قعد عمر يتسنى في مها قدام الحوش
بعد نص ساعه
سيارة امجد درست قدام الحوش نزلن البنات ومها كانت تهذرز مع ابتسام وتضحك وتشوف قدام الحوش اتجي عينها في عين عمر
مها نبضات قلبي قعدت اتدق بقوه وحسيت روحي بيغمي عليا شايفه الفرحه في عيونه وقاعد يبتسم ليا فتت من جنبه من دون مانكلمه وخشن البنات
خشيت للصور قابلني عمي خالد بات عمر سلمت عليه وكلمني معه للمربوعه حسيت في ان في الموضوع وقعمزت مع عمي وباتي وعمر مش قاعد
خالد عم مها: شن اخبارك مها
مها: الحمد الله بخير شن اخبارك انت عمو
خالد عم مها: في موضوع نبي نحكيه معاك وان شاءالله ماترديني
مها قلبي بيطلع من مكانه: ان شاءالله خير ياعمو
خالد : انتي عارفه اللي صار معاك مش شويه انتي ضاعت من حياتك 4 سنين وانتي عارفه انك كنتي مخطوبه مش لان عمر اتجوز معناها انتي ماعندكش مكان بيناتنا
مها وانا فاهمه على عمي شن بيقول : المطلوب عمو
خالد: انا مازلت نبيك لي ولدي عمر مازلت نبيك كنتي
مها ضحكت على جنب ضحكة هزوه ودمعه حاصله في عينها :كيف تطلبني لي ولدك ياعمو وهوا باعني واتجوز غيري لو كان يبيني صح كان ماتجوزش
خالد: يابنتي الضروف كانت ضدنا ومش معانا والزواج صار غصب عن عمر وبسرعه في غمضة عين
مها صبت وهيا غمتلها وتبكي: عمو لوكان يبيني راهو استناني مافيش حد يقدر ينغصب على زواج
خالد عم مها: بس. انا غلطت يوم زوجت ولدي لي وحده غيرك
مها: عمو ترضى تكرر الغلط اللي غلطته انا مش موافقه ولو سمحتو مانبيش الموضوع هذا ينفتح قدامي خلاص انا سكرته وعمر زي خويا
وصبت طلعت من جنبهم وقفت في الصور وشافت عمر كيف ايشوف فيها ويبتسم كان فرحان عشان مها راح تكون من نصيبه
مها مرت من جنبه وهيا تمسح في دموعها ماتبيش اتوريه انها ضعيفه ومسك يدها
عمر هوا طاير من الفرحه: عشان تعرفي بس انا مستحيل انتخلا عنك 😉
مها وخرت يده وعطته ابتسمت هزوه: مازلت زي ما أنت عصبي ومغرور واناني اهم شي هذى انت اناني ياعمر اناني وكل شي تبيه لك بس اليوم حنوقف انانيتك هذي وانا مش حنكون لك خلي هذي في بالك 😒
وجت بتمشي مسكها عمر ولفها له
عمر: كيف يعني انتي رفضتني 😨
مها : ليش شن متوقع نتجوز فضله 😡
عمر يعطيها كف اتجي طايحه على المادة الصور تقعد دم
مها وهيا حاطه ايدها على رأسها وتشوف دم وبعدين شافت عمر وقعدت تبكي
عمر نزل على ركبته وجا جنبها ومسك وجها بايديه لاتنين ويضغظ على الدم
عمر وهو يبكي ماتوقعش روحه ان في يوم يضرب مها : مها حبيبتي انتي كويسه سامحني والله ماقصدي بس انتي استفزيتيني مها خليني نرفعك المستشفى
مها صبت وحاطه ايدها على رأسها مكان الجرح وهو ينزف : خليك بعيد عني بس
وعدت وسيبته واقف مصدوم
عمر:خليها في بالك انتي مش راح اتكوني لي غيري انتي ليا انا وبس فاهمه مستحيل يأخذك حد غيري لو فكرتي تجوزي انا جاهز
مها مصدومه من كلامه عطته نظرة حقد على لانانيه اللي فيه وخشت للحوش
روح عمر للحوش وهوا متعصب وخش لقى ولده راقد خش رقد معه شويه وجته مريم وعيونها منتفخات من البكاء
مريم : خطبتها😢
عمر:.....
مريم :حرام عليك انا ام صغارك كيف تبعيني هكي
عمر: ليش انا امتى عمري شريتك انتي اللي كنتي تجري ورايا انتي اللي كذبتي على اهلي الكذبه سوده ضيعتي سمعتك بس عشان نتجوزك كيف هان عليك اتنزلي كرامتك وطلع وسيبها
مريم : ائ ائ توا قعدت تعاير فيا ليش هكي ياريت ماكذبت أخ وخلاص 😭😭
مها دوشت ولبست توته وحطت لاصقة جرح على الجرح ونزلت مع البنات تعشت وقعدن ايهذرزن
في صبح
روحت خالت مها
ومرن يومين على مها وهيا كئيبة وتعبانه ونفسيه صفر وجا وقت المراجعه
ناضت في صبح دوشت ولبست سروال اسود مع قميس ابيض مخطط بالرصاصي وشاح رصاصي وكويشه اسود رصاصيه وشنطه رصاصيه ونزلت مع باتها عشان يعدوالمستشفى
في المستشفى كان فرحان وماشي جاي وماانق روحه رايح طرف
وصلت مها المستشفى وعدو الدكتور محمد
خشو للغرفه
ناصر بات مها : السلام عليكم
د.محمد وهوا طاير من الفرحه وعيونه قلوب قلوب في مها رايحه سمحه : وعليكم السلام كيف حال مها ان شاءالله احسن
مها : الحمد الله بخير دكتور
محمد: تفضلي ممكن اتجي عشان انديرلك الفحوصات ودارلها فحوصات واتم لاجرءات
د.محمد: الحمدالله انتي احسن من قبل وامورك كلها سليمه وحالتك مستقره
بات مها : الحمدالله شكرا وبارك الله فيك يادكتور وجاء بيطلع ناده دكتور محمد
د.محمد: لو سمحت عمي ناصر ممكن نحكي شوي معاك
مها شافت فيه بعدين طلعت من الغرفه وقعدت تبرم في المستشفى
د.محمد؛ في موضوع نبي ندويه معاك
بات مها ناصر: انشاءالله خير مها الفحوصات كويسه طمني دكتور
د.محمد: .....
يتبع
أنت تقرأ
رواية سنين الحرمان
Mystery / Thrillerبنت حلوة وطيوبه اتحب اهلها هيا مواليد 95 تقري في طب ومخطوبه لي ولد عمها لان جدها غصبها عليه في البدايه لكن بعدين عاشت معه قصة حب دامت 4 سنين? تو تعرفو شن تغير في حياتها ?
