محمد: السلام عليكم
الدكتور : وعليكم السلام
محمد:كنت نبي نسألك على المريضه مها
الدكتور : والله انا كنت نحكي مع اهلها وحالتها مازال مش مستقره
محمد: ممكن نعرف حالتها
دكتور:قتلك حالتها من قبل عندها شلل وبكرا عمليتها لو مانجحت العمليه احتمال تخسر رجليها
وكلمت بعض دكاتره عشان ندرسو حالتها وخاصة ان لارتجاج اللي في المخ ممكن ايكون اماثر على الذاكره او البصر بس الشي هذا انشوفه بعض اتنوض بالسلامه ان شاء الله
محمد: دكتور انت قتلي في حاجه بس تبي تتأكد منها
الدكتور : بصراحه لعند توا مش متاكد من الحاجه هاذي لان هيا ممكن في الوقت الحالي اتكون في غيبوبه والشي هذا ممكن اياثر على علاجه انا حتى اهلها ماخبرتهمش لين انتاكد مع دكاتره بكره بس انت اصريت تفهم وانا دويتلك
محمد ودنيا مغبشه قدامه : ماشي دكتور صحيت وبارك الله فيك ممكن نطلب منك حاجه
الدكتور : تفضل
محمد:.......... تو تعرفو بعدين😉
محمد طلع من عند دكتور وهو خلاص حاير مر على غرفة مها وعلى طول طلع من المستشفى في الليل وعدى ركب في سياره وعدى لي بنغازي عشان دفينه امه وطول طريق وهوا يبكي بالعبره على امه والبنت اللي ممكن تلحقها
امجد : ها باتي توا كويس
ناصر:لا الحمدالله كويس مها شفتها
امجد: ماخلوناش انشوفوها قاعده في العنايه بكرا في عندها عمليه هكي قال دكتور
ناصر :باهي شنو حالتها مستقره
امجد طبس راسه : والله مش باين ياباتي
ناصر:امجد شيلني اللي دكتور خليني نستفسر
عدى بات مها وسال دكتور وقاله على حالة مها وهما طالعين من عند دكتور
اريج تبكي:عمي كيف حالها مها😭😭
ناصر:والله يابنتي حالتها مش كويسه وقاعده في العنايه وربك يستر ادعيلها بس
اريج : اه ياصاحبتي يارب اشفيها عمي نبي انشوفها 😢
امجد كان سرحان فيها طبعا امجد اشقر وعيونه سود واحلى حاجه فيه لحيه وخاصة بعد تقعد سوده داكنه وطويل
امجد :قاعده في العنايه في قسم لوطه
اريج:بابا تو انجي انشوف مها 😳
وعدت اريج وشافت مها من بعيد ماخلوهاش اتخش وقعدت تبكي لين خلاص حست كان حد ايشوف فيها شافته هواامجد
امجد بعد عدت أريج شويه ولحقهاوكان ايشوف فيها كيف تبكي وجعته هو محتاج لي حد يبكي معه في اللي صار اللي اخته وبعد فطن لما اريج شافته تحمحم وجاء لعندها
اريج كانت معجبه باامجد لانه طرف بس اعجاب يعني هيا كل ماتشوف طرف تنسى لآخر بس امجد تحسه اعجاب حلو خاصة ان مها ديما اتقولالها بنخذك لي امجد خويا ولما يتعاركن اتقولالها انا حماتك تو انوريك
امجد: تفضلي مياه😶
اريج:خذتها شكرا ولاباس على سلامة اختك ان شاءالله تنوض بالسلامه وعدت وهيا العبره خنقتها
روحت اريج من المستشفى
رن تليفون امجد
امجد:الووو وجدان شن فيه
وجدان :امي تبكي وعرفت اللي صار اللي مها بالله عليك تعال وبيسان حتى هيا جت الخبر انتشار والناس تو يقعدو خاشين طالعين
امجد :تو جاي
عدى امجد خذاه باته وكلم عمر عشان ايروح لان ممنوع حد يقعد معها لكن عمر رفض وقعد في الحديقه المستشفى
وصل امجد الحوش هو وبااته ويلقو حوشهم مليان العيله كلها وبعض الجيران ويسمعو في عياط إم مها خش امجد صبت امه هيا وبناتها وجدان وبيسان ويبن ايعدن المستشفى ايشوفن مها
امجد:يامي والله خلاص ممنوع زياره ساعه 12 توا كيف بنشيلك بكرا ان شاءالله اتشو فيها
ام مها : نبي نعد ي نبي انشوفه تربح ولدي شيلني
امجد: لا حول الله وخلاص وعدى وركب لي داره
وقعدت امه تبكي وخشم البنات معه
في المستشفى
عمر كان وجه أصفر وعيونه حمر وحاله متبهدله مش العنايه بدون ماحد ايشوفه وقعز بحد مها ومسك ايديها ودموع تنزل منه
عمر: ردي بالك اتسيبيني انا حياتي بلاك ولا شي انتي عمري نوضي مها انتي عارفه خلاص الفرح قريب ليش درتي هكي مهاحرام عليك نوضي مها تسمعي فيا انحبك انموت فيك والله امرايف عليك وعلى صوتك كيف بنتحمل انا هكي
وخشا الدكتور: انت من سمحلك اتخش هنا
عمر:تي كيف من سمحلي هدي خطيبتي وبنت عمي😠
الدكتور:لو سمحت اطلع 😤
عمر: حب على رأس مها وطلع
ومحمد وصل لعند بنغازي ساعه 3 ودرس سياره وقعد يبكي لعند جا صبح
طلع عبدالله لقه خوه قاعد في سياره
عبدالله :...
يتبع 😚
أنت تقرأ
رواية سنين الحرمان
Mystery / Thrillerبنت حلوة وطيوبه اتحب اهلها هيا مواليد 95 تقري في طب ومخطوبه لي ولد عمها لان جدها غصبها عليه في البدايه لكن بعدين عاشت معه قصة حب دامت 4 سنين? تو تعرفو شن تغير في حياتها ?
