حل عمر تليفون ويلقى صورة مها خليفيه الشاشه وهيا فاتحه شعرها على ضهرها اللي واصل لي ركبه عمر كان ايموت في شعر مها وعيونها اللي مايله لي رصاصي وحل رمز تليفون عشان هوا كان يعرف رمز وحط على لاستديو لقى صورها صوره احلى من صوره وقعد يبكي وشاف صوره هوا معها
عمر:امرايف عليك امرايف على صوتك ليا يوميين منحرم منك تعبت يامها نبيك جنبي ليش صار هكي ياربي مها انحبك💔 انا حياتي بلاك ولا شي والله اتصير فيك حاجه انموت وراك يارب اتنوض بالسلامه يارب سهر الليل كله على تليفون ويتفرج على صورها ويبكي لعند إذن الفجر عدى الجامع وصلى وقعد لعند الصبح وهو يدعيلها
مر اسبوع كامل بدون اي تغير على حالة مها حالتها مازالت مش مستقره وقاعده في غيبوبه وكل اليوم ايديرو عليها في دراسه وأهلها حالتهم تعبت واجد من بعدها وامها جاها سكر وعمرر اخ من عمر المسكين متبهذل وهمل روحه وهمل شغله وحوشه لي ايكمل فيه على قولته مافيش حياه بعد مها
اريج اسبوع ماعدتش لي جامعه حالتها حتى هيا تعبانه تعدي كل يوم لي مها في المستشفى وتدعيلها
وأخيرا محمد كل يوم ماش جاي على المستشفى وايشوف في مها بدون ماحد ايشوفه من اهل مها وديما على تواصل مع دكتور مها ويدير في لإجراءات عشان ايطلعها برا يبي الموافقه من اهلها حاسس بالذنب والمسؤليه مش قادر ايسبها بروحها ويكلمن فيه خواته عشان ايجي لي بنغازي بس ماقدرش يمشي ويسيبها خاصه أنه في شعور غريب ايحس بيه اتجاها ....
يوم جديد صباحا
دكتور خش فحص مها ودرلها شوية تحليل وعدى للمكتب ورن على تليفون محمد
محمد : ايوا صباح خير دكتور
دكتور : صباح النور
محمد:خير دكتور في حاجه
الدكتور :لو تقدر اتجي للمكتب ايكون احسن
محمد: تمام جاي اصلا انا قدام المستشفى😞
وركب محمد وعدى لي غرفه الدكتور وخش
محمد: السلام عليكم
الدكتور : وعليكم السلام
محمد: نعم تفضل
الدكتور : مش على اساس تبي اطلع المريضه برا بصراحه لو خليتوها هنا أخرى احتمال اتسوء حالتها لان لها اسبوع مافيش تحسن والجسم امتاعها مايبيش يستجيب للدواء نهائي وانا بصراحه خايف نخسروها
محمد قلبه قريب ايوقف من الكلام اللي ايقول فيه دكتور : ولا يهمك اليوم انكلم اهلها وفي هاايوميين انطلعوها ان شاءالله حندير المستحيل بس على شان اتكون بخير وترجع لي صحتها
دكتور: وانا كلمت صاحبي في ألمانيا ودزيتلها وقرى حالتها وقال دزولي المريضه ممكن تتحسن هنا وان كل شي متوفر وقال خلال لأسبوع هذا ضروري اتكون عندي
محمد:خلاص تمام توا انا طالع ندوي مع اهلها
وطلع محمد وتقابل مع بات مها وحكي معها في لأول ماكانش يبي يدوي معه لكن لان لامر متعلق في بنته فتنازال ويبي ايدير المستحيل عشان بنته
وطلع محمد ودار إجراءات سفر وعلى اساس ان السفره بتكون ثاني يوم في اليل ورجع لي دكتور وقاله وعلى اساس ايكلم صاحبه في ألمانيا ورد لي بات مها ودوى معه في موضوع سفر
بات مها: ماكانش في داعي كنت ماشي توا😒
محمد: شنو الكلام هضا ياعمي راهو كيف اختي
ناصر: وين ألمانيا خليني نرفعها تونس
محمد: لالا ألمانيا في دكتور شاطر وان شاء الله تتحسن حالة بنتك معه
ناصر انحرج بصراحه ماعنداش المبلغ الكافي لي للمصاريف وألمانيا غاليه هو صح يبي سلامة بنته لكن ماعنداش فلوس الكافيه لي علاجها :😳
محمد وكان قرى كلام اللي في عقلها
محمد: عمي ماتفكرش في فلوس كل شي على حسابي المهم تتعافى بنتك
ناصر: ابدا مافيش منه الكلام هضا تو اندبر فلوس الليله ايكون عندي مش شورك انت
محمد ودمعه في عينه :عمي بالله عليك خليني اقل شي نديرحاجه بيش انساعد بيها بنتك لو سمحت عمي انا السبب في حالتها وانا حابب انساعد انا ياعمي والله اللي ضربتها كانت امي طالبتني لانها كانت على فراش موت متوتر ومش مركز في السواقه وصار اللي صار عمي انا امي ماتت وماشفتهاش امي خلاص فقدتها خليني نساعد البنت اللي دمرت حياتها بسببي
ناصر وجعه محمد بكل ضلمه قبل مايفهم منه يعني هو فقد امه ومع هضا كله مازال قاعد معهم وماخلاهمش في المحنه هذي بروحهم وقف معهم بمعني الكلام وبعد الكلام اللي صار وافق طلع محمد من المستشفى وركب في سياره وعدى لي بنغازي
ناصر خبرهم كلهم وقاللهم انه بيشيل مها لي ألمانيا عشان تتعالج
وصل محمد لي بنغازي وسلم على خوه عبدالله وحكاله على مشيته لي ألمانيا وخذا شنطته وته دبشه وجواز لاوراق والفلوس وعدى سلم خواته خواته هنا 3 متجوزات وحده مخطوبه عايشه مع خوها عبد الله وبات الليله في بنغازي
صباحا يوم سفر مها
طلع محمد من الحوش ركب في سياره وعد لي المرج
في المستشفى
جو اهل مها امها وخواتها وخوها ودعوها وجت اريج ودعتها حتى هيا وروحو وقعد ناصر وخوه خالد بات عمر ولده امجد وعمر عشان ايخلصو لاجراءات المستشفى وعدو لي الرسيشن عشان ايخلصو فاتورة المستشفى
عمر:لو سمحت فاتوره المريضه مها ناصر
الرسبشن شاف الفاتوره لقها مدفوعه
الرسبشن : خلاص الفاتوره مدفوعه
عمر : مدفوعه كيف مدفوعه من دفع شاف في عمه ناصر شاف بمعنى هوا مدفعش وبحث امجد نفس جو بعدين شاف لي رسبشن
عمر: ممكن نعرف من دفعها 😕
الرسبشن : الدكتور محمد
كلهم على رأسهم علامات استفهام من دكتور محمد اللي دافع الفاتوره
عمر: اسمع نحن مانعرفوشي هضا اكيدا هو غالط
الرسبشن : بس هوا دفع وقال نبي فاتورة مها ناصر
عمر عدى لي دكتور يوسف هوا اللي ايتابع في حالة مها
عمر : السلام عليكم
الدكتور يوسف : وعليكم السلام
عمر : ولله نبي نسألك في دكتور هنا اسمه دكتور محمد 😒
الدكتور يوسف ارتبك: عليش شن فيه
عمر:والله دكتور دافع فاتورة المريضه مها ناصر 😬
الدكتور يوسف أذكر المحادثه اللي صارت بينه وبين محمد
محمد: دكتور نبي نطلب منك طلب
الدكتور يوسف : نعم تفضل
محمد: مصاريف المستشفى كلهن على حسابي واي عمليه تبي اديريه على حسابي وماتكلمش اهلها على المصاريف بكل وياريت ماتقوللهمش انا اللي دفعت
..... دكتور يوسف وين رحت
دكتور يوسف انتبه لي صوت عمر ايكلم فيه
دكتور: اسف شردت شويه اها دكتور محمد هضا فاعل خير ايحب ايساعد ناس مع انه اموصي رسبشن مايقولوش اسمع لانه في نهايه فاعل والمفروض اسمه يقعد مش معروف
عمر:بس هك
دكتور يوسف :لوسمحت أرجوك هوا دافع الفاتوره من زمان خلاص حصل خير وزي ماقتلك هو فاعل خير وحاب يأخذ اجر عند ربه
طلع عمر من عند دكتور مع انه ماصدقش دكتور ويدور في عقله من دكتور محمد😕
بعد طلع محمد من دكتور يوسف على طول دكتور رن تليفون
دكتور يوسف :.......
يتبع 😛
توقعاتكم❤❤❤
أنت تقرأ
رواية سنين الحرمان
Mystery / Thrillerبنت حلوة وطيوبه اتحب اهلها هيا مواليد 95 تقري في طب ومخطوبه لي ولد عمها لان جدها غصبها عليه في البدايه لكن بعدين عاشت معه قصة حب دامت 4 سنين? تو تعرفو شن تغير في حياتها ?
