مها شافت باتها طايح على لأرض جنبه امها وأختها وجدان
مها ودموع ينزلن ؛ كنكن شن فيه كنه باتي
وطحت جنب باتها : باتي كنك باتي رد عليا
وجدان وهيا تبكي : ماكان فيه شي توا كان يهذرز وبعدين صبا شوي طاح علينا اريج زيدي رني على امجد
رنت اريج على امجد وجاء بسرعه وشالو باتهم المستشفى وعدت معهم مها
وصلو المستشفى وخششو باتهم للعنايه
مها وامجد قعدو يستنو برا
محمد ويوسف كانو يمشو في الممر ومحمد شاف مها تبكي
محمد قرب منها : مها خير شن صاير ان شاءالله خير
مها: باتي دكتور باتي طاح علينا بالله تشوفه خايفين عليه
محمد : خلاص تمام ان شاء لله تو انشوفه
وعدى خش الغرفه وفحص مع دكتور لآخر وبعد ساعتين طلع دكتور محمد
د.محمد: حالته توا مستقره
امجد: باهي من شنو ليش طاح علينا
د.محمد : ارتفع عليه سكر
مها: بس باتي ماعنداش سكر
محمد: معنها توا جديد يعني تقدري تقولي باتك جاه السكر
مها : بس السكر مايجي الا من فجعه ولا حاجه ايفكر فيها
محمد: حصل فجعه اليوم
مها : لاا مافيه شي وكان ايهذرز معانا
محمد: ممكن ايفكر في حاجه شغلته
مها قعدت تفكر: ممكن وطلعت تليفونها وخبرت امها وطمنتها
امجد طلع تليفونه ورن على عمه خالد
امجد: اللو عمي
خالد : اهلين امجد كيف حالك
امجد : عمي والله توا طاح علينا باتي وقاعدين في المستشفى
خالد : بسم لله كانه شن صارله
امجد: احتمال ايكون عنده السكر
خالد: شنووو باهي انت في اي مستشفى
امجد:^#@@^*&$
سكر امجد من عمه
خالد على طول لبس وعدى لي حوش ولده عمر دق الباب
مريم بسم الله من يدق توا : من
خالد : انا عمك عمر قاعد
مريم : لالا مازال ماجاء
خالد : باهي بعد ايجي قوليلها ايكلمني نبيه
مريم : ان شاءالله عمي
وعدى خالد المستشفى
وشويه وجاء عمر الحوش وقعد ايدق على الباب بالقوه
مريم ياسبحان الله بيش يفهم عمي هذا قتله عمر مش قاعد وجت جنب الباب
مريم حلت ولقت عمر سكران
مريم :عمر انت سكران 😨😵
عمر: حولي من قدامى خير مانضربك توا
مريم : شن اللي خلاك اترد للسم هذا وتشربه مش سيبته
عمر ضرب مريم كف لين طاحت على الوطا
مريم : تضربني ياعمر انا ليش
عمر: انتي السبب انتي الي دمرتيلي حياتي انتي اللي كذبتي هذاك اليوم وقلتي انا اعتديت عليك لما كنت سكران استغليتي الفرصه وعديتي لي امي ورميتي روحك عليا عشان نتجوزك انا كنت مستعد نستنى مها العمر كله لكن انتي خربتيلي حياتي
مريم : عمر انا نحبك والله كل شي درته بس عشان انا نحبك
عمر : انتي اكثر انسانه نكرها في الحياة
مريم : ليش سكرت مش على اساس سيبته ليش تشرب في سم من جديد فهمني
عمر :من الهم اللي عايش فيه نشرب
وطلع عمر من جنبها وخش رقد جنب ولده
في المستشفى
كان خالد وامجد ومها قدام العنايه
امجد : توا نجي نجيب قهوه
عدى امجد وشويه عدى خالد جاه تليفون قعدت مها قدام العنايه محمد جاء شاف مها قرب منها
د.محمد:ماتخافيش الوالد بخير وكنت اندير في إجراءات الخروج ان شاءالله اليوم يطلع
مها: ان شاءالله 😒
محمد: مها ممكن نحكي معاك شويه
مها من فوق نفسها: مافيش شي عشان نحكو فيه
محمد : نبي نحكي معاك ضروري لو سمحتي ممكن رقم تليفونك
مها : لالا بعد هكي قلة أدب معاش فيه
وجايه بتمشي يسمك يدها محمد
محمد: رجاء والله الموضوع ضروري نبي نوضحلك السوء التفاهم اللي صاير و لو سمحتي عطيني فرصه
مها وخرت ايدها وبعدت من عليه
مها: خليك بعيد بس
وعدت مها من جنبها
بعد مرور ساعه
طلع بات مها من المستشفى وكلهم التمو عليه ودارو عشاء
في ليل
مها في غرفتها وتفكر ومعها اريج
مها ' انا متأكده باتي ايفكر في موضوعي يبي ايجوزني
اريج : تبي صراحه بكل الموضوع الوحيد اللي ايفكر فيه انتي مها عمو يبي يتهنى عليك هوا خايف عليك من عمر
مها : شنو خايف عليا من عمر خلاص عمر نسيتنو ومستحيل انخليه ايجي في طريقي
اريج : بس عمر مانساك يامها عمر مازال ايحبك
مها : تي إي حب هذا تحكي عليه نوض من غيبوبه نلقه متزوج
اريج : مها انتي سمعتيه عطيه فرصه
مها والعداد وصل لي180: خلاص انا قررت
اريج نطت من على سرير : بسم الله شنو قررتي
مها وهيا اطلع في اريج برا من دار : في صبح تو تعرفي
خشت مها توضت وصلت استخاره وقعدت ليل كله تبكي لعند صبح ناضت ووتت روحها الجامعه ونزلت
مها : صباح الخير ماما
امها: صباح النور
مها: ماما في عريس جاني صح
ام مها: عليش كنك شن فيه
مها : مازال قاعد ولا خلاص رفضتوه
ام مها: مازال قاعد
مها: خلاص انا موافقه
حنان والفرحه في عيونه ؛ صح الحمدالله يارب الف مبروك يابنتي وقعدت تحب على بنتها
وزغرتت
وجدان نزلت من دروج
وجدان عيونها منتفخات من النوم وشعرها مشفشفه : كنكم شن فيه عليش زغاريت من صبح 😴
حنان: مها وافقت
مها وجها اصفر مرهقه وعيونها منتفخه : خلاص ماما بنمشي الجامعه تو انهذرزو بعدين
وعدت مها الجامعه
حنان خبرت ناصر وامجد
ناصر رن على محمد
ناصر : اهلين محمد شن لأمور
محمد: تمام الحمدالله شن اخبارك عمي
ناصر: الحمدالله بخير
محمد : خير ان شاءالله تبي حاجه عمي تفضل
ناصر: بنقولك بيش اتفضل انت واهلك البنت موافقه
محمد:..........😱😱😱😨
أنت تقرأ
رواية سنين الحرمان
Misterio / Suspensoبنت حلوة وطيوبه اتحب اهلها هيا مواليد 95 تقري في طب ومخطوبه لي ولد عمها لان جدها غصبها عليه في البدايه لكن بعدين عاشت معه قصة حب دامت 4 سنين? تو تعرفو شن تغير في حياتها ?
