د.محمد : لالا الموضوع مايتعلقش بصحة مها هيا كويسه وامورها تمام
ناصر: الحمدالله باهي دكتور شن الموضوع
محمد.:........ تو تعرفو بعدين (( توقعاتكم شن قال ))
طلع بات ناصر وهوا فرحان كان يتمنى في شي هذا من زمان وقعد ايدور على مها
مها كانت في قسم الجراحه وتشوف في غرفة العمليات وكانت اتشوف في لادوات
مها: أخ لولا سنين اللي ضاعت راهو توا دكتوره أخ بس الحمدالله على كل حال
وطلعت مها وعدت مكتب د.محمد على اساس باتها هنا وجايه بتفتح الباب
د.محمد: مش عارف كيف نقولالها يايوسف
د يوسف : ريح روحك ياراجل وانت قريب تنكلب الله غالب قضاء وقدر الحكايه
د.محمد: بس الحكايه انا ضيعت حياة مها وضيعت من عمرها 4سنين مش قادر نعترفلها انا اللي درتلها الحادث وحتى خطيبها اتجوز عليها انا نبي نريح ضميري ياترا توا ترضى بالطلب اللي طلبته من باتها
مها مجرد ماسمعت اسمي انشليت معاش قدرت نوقف وطحت على ركابي مش قادره انصدق معقوله دكتور هوا نفسه اللي درارلي الحادث راسي قعد يبرم وطحت
د.محمد : سمعت حاجه وعدى يجري فتح الباب ويلقى مها طايحه وبسرعه رفعها للغرفه وركبلها تغذيه
د.يوسف : معقوله سمعت اللي حكينا 😨
د.محمد : ياريت ايكون احسن لو سمعت بالموضوع
شويه وناضت مها
د.محمد: انتي بخير
شافته مها : اطلع برا مانبيش انشوفك وين باتي
د.محمد: يعني سمعتي الموضوع
مها : خليك بعيد عليا مانبيش نسمع صوتك
د.محمد:بس....
مها ناضت فكت تغذيه وطلعت من الغرفه ويلحق فيها د.محمد وهيا ماتبيش اتكلمه
مها: بابا هيا نطلعو انا كويسه
ناصر : كنك شن صارلك ليش دختي
مها: ممكن هبوط بس ماتخافش عليا
وطلعو مها وباتها من المستشفى وركبو في السياره وعدو الجامعه خشت مها الجامعه وقعدت تشوف فيها امرايفه عليها بكل
عند المدير
المدير: اهلا وسهلا مها كيف حالك عاش من شافك
مها: اهلين بيك الحمدالله بخير تسلم
مدير: الحمدالله على السلامه واخيرا نضتي بالسلامه
مها: شكرا استاذ الله يسلمك
مدير: جامعه رايفت عليك وحتى أصحابها
مها: وانا رجعتلها
مدير: يعني بتكملي
مها: ان شاءالله نبي نجدد قيدي ونقرى سمستر هذا
مدير : لاحسن تاجليها السميتر الجاي لان توا لامتحانات الجزئيه بعد أسبوعين وانتي مش حتلحقي
مها : لا عادي اصلا انا ماعندي ماندير انت عارف انا السنه الربعه قريت سمستر مازال قدامي سمستر نبي نكمل سمستر توا بيش نخش مع السنه الخامسه
مدير : اوكي خلاص توا نجددلك قيدك وتقدري ادومي من توا وتحضري
مها: لالا استاذ اليوم إنضم اموري وان شاءالله اندوم من بكره
المدير: تم اللي ريحك
مها: شكرا استاذ
وطلعت مها وعدت مكتب تصوير وخذت بعض مذكرات ورنت على باتها وروحت الحوش
تغذت وركبت لي دارها ادوشت ورقدت ساعه 6 طلعت مذكراتها وقعدت تحضر فيهن وشويه ايرن تليفونها رقم وهيا عارفته واول ماشافته دمعت بس مسكت روحها
مها وهيا انشوف في شاشة تليفون : ليش اترن شن ناسي عندي وقعدت تبكي وسكرت تليفونها بعدين خطر عليها موضوع د.محمد
مها : حتى دكتور اللي قلت عليه كويس طلع هوا اللي ضاربني هه اه يادنيا ربي يصبرني انا وخلاص
ثاني يوم عدت مها للجامعه ومرن أسبوعين
مها كانت مستعده لامتحانات وكانت أقوى من قبل وفي رأسها انها تكمل قريتها وبس
محمد ديما ايفكر في مها وكيف ايخليها اتسامحه وكل يوم يلحق فيها للجامعه عشان يملي عويناته
عمر متشرد وحالته حاله من التفكير في مها وديما مشاكل مع مرته مريم
اريج وامجد قعدين ايوتو في حاجات البيبي
صباحا
ناضت مها ادوشت وصلت صبح وجففت شعرها ومكيجت خفيف ولبست سروال امريكي أزرق مع جاكه كحليه ومن جوا سوريه بيضاء وشاح كحلي وكندره كحليه وخذت شنطتها ومذكراتها ونزلت
كلهم ملتمين على سفرة الفطور
مها: صباح الخير
كلهم : صباح النور
مها حست انه في موضوع لان لما نزلت كلهم كانو يحكو ولما خشت عليهم سكتو
مها: في حاجه😊
بات مها ناصر: مها انتي امتى تكملي امتحاناتك
مها: ههههه بابا انا توا كيف بديت امتحاناتي ادعيلي بالنجاح عليش تساءل
ناصر: لا بس في موضوع نبيك فيه خلاص خليه بعد امتحاناتك
مها: بابا انا مستعجله وقت لامتحان امجد هيا توصلني وبعد انروح تحكيلي الموضوع مانقدرش نصبر لعند بعد لامتحانات انا طالعه نستنى فيك برا يامجد وخذت حبة زيتونه وطلعت
مها وهيا طالعه شافت سيارة عمر قلبها وجعها هيا لعند توا مازال تكابر على اساس اطلع عمر من رأسها وتلهي في روحها في القرايا وكل ماتبي تنسى واتقول خلاص نسيت ايرد يطلعلها عمر من كل مكان لان هوا مش ناوي ايخليها
مها قربت من سياره وحلت الباب وحطت شنطتها وجايه بتركب عمر يمسك ايدها
مها:..........😱😨😨
يتبع
أنت تقرأ
رواية سنين الحرمان
Tajemnica / Thrillerبنت حلوة وطيوبه اتحب اهلها هيا مواليد 95 تقري في طب ومخطوبه لي ولد عمها لان جدها غصبها عليه في البدايه لكن بعدين عاشت معه قصة حب دامت 4 سنين? تو تعرفو شن تغير في حياتها ?
