( قالها وهو يفتح عينيه علي اخرهم بشر)
صالحه وهي تبتلع ريقها بخوف من تهديده لها باولادها: طول عمرك قلبك قاسي يا متولي بس متخيلتش انك يوصل بيك الشر أكده عاوز تقتل ابن اخوك وترمي بت اخوك لديابة الچبل انت ايه ابليس حطلك واطي
متولي بشر: واقتل ابني لو وقف في طريقي ومصلحتي فاهمه ثم ضغط علي ذراعها بقوة
صالحه صارخه: منك لله حسبي الله ونعم الوكيل فيك يا ظالم
رمها متولي أرضا بقوه مما جعلها تصرخ وهي تمسك ذراعها بعد أن أصدر صوت يدل على كسره لكنه لم يهتم بها وتركها وغادر البيت
أنت تقرأ
ليست وحدها حبيبتي
Romanceليس كل من ظن أن حبه الاول هو الاخير ومن المستحيل أن يحب أحدا اخر سواه فهذا ليس صحيحا فاحيانا ما يأتيك الحب مرة أخري دون أن تشعر به لتجد نفسك غارق به حتي النخاع ولكن لابد من شرارة حتي تشعل فتيل هذا الحب لكي تنير امامك الطريق لذلك الحب لتري مدي روعته...
