رواية سنين الحرمان

الحلقه الخامسه

عبدالله :  محمد 😨
محمد ناض شاف خوه طلع من السياره  عيونه حمر متنفخات وحالته متبهدله  وعدى  حضن خوه مع العلم ان خوه عبدالله اصغر منه 92 ومحمد89
وقعد يبكي بالصوت العالي والتمو عليه الناس  وقعدو يهدو  فيه وبعدين كل مره جايه حد ايعزي
فيه  وإذن ظهر وحضر دفينه وخلاص روحو 
محمد استأذن من الرجاله واتصل على دكتور اللي ايتابع في حالة مها
الدكتور؛ اهلين محمد عضم الله اجرك
محمد:واجري واجرك على الله  قولي دكتور كيف حال العمليه نجحت😳
الدكتور :لاسف نحن ماقدرناش انديرو العمليه خاصة بعد الدراسه اللي درناهاانا والدكاتره

محمد:دكتور انا معاش فهمت شي 😞
الدكتور:بصراحه جسمها ضعيف  ماتتحملش عمليه خطيره زي هذي وخاصة ان مش كل شي متوفر هنا وخاصة لماتاكدت انها في غيبوبه
محمد:يعني خلاص غيبوبه باهي  اهلها علمو بالحاله هذي 😔
الدكتور :كانت صدمه كبيره عليهم لماقتلهم وخاصه لما جت امها وخواتها قلبن المستشفى عياط
محمد: باهي ايصير انسافروها برا ممكن ايكون العلاج احسن برا وتتحسن معه شن قلت دكتور
الدكتور:  انا اساسا كنت بنقترح عليك الشي هذا  بس سبقتني ممكن لو سفرنا برا تتحسن حالتها وداير العمليه وترجع احسن من قبل بس خلينا انتابعها اسبوع هذ انشوف حالتها لوفقدنا لامل اتعالج برا
وعندي صاحبي ألمانيا شاطر وهوا متخصص في العمليه اذا احب ندوي معه ونتفقو
محمد: خلاص ادوي معها واليوم ان شاءالله انتلاقو
الدكتور :اها صح  مركز الشرطه كانو هنا امبدري يسالو عليك هما كانو يحسابوك هربت بس انا شرحت الوضع وياريت بعد اتجي تمر على المركز الشرطه
محمد:خلاص ان شاء الله سلام😐
سكر محمد وكان وراه خوه  عبدالله وسمع المحادثه اللي بين محمد والدكتور
محمد:خلاص اظن مافيش داعي نشرح ونبرر
عبدالله: حالتها خطيره لهدرجه
محمد: ربي يستر حندير المستحيل لين ترجع  لي حياتها طبيعيه
عبدالله : كيف صار الحادث
محمد حكى كل شي لي عبدالله
وعبدالله حس بي خو  هو قدر الضرف للي هو فيه
محمد:نستاذن توا واكيدا انجي بس مش معروف
عبدالله : ماتبيش اتشوف خواتك قبل ماتمشي
عدى محمد شاف خواته هنا اربعه خوات اول ماشافن  محمد بكن وبكا  معهن وطلع وعدى الرجاله وخوته عنده اربعه واحد ميت واثنين متجوزين واصغرواحد عبد الله  وبعدين على المغرب سلم على  خوه عبدالله وركب السياره وهو راكب شاف تليفون مها ايرن نسى ان هوا ماعطاش لي اهلها وشاف تليفون كان مسجل My love  وصورة عمر عليها  كان متردد ايردعليه  في لأول بعدين رد عليه
محمد:الوو السلام  عليكم
عمر:وعليكم السلام  عفوا من انت هذا مش تليفونك صح
محمد: اها صح هذا تليفون البنت اللي تعرضت اللي حادث
عمر:وانت شن دراك ياحقير وشن ايدير تليفون عندك😬
محمد:لو سمحت أحترم نفسك ممكن  تأخرت ماسلمت تليفون بس انا مش وأخذه وشن دراني  انا اللي ضربتها
عمر : ياولد الكلب  ولله انوريك يا^$/*)/😠😠
وقعد  يسب  ويلعن محمد سكر تليفون في وجه
وعدى لي مرج اللي فيها مستشفى مها 
عمر: اتسكر عليا والله انوريك ياولد  الكلب والله انجيبك 😡
محمد وصل مرج وعدى اللي مركز الشرطه ودار كل لإجراءات  الازمه وخاصه أنه صاحب المركز  يعرف محمد من زمان ومعرفه فسمحوله بالخروج وقالوله ممكن في اي وقت انكلموك  عدى محمد للمستشفى وشاف دكتور وسال على حالة مها  وقالها مازال مش مستقره وهو طالع قعد ايدور في اهل مها شاف امجد كلمه
محمد: لو سمحت
امجد : نعم تفضل
محمد:بصراحه انا هوا اللي درت الحادث اللي اختك 😳
عمر كان ماشي في الممر امتاع المستشفى وسمع محمد شن قال وطاح فيه ضرب
عمر : جيت وجابك ربي ياحقير😠😡
محمد  قعد ايحول فيه مايبيش  يضربه  وعمر ماوقفش بكل  وامجد  ايحز  والتمو الناس وحزوها وطلعو عمر برا
امجد: ماعليش اصلا هذا شويه عليك من اللي قاعده اذوق فيه اختي توا
محمد:  والله مش عارف كيف صار الحادث وياريتني انا مكانها انا بجد اسف
امجد : اسفك هذا  لابيقدم  ولابيوخر خليك بعيد  بس لو سمحت
محمد: تمام اللي ايريحك بس ممكن نحكي  مع الوالد شويه
امجد :قاعد لوطه في قسم العنايه
محمد:تمام
وعدى محمد وشاف ناصر بات مها  قدام الغرفه اللي فيها مها  ويبكي ومعه حنان ام مها
محمد: السلام عليكم عمي
ناصر  قعد يمسح في الدموع :وعليكم السلام نعم تفضل كيف نساعدك
محمد: ممكن ياعمي نحكي معاك شويه
ناصر: ان شاء الله  خير😕

محمد: عمى انا االي درت الحادث الي بنتك 😳
ناصر: وبكل فخر اتقول فيها😬
محمد:عمي احسن مانهرب بالعكس جيت عشان نعتذر والله اللي صار غصبن عني ياريت تفهمني ياعمي وقبل شويه كنت في مركز الشرطه ودارولي بإجراءات
ناصر بصوت  عالي : انت ماتعرفش اتسوق ولا شنو صغير  انت  ولا اول مره اتسوق  لما قالولي بنتك ضربتها سياره توقعتها  واحد من العيال الصغار الطايشيين 😡
محمد ساكت ويحق في الناس اللي التمو عليهم وجاء امجد يجري وعمر وعيونه حقد على محمد اللي حرمه من حبيبته 
ناصر بعد كمل تهزيب ومازال قلبه مليان: أمشي من هنا  احسنلك لو قعدت مش حايصير خير
طلع محمد من المستشفى   لحقه عمر
عمر: وين يابابا على خير ماصدقت لقيتك انا
امجد جاه يجري ومسك عمر قبل مايتهور أخرى
عمر:تي اطلقتي الزح 😠
امجد:خلاص ريح روحك اللي ديري فيه غلط ومحمد خلاص انت عدي
محمد كان بيعدي لكن صوت عمر وقفه
عمر: استنى😬
محمد:نعم
عمر:وين تليفون مها😡
محمد طلع تليفون من جيبه وعطه لي عمر
وركب سياره وقعد فيها جنب المستشفى
عمر لما خذاه تليفون عدى قعمز في الحديقه  مازال ماقدرش يتخطى الصدمه الكبيره اللي جاته امس خطيبته أتكلم فيه شاف آخر مكالمه 3 امس قعد يبكي وعدى حل تليفون ويلقى .......

وأخيرا كملته اهووو😥😥
قراءه ممتعه