مها مصدومه آخر حاجه ممكن تسمعها عمر يشرب: انتي شن تقولي عمر مستحيل
اريج : عارفه مفروض ماندويش معاك في الموضوع هذا بس انا خايفه من عمر ومش متريحتله عشان هكي قلت انوقضك بيش تفطني لي روحك عرفتي ليش عمي ناصر يبي ايجوزك عشان خايف عليك من عمر مها عمر متغير مش عمر اللي تعرفيه صدقيني ردي بالك من روحك والراجل اللي جييك لازام ترضي بلامر الواقع خاصة أنه راجل محترم ومش حتلاقي زيه
مها ترعش وتوترت وخشت في حالة هستريه من البكاء واريج تعبت وهيا تسكت فيها لين رقدت اريج غطتها وخلتها تتريح
امجد ركب شقته
امجد : حبيبتي وينك 😍
اريج جايه تفنص من بعيد وديرله بحركات هوا مش فاهم : تي اسكت كنك
امجد: شنو عديمة لاحساس هذي نبش فيك وانتي مش معبره 😡
اريج جت تجري حضنت امجد ومسكت ايده وخشت بيه المطبخ
امجد طاير من الفرحه : ليش ماعدينا الدار النوم
اريج ضرباته على صدره : كنك رايح سخيف
ا امجد حط ايده على خصرها وايده ثانيه يمشي فيها على شعرها :والله انتي مرتي
اريج سخنت : امجد اختك راقده عندنا بطل
امجد : وعليش صاير معها حاجه
اريج : لالا غير تعبانه ومرهقه عارف امتحاناتها قربن عشان هكي هذرزت ومش فاطنه لي روحها لما رقدت
امجد حب اريج على 💏: باهي نحن كيف ايصير فينا وغمز عينه😉
اريج : مش قتلك رايح سخيف اصلا يا حبيبي انا مازال ماربعنت وخر قصي يبكي
امجد مسك ايدها : مازال كم يوم وتربعني
اريج : مازال 20 يوم 😌😌
امجد رقيتله : واجد لكن والله انوريك اصبري عليا بس 😎
اريج خافت منه وعدت هربت اتشوف في قصي ألحقها امجد وكسدو هما لاثنين على قصي
مها حالتها تعبت واجد وخاصه بعد الموضوع اللي عرفاته عن عمر وقعدت واخده الحظر منه في اي لحظه ممكن يتعرضلها وأهلها كانو لهين في الفرح لأنه تحدد بعد امتحانتها باسبوع وجن خوات محمد ولبسنها الدبله وكانت مها عاديه جدا
بدت مها امتحانتها وكانت خايفه ومتوتر
مر اسبوع على امتحانات مها
مازال عندها امتحانين وتكمل
في جامعه مها طالعه من لامتحان وكانت فرحانه لأنها خلاص مازال امتحان وتكمل
احمد شاف مها و كلمها
احمد: السلام عليكم
مها شافته : وعليكم السلام
احمد عيونه قلوب قلوب 😍: شن جو لامتحان يامها
مها : الحمدالله بخير وانت شن جوك امعاه ان شاءالله حليت
احمد: الحمدالله حليت
مها : باهي كويس نستاذن توا تبي حاجه
احمد ارتبك : مها بصراحه في موضوع نبي انكلمك فيه لو كنتي فاضيه لو مشغوله عادي مرة أخرى
مها استغربت شن الموضوع اللي يبي ايكلمها فيه : تفضل أحمد ماعندي شي نستنى في الحافله بس
احمد: مها انا معجب واجد بشخصيتك بصراحه كنت معجب لان لاعجاب امتاعي تحول لي حب مها انا انحبك❤
مها قريب اغمى عليها كانت الكلمه صعبه عليها إنها تسمعها من شخص غير عمر : أحمد لو سمحت
احمد قرب منها : والله يامها نحبك وانا نبيك بالحلال وكلمت حتى اهلي عليك وقلت انكلمك في الموضوع عشان انحدودو موعد ونجيب اهلي
مها : أحمد انا اسفه انا مخطوبه عارفه صعبه الكلمه هذي عليك بس كل شئ نصيب وانت مش من نصيبي
احمد استك في الكلام كان عنده امل كبير أنه مها تكون ملكه زاد قرب منه ومسك ايدها
مها تحول في ايدها كان مسكها بالقوه : أحمد وخر شن ادير مجنون انت😡
احمد :مها افصخي ااخطبه وانا مستعد انعوضك عن كل شي صدقيني انتي بس عطيني فرصه
مها تبكي : أحمد اطلقني جنيت انت اتصدق ماتوقعتش واحد زيك ايدير هكي فيا
أنت تقرأ
رواية سنين الحرمان
Misterio / Suspensoبنت حلوة وطيوبه اتحب اهلها هيا مواليد 95 تقري في طب ومخطوبه لي ولد عمها لان جدها غصبها عليه في البدايه لكن بعدين عاشت معه قصة حب دامت 4 سنين? تو تعرفو شن تغير في حياتها ?
