الباب ايدق مها فتحت
سلمت على امها وامجد
مها: اهلين جيجي 😊😊
وجدان حضنت اختها: تي امرايفه عليك بكل ازح😁😁
اريج : غير وخري خلينا نسلمووو عليها
مها : اهلا حبيبتي شن جوك كنك رايحه ضاعفة😉
اريج : الله غالب من حمل تعب بكل حتى انتي رايحه ضاعفة راه
مها خذت قصي وباسته على خذه: ههههه من تعب حوسة الفرح والقرايا تفضلووو
وخشو قعمزوو في الصالة ومها رنت على محمد وجاء سلم وقعمز هواا وامجد في المربوعة
ومها خشت المطبخ ضيفتهم عصير فرش وهذرزت معاهم شويه وبعدين قعدت جهز في الغذاء وخشن معاها اريج وجدان
مها: عدن تريحن كل شي واتي راه
وجدان : ماشاءالله على اختي الحرة خلاص انا تو نغسل الماعين
مها : امباه وانتي اريج عدي تريحي تو نكمل انا وجدان
اريج : اسمعي انقولك حاجه لكن خايفة نتعبك😳
مها : قولي ماتحشميش
اريج : خاطري في الكيكة اللي اديري فيهاا والله بنموت عليها عارفة وانا في حوشي انفكر 😢
مها تضحك: توااا ياهبلة عليش تبكي عشان كيكة خلاص ولا يهمك توااا انديرها لكي خلاص
وحطت الغذاء وتغذوووو وجدان تغسل في الماعين واريج رقدت قصي وخشت مها ادير في الكيكة اللي تبيهاا اريج حست بمغص في بطنهاا وخلاص تبي تستفرغ مها مسكت بطنها وقعدت تتحمل في لالم وحطت الكيكة في الكوشة وطلعت الحمام وفتحت الشيشمه عشان ماحد بسمعها وهيا تستفرغ وطلعت قعمزت جنب امها وجها أصغر وتعبانه خلاص
إم مها حنان: كنك يابنتي وجك اصفر
مها: لالا غير إرهاق وحوسة فرح وتفكير في القريا تعبانه عادي مادوريش تو نقعد ماشاءالله عليا
حنان: باهي شن اخبار راجلك كويس معاك
مها : ماشاءالله عليه عارفه يأمي لو نطلب عيونه يعطيهن ليااا
حنان: باهي الحمدالله ووكنك معاش اتجينا غادي انقطعتي علينا
مها : والله يأمي عشان القرايا خليني نكمل امتحانات وان شاءالله انجيكم في العطلة
اربج : مها حبي راهووو انا وجدان مازال ماخذينا دبش قلنا توا ناخذووو من هنا بنغازي دبشهاا حلووو
مها: اصلا انااا بروحي مازال ماخذيت خلاص تو بكرااا نعدووو اليوم تريحووو اكيدا تعبتو من الطريق
اريج : تمام
وعدت مها كملت الكيكة ودارات معاها نسكافيه وتعصرووو وامجد ومحمد طلعوووو والبنات رقدن عدااا مها اللي كانت تتوجع من المغص اللي في بطنها
أنت تقرأ
رواية سنين الحرمان
Misteri / Thrillerبنت حلوة وطيوبه اتحب اهلها هيا مواليد 95 تقري في طب ومخطوبه لي ولد عمها لان جدها غصبها عليه في البدايه لكن بعدين عاشت معه قصة حب دامت 4 سنين? تو تعرفو شن تغير في حياتها ?
