လှေကားထစ်ပေါ် ၀ုန်းခနဲဝင်ထိုင်ချလိုက်သော ရှိုင်းထွဋ်ကြောင့် ယဲ့တဲ့တဲ့လှေကားလေးမှာ ယမ်းခါသွားသည်။ လှေကားထစ်ဘေးနားတွင်တော့ ရေစည်ပိုင်းချထားကာ ကျောက်ပြားခင်းထားသော ရေချိုးရာ နေရာရှိသည်။ ရေညှိတက်ချင်သလိုလိုဖြစ်နေသော ကျောက်ပြားပေါ်တွင်မူ ဆပ်ပြာရည်စိမ်ထားသော အ၀တ်ဇလုံကြီးရှိနေသည်။
အပြာနုရောင်အကျီင်္၊ ဒူးလောက်ရောက်သည့် ဘောင်းဘီတိုနှင့် ငုတ်တုတ်ထိုင်ကာ အ၀တ်လျှော်နေသော ဒီမိုးယံကို ကြည့်ရသည်မှာ သနားစရာကောင်းသလို ရယ်ချင်စရာလည်းကောင်းသည်။ လက်ရှည်အကျီင်္ကို ဖြစ်သလို ခေါက်လိပ်တင်ထားသည်မှာ ကပိုကရိုဖြစ်ပေမယ့် တစ်မျိုးလေးတော့ ကြည့်လို့ကောင်းနေသည်။ ဒါပေမယ့် တစ်လောကလုံးကို ရိုက်သတ်ချင်သလို မျက်နှာရှစ်ခေါက်ချိုးဖြစ်နေသည်ကတော့ ကြည့်မကောင်း။
"မင်း ဘာဖြစ်နေတာလဲ။"
"ဟိုကောင်မလေးလေ။ အ၀တ်တွေကို အရောင်မခွဲဘဲ ရောစိမ်ထားတယ်။"
"ဟုတ်လား။ အရောင်ဆိုးပြီးသားဖြစ်သွားတာပေါ့။"
ရှိုင်းထွဋ် ခပ်ပေါ့ပေါ့ပြောကာ အ၀တ်များစိမ်ထားသော ရေဇလုံထဲမှ ဆပ်ပြာရည်ကို လှမ်းထိရင်း ဒီမိုးယံ မျက်နှာကိုရေစင်သွားအောင် လက်ညှိုးနှင့် လှမ်း တောက်လိုက်သည်။ မှုန်ကုပ်ထားသော မျက်ခုံးနှစ်ဖက်က ပြေလျှော့မသွား။ မျက်နှာမှာစင်သွားသော ဆပ်ပြာရည်များကို ပခုံးဖြင့်ဖိသုတ်လိုက်ရုံသာ သုတ်ပြီး အ၀တ်ဆက်လျှော်နေသည်။
"ထွဋ်ထွဋ်။"
"yes.."
"မင်း ဘယ်တော့ ကျောင်းစတက်ရမှာလဲ။"
"၁၂ လပိုင်းလောက်ဖြစ်မယ်။"
ဆည်းဆာချိန်သည် လွမ်းမောဖွယ်ကောင်းနေသည်။ အပြာနုရောင် အောက်ခံကောင်းကင်ပြင်တွင် လိမ္မော်ရောင်တောက်သော တိမ်လွှာတစ်ချို့ ရှိနေသည်။ နေ၀င်သွားပေမယ့် သူ့ရဲ့ရောင်ခြည်တန်းလေးများနှင့် တိမ်စိုင်တိမ်မျှင်များကို နောက်ဆုံးပွေ့ပိုက်နှုတ်ဆက်နေကြသလို။
"မင်း တကယ် ကျောင်းဆက်မတက်တော့ဘူးလား ဒီဒီ။"
"ငါ ဆရာဝန် လုပ်ဖို့ စိတ်မ၀င်စားဘူး။"
YOU ARE READING
ဆူး
Romance(Unicode & Zawgyi) သူက ကျွန်တော့်ရဲ့ နှလုံးသားမှာ စိုက်ဝင်နေတဲ့.....ဆူး.....။
