مريم ماسكه تليفون وترن على عمر
مريم : تي كنه مايردش من امبدري وانرن لالا ضروري انكلم عمي
عدت مريم خذت ولدها وطلعت من الحوش تمسكها ليه خلاص هيا في شهرها
مريم : اه بطني وينك ياعمر وكملت طريقها لي حوش عمها وقعدت تدق
بات عمر فتح الباب : اهلين مريم خير شن فيه
مريم وتحس روحها بدوخ من الوجع : عمي من امبدري انرن على عمر مايردش عليا وانا منشغله عليه
خالد بات عمر: كيف قصدك ماروحش اصلا من امبدري اندور فيه ماجاش للفرح اليوم
مريم : عمي كان مايقعد امداير في روحه حاجه
واطيح مريم ادوخ
خالد : بسم الله مريم نوضي كنك يابنتي
جت إم عمر تجري : كنك شن فيه وتحق مريم طايحه وعلى طول خالد سخن السياره وشالوها المستشفى ودارولها دخول
إم عمر: وين عمر كيف مش قاعد مع مرته
خالد : ولدك قاعد عند امجد اليوم امداير كارثه غير لما جت مريم مابيتش نخبرها على الموضوع
عند أهل مها
امجد: امي راهو كلمني عمي خالد وقالي مرت عمر في المستشفى احتمال الولاده
حنان: انشاء الله ربي يسهل عليها ولكن والله مانقدر نمشي كرعيا ايوجعن فيا تو انكلمها انت بتعدي
امجد : ان شاءالله هيا نستاذن
امجد طلع من الحوش جته اريج
اريج: حبيبي وين ماشي
امجد: حبي مرت عمر في المستشفى وبنرفع عمر لي اهله تو كلمني عمي وقالي جيبه
اريج : باهي قصي روحو بيه اهلي امبدري
امجد: وليش خليتيه ايعدي على من بنكسد اليوم 😕
اريج : وانا وين رحت انت باقي متغير مش كيف قبل معاش ادور فيا وبعدين انا دزيت قصي مع اهلي عشان انديرلك ليلة رومنسيه لكن عدي دور مع من تكسد ولا لما تروح من المستشفى جيب قصي معاك 😡😡😬
وعدت خشت اريج
امجد: مجنونه نشفط عليها قلبتها جد ماتعرفش بصارة بكل بس انحبها ❤
وعدى امجد رفع عمر لي عمه خالد وكان عمر سكران ومغمى عليه ومريم جابت ولد
امجد روح ويلقى الحوش امظلم :لالا شكلها ليلة نكد مش ليلة رومانسيه حبيبتي وينك اريج وقعد ايدور فيها ملقهاش
امجد: تي وين عدت ازح وطلع تليفونه ي ايرن عليها ماتبيش ترد نزل من الحوش وعدى لي حوش أهله
امجد قدام الباب عشان حوشهم كان مليان
امجد: وجدان وجدان
اريج فرحت : وجدان امجد ينادي عليك عدي شوفيه
وجدان بنص عين : وقسم بالله انتي وراجلك قريب اطلعوني من عقلي وصبت وقعدن البنات يضحكن
بيسان : الحب ومايفعل
ابتسام: انتي اسكتي اصلا ليش ماروحتي لي حوشك وقعدتي مع راجلك
بيسان : فرح اختي اليوم كيف نعدي نبات مع راجلي وبعدين هوا عنده عمل اليوم ماسك
ابتسام: عارفات كلكن مافيكنش جو رايفت على الهبله مها لما اتزوجت كسد الحوش
امجد هوا معصب : وجدان
وجدان : نعم
امجد:اريج عندكم
وجدان: اها قاعده مع البنات
امجد تريح لما لقها لوطه خاف اتكون ماشيه لي اهلها: باهي كلميها ليا
وجدان : باهي
عدت وجدان تكلم فيها : اريج يبيك راجلك هيا مع سلامة وسكري الباب وراك
اريج فرحانة بس تكابر: لالا مش ماشية قوليله نبي ترقد هنا😌😌
وجدان : وتي قسم بالله كان ماتصبي انقلبها عليكم واندريلكم ليلة معفنة انتي وراجلك مش رومانسية
اريج خافت وصبت تجري لي راجلها
اريج : نعم شن تبي
امجد : شن تبي ترقد هنا 😉
اريج : اها 😠 وعدى جيب قصي
امجد دار روحه معصب : لالا هيا قدامي ماعنديش مرة تبات برا حوشي وقصي تو بكر انجيبه
ركبت اريج وراها امجد ميت من الضحك وخشت اريج الحوش وعلى طول لي دارها وسكرتها بالمفتاح
امجد دق على الباب : اريج افتحي دار
اريج : بنرقد ومعاش ادق
امجد : عليك ليلة هيا ازح وعدى رقد في الصالة
أنت تقرأ
رواية سنين الحرمان
Misterio / Suspensoبنت حلوة وطيوبه اتحب اهلها هيا مواليد 95 تقري في طب ومخطوبه لي ولد عمها لان جدها غصبها عليه في البدايه لكن بعدين عاشت معه قصة حب دامت 4 سنين? تو تعرفو شن تغير في حياتها ?
