مها : انا معاش نبيك ونبي نكمل حياتي مع زوجي
على جية محمد اللي جاه اتصال من عبدالله وحكاله القصة وجاء عشان ايشوف مها ولقها في المستشفى وعلى طول عدى لي غرفة عمر لما قالولا ان مها قاعدة عنده
عمر :شن تقولي انتي انا عارف انك تزوجتي غصبا عنك يامها وانكي ماتحبيشي اطلعي من لابواب اللي انتي فيها يامها خلينا نردو لي بعضنا ليش تسكري فيها
مها: عمر اللي بينا انتهى خلاص وانت تواا متجوز وعندك عيلة وحياتك وانا عندي راجلي ونبي نشوف حياتي وانا توا نستاذن وان شاءالله لابأس عليك وياريت معاش تطلب اتشوفني لاني انا متجوزة وحتسببلي مشاكل
عمر : مها .😨
مها: بنقولك حاجه ياولد عمي اشقى بعمرك انا مستحيل انكون لكي في يوم من لايام ومهما ايكون وانت شوف حياتك وشوف الناس اللي تحبك وعطيها فرصة قبل ماتخسرهم واللي ضحو على شانك عمر مريم بنت كويسه وتحبك وهيا ادير في المستحيل على شانك وانت عندك قمرين خالد وخليل ربي يحفظهم لكي هما محتاجين لي حنان لاب عمر عوضهم قبل مايفوت الوقت وراجع روحك وافعالك ايكون احسن وطلعت
وعمر نزل راسة ودمعة حاصلة في عينه وتفكر كلام مها وقعد ايراجع في روحه
عند محمد
محمد ؛ اول ماعرفت ان مها قاعدة في الغرفة مع عمر سكاكين في قلبي تي نحبها ونغارعليها كيف تقعد مع خطيبها لأول كنت نبي نفتح عليهم الباب لكن لما سمعت مها مازال تبي تكمل معايا حست روحي هديت من العصبية وعمر يقنع فيها ماقدرتش نخش عليهم في نهاية مها مازال مافي شي بينا صح مرتي لكن هيا طالبة مني الطلاق معقولة تبي ترد لي عمر طلعت من المستشفى وقعمزت في الحديقة
وجت مريم كانت بتخش المستشفى لكن شافت محمد راجل مها عدت شوره
مريم : انت راجل مها
محمد وقف: نعم في حاجة
مريم : انت راجل كيف تسمح لي مرتك اتكون مع راجل غريب وفي دار بروحهم
محمد عصب بكل لكن ماباش ايبين : راجل وغصب عنك هيا مش مع غريب قاعدة مع ولد عمها
مريم تنرفزت : ولو حتى كان هيا يعتبر خطيبها لأول اكيدا مازال في حاجات بينهم
محمد: مش ملاحظه انك اتكلمي على راجلك بصراحه كان انتي مش واثقة في راجلك انا واثق في مرتي وعدى وسيبها
ومريم وجها في لارض😱
ومها سمعت كل شي لانها كانت طالعة من المستشفى وشافتهم وسمعتهم مها طلعت من المستشفى
ومريم كانت خاشة وشافتها مها عطتها نظرة من فوق لي لوطة وسيبتها وقريت من السيارة لقت محمد فيها ومتسند على دومان
ركبت
مها بخوف:محمد
محمد ولع السيارة وطلع طول لي بنغازي من دون ولا كلمة وصلو الحوش وركبو وقعد محمد في الصالة ومها خشت الدار دوشت ولبست توتة وجففت شعرها ولفته فوق ومكيجت خفيف وبخت برفان وطلعت من الدار قعمزت جنبه
مها : محمد كنك شن فيه
محمد:
مها: محمد آسفة اذا كان عديت ومقتلكش بس رنيت عليك انت اللي مرديتش ولقيت عبدالله قدامي وهوا رفعني شن صار توااا ليش امكبر الموضوع
محمد: وانتي توااا ليش تشرحيلي ليش تبرليلي
مها بوجه البريئة: نبي نفهم انت عليش معصب انا كنت نحسابك على المشوار اللي من دون علمك
محمد معاش قدر يمسك اعصابة قرب منها وشرر في عيونه:مها انا تعبت مش ملاحظة انك عديتي عمر عارفة من يعني عمر هذا خطيبك لأول كيف تعديلها وقعد يخبط وكسر المزهريات ويحكي بصوت عالي انا طرطور تمشي انشوفيه انا وين بس ماعنديش اعتبار حتى ولو ماتحبينيش اقل شي احترمي انا راجلك ولف على مها
مها : كنت خايفة منه بكل أول مرة يتكلم معايا بالعصبية هذي وقلبي قعد يخبط بسرعة وخلاص دمعة حاصلة في عيني
مها تبكي: عارفة روحي غلطت بس خلاص ليش العصبية توااا حرام عليك وعدت جوااا الدار قعدت تبكي
محمد وجعته مها وقعمز على صالون لين هدى من عصبيته وعدى الدار وشاف مها على السرير ومازال تبكي كان يبي ايقرب منها لكن تراجع لأنه مازال زعلان منهاا
مر اسبوعين تغيرت معاملة محمد لاسوء كان مايقعدش في الحوش واجد وكل ماتجي مها تكلمه ايعصب على وايفش في غلاه كان يبيها تفهم أنه هوااا محتاجهااا لكن مايحسابش انه بالطريقه هذي ايخوف فيهااا
مها تعبت ونفسيتها 0 هملت روحها والحوش ودمعتها مافرقت عيونهااا كرهت محمد بعد الشعور اللي كونته له مش عارفه هياشن تبي قعدت ماتطلعش من الدار هملت قرايتهاا وكانت تفكر في الطلاق وبس وطلبت من محمد أنه يطلقهاا لكن محمد لا حياة لمن تنادي مايبيش ايطلقها
محمد حس بالغلط امتاعه لكن مش عارف كيف ايصلح
في العشيه
الباب ايدق
محمد: من
سحر: انااا افتح
محمد: اهلين سحر شن جوك
سحر: والله كان هامك راهووو سالت علينا وانت لك فترة مغطس ودفت خوها وخشت لقت الحوش منقلب وحايس وصايرة فيه حالة سحر اتشوف في الحوش واتشوف في محمد
سحر:😱😱
يتبع....
أنت تقرأ
رواية سنين الحرمان
Misteri / Thrillerبنت حلوة وطيوبه اتحب اهلها هيا مواليد 95 تقري في طب ومخطوبه لي ولد عمها لان جدها غصبها عليه في البدايه لكن بعدين عاشت معه قصة حب دامت 4 سنين? تو تعرفو شن تغير في حياتها ?
