عمر: عليش تبكي في حاجه😕
مريم مسحت دموعهاا :لا مانبيكش وصبت مسكهاا عمر من ايدها مريم انصدمت اتشوف فيه زين
عمر بعصبية: بعد ندوي معاك ماتعطينيش بظهرك 😠
مريم : شن تبي تدوي وبعدين تبي تضربني تفضل اصلا انا متحملة عشان عويلك لكن.. وحط أيده على فمها
عمر: مريم انتي لو تبي تسيبيني راهوو ماذليتيش روحك من البداية ورميت روحك عليا وعارفتيني خاطب ماتقوليش توا عشان خالد وخليل
مريم قعدت تبكي وقرب منها عمر ومسح دموعها
عمر: حتى انا حنتعامل معاك كويس مش على شانك عشان العويل بس وقررت انسيب السم اللي انا فيه في العشيه جهزي روحك انتي والعويل وتو انعدو ندهورو
مريم طارت من الفرحه : تمام حبيبي☺
عند مها
ناضت من النوم دوشت وجهزت روحها وتت العصريه ونوضت محمد وتعصروو وعدو لي حوش اهلة
مها: اهلين سوسو شن جو
سحر : اهلين ياحبي تي وين تاخير هذاا كله😉
مها شافت في محمد: مش مني من خوك راهو وخشت جواا تضحك
محمد: هذي شن قالت توااا
سحر : خف عليهاا ياخويا كنك😂
محمد: راك ضربتيها دلالة واجد وين عبدالله
سحر: طلع وقال مش مطول عنده مشوار ☺
محمد: باهي خلاص خشي جواا
سحر : تمام
وخشت
مها سلمت على خوات محمد وكانت نور بنت خالته معاهم قعمزت مها
سعاد: باهي الي شفتك وينك مختفيه ولا كان ماعندكش عزوز حمواتك في الساس وتاخذي خونا بعيد
نور: هذا وين عارفتيها من يوم جبتوها وانا قتلك مافيهاش خير
مها: سعاد انا كنت تعبانه وتقدري تسألي سحر وشافت في نور ورافعه حاجبها : وبعدين حبيبتي حمادي اللي جابني وهوا اللي يقرر إذا كان فيا خير ولالا
خشت سحر و حست الجو متكهرب
سحر : يلا مهاوي تعالي معايا الدار خليني نجهز روحي ونعدوو
مها صبت؛: هيا نستاذن وعدت للغرفة مع سحر
محمد كان يبربش في تليفون قدام الحوش وجاء خو عبدالله
عبدالله : اهلا ياطيري تي وين معاش نحقو فيك😉
محمد: خلاص تزوجت وقعدت لاهي في روحي 😍
عبدالله : قصدك زواج كويس يعني ماشي تمام معاك😉
محمد: يشهد بالله إني تعبت في لأول لكن توااا لأمور ماشيه ميه ميه العقبة عندك 😉
عبدالله: لالا انا مانفكرش نتزوج بكل😌
محمد: وعليش تبي تقعد عزابي طول عمرك ماتبيش ادور على بنت الحلال وتكمل حياتك معاها
عبدالله : بصراحه مش امفكر في الموضوع هذااا نهائيا نبي نقعد سنقل😎
محمد: اسمع مني ياخويا راهو سحر مازال شهر وتعدي لي حوش راجلها وانت منو بيك اتزوج ودير عويلة وكون روحك شنو من بيعانيك كما نص دينك
عبدالله حك راسه: ان شاءالله خير تو انفكر في الموضوع
خش محمد جواا ونور شافت محمد طلعت من الباب ومن دون حجاب
نور : اهلين حمادي شن جوك 😍
محمد امطبس راسه لوطه : اهلين نور معليش كلمي مها وسحر قوليلهن نستنى فيكن برااا
نور: امباه😬
وعدت نور كلمتهن نزلت سحر ومها وركبن في سيارة ولحقت عليهم نور وسعاد
سعاد : استنى حمادي بنعدو معاك انا ونور
محمد : اوكي اركبو
مها تعقدت من نور لانها حست بيها تشوف في محمد وقريب تأكله بعيونها غارت عليه
وصلووو المحلات وقعدوو يدهورو ونور مافرقتش محمد وهيا تلزق فيه ومحمد يبعد من عليهاا مها قربت منهم
مها بصوت غيرة: حمادي
محمد يغيض في نور وبصوت عالي : ياعيون حمادي انتي😍
مها: عادي تستنى برااا 😒
محمد: ناعليا من اللي غار انا وخلاص😉
مها : امباه عدي توا وبعد انكملو تو انرن عليك تمام
محمد: تمام ياقلبي❤
وطلع محمد ومها لفت ولقت نور قريب تأكلها بعيونها مها طنشت عليها وعدت تختار مع سحر وبعدين في فستان دمي عجبها خذاته وكملو تدهوريهم وروح بيهم محمد وهيا روحت الحوش
خشت مها ادوشت ولبست الفستان الدمي مع شوية مكياج وبخت برفان وجت قعمزت جنب محمد
محمد عيونه قلوب 😍: ناعليا منك وخلاص
مها: انحبك 😘
محمد: انموت في حبك ياقلبي 😍
مها: كان نلقى نحطك في برج عالي ومانخلي حد ايطقك 😂
محمد: لهدرجه الغيرة هياا😉
مها تذكرت نور: صح الفرخه هذي شن تبي منك من امبدري حاطه عيني عليها اتشوف فيك وخلاص وطنش عليا اتقول قتلتها حد
محمد ارتبك : ههههه مافيش شي ياحبي راهي هيا ارملة وعندها عويلة من جدك انتي
مها: مش عارف المهم خليك بعيد عليها مش متريحتلها
محمد زعما انقولها ولالا
مها تشوف في محمد كيف سرح: حبي وين عديت انت معايا صح❤
محمد : اه اها معاك ياعمري هيا مانبيش تخشي للدار😉
مها: هههههههه انلا☺
محمد وقف: امباه وجاء شالها
مها: بطل ونزلني 😂😂
محمد : انلا وخش بيها للدار ووووو
يتبع........😍
أنت تقرأ
رواية سنين الحرمان
Mystery / Thrillerبنت حلوة وطيوبه اتحب اهلها هيا مواليد 95 تقري في طب ومخطوبه لي ولد عمها لان جدها غصبها عليه في البدايه لكن بعدين عاشت معه قصة حب دامت 4 سنين? تو تعرفو شن تغير في حياتها ?
