နီးစပ်မှုဆိုတာကို မုန်းတီးဖူးတာ ဒါ ပထမဆုံးအကြိမ်ပါ။
ကြားလိုက်ရသည့်စကားကို အမှားတစ်ခုပါလို့ ငြင်းပိုင်ခွင့်မရှိလောက်အောင် သူတို့နှစ်ယောက်ကြားမှာ ဝေးလံသည့် အကွာအဝေးတစ်ခု ရှိမနေ။
ဒီမိုးယံရဲ့ ထွက်သက် ၀င်သက်က သူ့မျက်နှာပေါ် တိုက်ရိုက်ကျရောက်နေသည်လေ။ စူးရဲသည့် သိမ်းငှက်တစ်ကောင်ရဲ့ အကြည့်မျိုးနဲ့တူတဲ့ ဒီမျက်လုံးစိမ်းတွေထဲမှာ ခါးသီးမှုတစ်ချို့နဲ့အတူ နာကြည်းမှုတစ်ချို့ပါ ရှိနေသည်။
သူ ပြုတ်ကျရမည့် ချောက်သည် ထင်ထားသည်ထက် ပို နက်ပါလိမ့်မည်။
"မင်းကြားလား ထွဋ်ထွဋ်။"
သူ့ မေးစေ့ကို လိုသည်ထက် ပိုပြီး ဖျစ်ညှစ်ထားသည့် ဒီမိုးယံ လက်ချောင်းများကြားမှာ သူ့မှာ မျက်နှာလွှဲခွင့်ပင်မရှိ။ ခြောက်ခြားတုန်လှုပ်နေသည့် နာကျင်မှုများကို ဖုံးကွယ်ဖို့ပင် အခွင့်မပေး။ တင်းနေအောင် စေ့ထားတဲ့ နှုတ်ခမ်းများကြားမှာ ထင်နေသည့် ပြတ်သားမှုက ကြောက်စရာကောင်းလွန်းနေသည်။ သူ့ထံမှ အဖြေမရမချင်း လွတ်မြောက်ခွင့်မပေးနိုင်ဆိုသည့် ပြတ်သားမှုမျိုး။
"ငါ ကြားတယ်။"
"ပြီးတာပဲ။"
ဒီမိုးယံ သူ့မေးစေ့မှ လက်များကို ဖယ်ချလိုက်သည်။ ဒါပေမယ့် သူ လွတ်မြောက်သွားသလို မခံစားရ။ သူ့မျက်နှာကို စေ့စေ့ကြည့်ကာ နောက်ဘက်သို့ ခြေတစ်လှမ်းပြီးတစ်လှမ်း ဒီမိုးယံ ဆက်ဆုတ်နေသည်။ သူ့ထံမှအကြည့်မလွှဲ။ ကျောင်းအုပ်တစ်ယောက် စာမေးပွဲမအောင်သည့် ကျောင်းသားတစ်ယောက်ကို စူးစမ်းသည့် အကြည့်မျိုး၊ သေဒဏ်အမိန့်ချပြီးမှ ကိုယ့်ကိုကိုယ် သတ်မသေအောင် စောင့်ကြည့်နေသည့် အစောင့်တစ်ယောက်၏ အကြည့်မျိုးပါ။
စက်ဘီးလက်ကိုင်ကို လက်ချောင်းတွေ နာသည်အထိ ဆုပ်ကိုင်ထားပေမယ့် သူ တွန်းနေမိသေးလားဆိုတာ ရှိုင်းထွဋ်မသိ။ သူသိသည်က နာကျင်အောင့်တက်နေသည့် ရင်ခွင်တစ်ခုလုံးကို လျစ်လျူရှုနိုင်ဖို့ဖြစ်သည်။ ပျက်ယွင်းနေသည့် မျက်နှာကို ဟန်ဆောင်ပြင်ဖို့ကိုတောင် သူ့မှာခွန်အားမရှိတော့ပေမယ့် မျက်ရည်မ၀ဲလာဖို့ကိုတော့ သူ သွေးပျက်မတတ် ဆုတောင်းမိသည်။
VOCÊ ESTÁ LENDO
ဆူး
Romance(Unicode & Zawgyi) သူက ကျွန်တော့်ရဲ့ နှလုံးသားမှာ စိုက်ဝင်နေတဲ့.....ဆူး.....။
