يوسف: عدي اخطبها
محمد: شن تقول كيف نخطبها😨
يوسف : لايام اللي فاتن قتلي خواتك ايزنن عليك اتجوز باهي عدي اتجوز مها بنت كويسه وماشاءالله عليها وانتم اثنين لايقين لي بعضكم
محمد: زعمك هيا اتوافق يعني لما تعرف انا اللي درتلها الحادث شن ايصير ممكن تقبل بيا خايف يايوسف خايف أضيع مني شن اندير
يوسف : كان تبي راي عدي اخطبها وتواكل على الله
محمد: خليني نفكر في الموضوع 😳
يوسف: انت مش تبيها ليش أتفكر عدي اخطبها
محمد: مستحيل نخطبها لين نقولالها انا اللي درتلها الحادث وهيا تقرر بس مازال نبي شوية وقت عشان نحكي معها ونخطبها البنت لها 4 ايام نايضه من غيبوبه خليها اتريح الفتره هدي
مها رقدت ساعتين وناضت ادوشت ولبست سترتش اسود فيه خطين بيض مع بدي ابيض نص وشعرها رافعات فوق ومكياج بسيط عشان تخفي آثار لارهاق والعيون المنتفخه ونزلت مع البنات في الجنينه لقتهن ملتمات وامديرات بيتزا وموالح وتسالي وشكاليط جو بنات قعمزت معاهن وقعدت تهذرز
ابتسام وهيا تشوف في مها : مها شن رايك انعدو للسوق 😍
مها كانت الفكره حلوى بكل عندها بصراحه هيا محتاجه لي فترة نقواه شويه
وقفت مها : اوكي ماشيه نوتي روحي وعدت تجري
ولحقنها البنات وخشن لي دار مها وقعدن ايواتن في رواحهن مها لبست سروال اسود مع طرف دمي وكويشه دميه وشاح اسود ومكيجت بسيط وخذت شنطتها سوده ولبسن البنات وجت معهم اريج وهيا تكركر في بطنها وركبن في السياره مع امجد وشالهن للسوق ونزلن البنات وقعدن ايدهورن في السوق وامجد كان يمشي مع اريج عشان يشرو حاجات البيبي
ابتسام اتشوف في الفستان': شوفي يامها ايهبل الفستان شن رايك
مها: اها حلو
وجدان: اها حتى انا نبيه عجبني على فرح بنت عمتي
مها قعدت تشوف :من بنت عمتي
وجدان: نسيت انقولك بنت عمتي فتحيه ابتهاج فرحها بعد اسبوعيين الخميس جاي بتجي عشان تحمدلك على السلامه امبدري سمعتها تدوي مع ماما
مها: اوكي معناها خليني ناخذ فستان
وقعدت مها تبرم في محل وكان في شاب مع اخته وامه يلحق في مها بعيونه ويحق فيها كيف تبتسم وتكلم عجباته مها
شاب ايكلم في اخته
شاب: شن رايك في البنت وشير عليها عجبتني ونبيك اتكلميها
اخته : باهي تو نعديلها
وعدت اخته وقفت جنب مها
اخته ساره: السلام عليكم
مها تشوف فيها وتفكر زعما نعرفها ولالا: وعليكم السلام
ساره: انتي شن اسمك
مها مستغربه منها: اسمي مها
ساره : عاشت لاسامي مواليد الكم انتي
مها: 95
ساره : ماشاءالله بطوله عمرك تقري انتي
مها: سلمك اها طب
ساره كبرت في عينها مها وعجبتها: باهي انا نبيك لي خويا وشيرت على خوها هوا دزني لكي وهذا رقمه وهوا ناوي الحلال معاك ماعنداش على العب
مها: بصراحه شن نقولك انا مانحبش نرفض حد بس انا الموضوع هذا مانفكرش فيه في الوقت الحالي
ساره: عادي حتى خطوبه بعدين زواج امتى ماتبي راهو خويا متفاهم وانتي كلميه وتفاهمي معه الحياه تفاهم
مها وهيا اتشوف في ابتسام تشيرلها من بعيد عشان يطلعو من المحل
مها:أسفه قتلك الموضوع هذا مانفكرش فيه نستاذن توا ومشت مها تلحق في البنات لأنهن طلعن من المحل
شاب: شن صار شن قالت
اخته : قالت ماتفكرش في الموضوع
طلع يجري شاب ورا مها
قدام المحل مها كانت طالعه وشافت البنات خشات المحل اللي جانب
شاب : لو سمحتي ممكن انتكلم معاك شوي
مها قعدت تشوف وراها لقت نفس شاب اللي شيرت عليه ساره قعدت تسرع في المشي
شاب :والله عليك لامان نبي ندوي معاك بس
مها والدموع متجمعاات في عيونها: اسفه مانقدرش وهيا على وشك تبكي لان كل الناس اتشوف فيهم
في سياره كان محمد ويوسف فيها وشافو الشاب
محمد: مش هذي مها ولا انا غلطان😨
يوسف :تقريبا هيا بس من هذا اللي معها
نزل محمد من سياره يجري
شاب: تفضلي هذا رقمي
مها وخرت ايديه وهيا تبكي وترعش ولفت عشان تمشي شاب مسك ايدها مها لفت وراها وتحق د.محمد جاي يجري من بعيد ويمسك الشاب ويعطيه طريحه
د.محمد : انت من سمحلك تمسكها ياحقير وعطها بوني
شاب: وسع بالك والله فاهم الحكايه انا نبيها بالحلال
محمد معاش قدر يتحمل العداد لعند 180: تي كنك انت وحق الله كان ماتمشي من هنا انمحيك من وجه لأرض
شاب خاف منه لان من عيونه يطلع الشرار ومشى يجري ومحمد قرب من مها وهيا تبكي وخايفه
محمد:انتي كويسه 😒
مها وهيا تشوف فيه وتمسح في دموعها : اها وجت بتمشي كلمها محمد
محمد: مراجعتك بعد يومين راك تنسي 😐
مها لفت وجها وشافت وقعدت تذكر فيه
مها:دكتور محمد😱
محمد: كويس اللي عرفتيني
مها : اسفه اصلا مانتبهتش عليك 😳
محمد: تمام مافيش مشكله
مها: نستاذن عن أذنك
محمد: تمام انتلاقو في المراجعه
مشت وخشت المحل وقعدت تشري وعجبها موقف محمد
في الحوش اهل مها
ناصر: والله ياخويا القرار في ايد بنتي وهيا اللي تقرر
خالد: باهي وينها مها كلمها ليا
ناصر: مش قاعده في المحلات
عمر وقف وطلع يستنى في مها برا قدام الحوش
يتبع. ...
أنت تقرأ
رواية سنين الحرمان
Misterio / Suspensoبنت حلوة وطيوبه اتحب اهلها هيا مواليد 95 تقري في طب ومخطوبه لي ولد عمها لان جدها غصبها عليه في البدايه لكن بعدين عاشت معه قصة حب دامت 4 سنين? تو تعرفو شن تغير في حياتها ?
