المنظر بروحه مرعب ودم في كل مكان وسيارات ملتمه نزل من سياره يجري كان لابس نضارات وسروال جينز أزرق وسوريه مخططه بالرصاصي حول نضارات وقاعد يرعش وخايف ومتوتر ويمسح في العرق من جبينه وشاف البنت كيف طايحه والدم يصب منها وشتاتها متنطرات جسمه كله رعش وخاف على البنت لان منظرها منظر وحده خلاص بتموت عدى يجري لها وسمى بسم الله رفعها وركبها السياره ورد خذا تليفونها وشنطتها ومذكراتها وركب في سياره وقعد يجري المستشفى
محمد: يارب ساعدني يارب شن درت انا بس 😵
وقعد يشوف في دم كيف ينزف منها
محمد: يارب سترك يارب تعيش كان صارتلها حاجه مش امسامح روحي 😡
ترن ترن☎
تليفون محمد قعد يرن ومحمد مش قادر ايرد مع انه المكالمه مهمه بكل لكن مش قادر ايرد
وصل محمد للمستشفى ونزل يجري
محمد: إسعاف إسعاف وينه بسرعه تعالو معايا حاله خطيره لو سمحتو تعالو
جو لاسعاف يجرو وجابو سرير وشالوها لي غرفة العمليات ومحمد قعد برى يستنى
حنان ام مها: تي ساعه 4 مازال ماجت ياراجل انقولك
ناصر بات مها:باهي تو انكلم صاحب الحافله اهو هي اوكي وانتي ديما مركبه😥
إم مها: مشغوله عليها البنت ونبي طمني باهي
بات مها : اوكي سلام
سكر ناصر من حنان ورن على صاحب الحافله
ناصر : الووو سلومه شن اخبارك
صاحب الحافله وكان متوتر : اهلين عمي ناصر شن لأمور
ناصر: والله بنسالك انت روحت بي مها بنتي
صاحب الحافله سليمان: لالا والله العم بصراحه وسكت😢
ناصر: كنك ياراجل في حاجه خوفتني
سليمان: بنتك ضربتها سياره وقاعده في المستشفى
ناصر: تي شن اتقول انت امتى صار الكلام هذا وليش مارنيت عليا
سليمان: والله يالعم نحسابه جاك الخبر😨
ناصر قعد يرعش وسكر تليفون ورن على ولده امجد
ناصر يبكي😭: وين قاعد
امجد: تي كنك ياباتي في حاجه عليش تبكي😱
ناصر : اختك ضربتها سياره قاعده في المستشفى خلينا نعدو اندورو عليها
امجد: كيف 😨😨😨
ناصر: تعال توا بسرعه😢
امجد:باهي هيا تو انجيك وين قاعد
ناصر:&^##...
امجد ركب في سيارته ورن على خطيب مها ولد عمه يعني عمر
عمر:اهلا يابرو شن جو
امجد😢:مها ياعمر
عمر مجرد ماسمع اسم مها بعد متوتر وأذكر كلمها امبدري وكيف قلتله خايفه مانخذاكش نقعد يبكي طول
عمر وهو يبكي😢 : كنها مها شن فيها قولي يامجد بسرعه مها بخير صح كويسه قبل ساعه كلمتني مافيها شي كنها امجد رد عليا
امجد: ضربتها سياره ياعمر قاعده في المستشفى وتوا ماشي لي باتي بنعدو اندوروها في اي مستشفى اصلا مازلنا مش عارفين وخبرنا صاحب الحافله
عمر قاعد مصدوم من كلام امجد مش قادر يستوعب مها معقوله تعدي وتسيبني لالا انا مش قادر انتحمل : عمر وين قاعد تو انجي اندور معاك
امجد:&/@//$$
وصل عمر عند امجد وعدو لي ناصر بات مها وقعدو ايدورو عليها من مستشفى لي مستشفى
مرت3 ساعات ومها تحت العمليات وحالتها خطيره بكل طلع دكتور
محمد جاه يجري :دكتور لو سمحت
دكتور :عفوا انت راجل المريضه
محمد : انا اللي درتلهاا لحادث😳
دكتور:خبرت اهلها
محمد: لالا بصراحه مش عارف كيف انتواصل معهم وعلى طول اذكر تليفون مها اللي في سياره
محمد: دكتور تو انكلمهم بس طمني على حالتها هيا كويسه
دكتور: لاسفا المريضه حالتها خطيره بكل واحتمال نخسروها لأنه صارلها شلل وفي حاجه اخرى بس نبي نتاكد قبل
محمد :شلل مش معقول يارب لطفك عليها يارب
دكتور: نحن نبو دم المريضه نزفت واجد
محمد:باهي عادي انا نتبرع
دكتور :مافيش مشكله انتاكدو ادا كان الدم ايطابق معها ولا خلينا انديرولك تحاليل
وندى على السستر وخذت محمد ودرتله تحاليل وستنو نص ساعه بعدين طلعت تحاليل ودمه ايطابق دم مها وتبرعلها بالدم وخش دكتور من جديد وقعدا يكمل في العمليه
محمد طلع من المستشفى عدى لي سياره وخذا تليفون مها وفتحه طلعت صورتها خلفية شاشه قعد يتأمل فيها وفي جمالها لقى تليفونها عليه رمز ماقدرش ايحلها علشان ايتصل بي هلها قال اكيد تو ايرنو بعدين نقوللهم
خليني نوصف محمد شويه محمد عيونه سودوطويل وعريض ولحيته خيال وعنده عضلات ومن لاخير حتى هوا طرف
عدى رد للمستشفى ايرن تليفونه. ......
يتبع 😍
أنت تقرأ
رواية سنين الحرمان
Детектив / Триллерبنت حلوة وطيوبه اتحب اهلها هيا مواليد 95 تقري في طب ومخطوبه لي ولد عمها لان جدها غصبها عليه في البدايه لكن بعدين عاشت معه قصة حب دامت 4 سنين? تو تعرفو شن تغير في حياتها ?
