رواية سنين الحرمان

الحلقه السابعه

الدكتور يوسف:اهلين دكتور  محمد
محمد :اهلين دكتور وكم قتلك الكلمه هذي معاش اتقولها ليا 😡
الدكتور  يوسف:  بس هيا من حقك انتي قاري 7سنين طب واشتغلت 3سنين بس شن خلاك اتسيب  شغلك ليش وقفت عشان موضع  هوا في ايد  ربك
محمد: معليش دكتور الموضوع هذا مش وقته في حاجه متصل بيا
الدكتور يوسف:اهاعمر  خطيب المريضه كان عندي وسال من دفع الفاتوره
محمد:وشن قتله ان شاءالله غير ماقتلاش انا
الدكتور يوسف : ولو دكتور معقوله دبرتها كيف كل مره
محمد : قتلك الكلمه هذي معاش اتقولها😠😠
الدكتور يوسف:دكتور دكتور دكتور  تي  في حد يكرها الكلمه انت مجنون والله
محمد سكر عليه وصل للمرج وعدى لي المستشفى سلم عليهم وروح ناصر عشان ايوتي شنطته وعدى ودع اهله
وقت السفر
خلاص ركبو مها للطياره وركب محمد وجاء ناصر بيركب ايحق عمر جاي ايكركر  في شنطته 😥
ناصر:وين على خير
عمر ايشوف فيه ومصدوم من عمه كيف ايقوله وين على خير معقوله متوقع اني مانعديش مع حب حياتي 😨😨
عمر:عمي ماشي معاكم كيف قبل مش عابي بيا
ناصر : لالا مافيش مشي انت اقعد خليك هنا توا نمشي  معاها خلاص روح
عمر: من جدك ياعمي تي وين روح كيف انا نقعد في مكان ومها في مكان 😵
قعدو اينادو على الركاب خلاص بتمشي طياره
ناصر سمع نداء وقعد يشوف في عمر اللي قريب يبكي هوا حاس بيه لكن يكفي ان المصاريف بتكون على محمد  مايبيش ايزيد عمر في الحسبه ويكلفه زياده وهوا عارف  ان عمر ماعنده شي
ناصر: خلاص انا ماشي رد بالك من الحوشي واهلي مع السلامه تو نقعدو على تواصل  وعدى ركب في طياره وسافرولي ألمانيا
عمر لين طارت طياره وهوا قاعد مصدوم مش قادر يتحرك روح الحوش وهوا قريب يطربق وغمتله وخش وسكر داره وقعد يبكي وطلع تليفون مها وقعد يتفرج على صورها وخنقتها  العبره
عمر: تي ننحرم منها هكي تي كيف  بس انا هكي مش متحمل اقل شي لما كانت هنا انعدي انشوف فيها المهم نملى في عيوني منها لكن توا مش معاي هيا بعيده كيف ايصير فيا💔 انا ضروري اندبر فلوس  عشان نلحقها لازم😳
وصلت طياره لي ألمانيا ونزلو منها وعدو للمستشفى وتقابل محمد مع دكتور واستلم حالة مها ودخلها العنايه  فحصها بااكامل ودار بعض تحاليل وقررايديرلها عمليه بعد أسبوعين دار العمليه على spinal cord ونجحت  يعني تقدر تمشي
لكن لاسف الغيبوبه مازالت مرن 3  شهور على حالة مها وهيا في المستشفى  ألمانيا  بدون استجابه للعلاج وحالتها مستقره بس خايفين من لارتجاج اللي في المخ
هل ممكن ايسبب شي لها مثلا فقدان في الذاكره  او البصر ؟؟؟ تو تعرفو  بعدين
وغيبوبه هذي مش بأيد  حد  لا دكتور لا غيرها 
روحت من ألمانيا لان مافيش تحسن وردوها لي نفس المستشفى 
وجوها اهلها  وقعد يتباكو وعمر جا لكن عنده كيف البرود يمكن تعود يقعد  من دونها حتى هوا تو تعرفو بعدين😊
الوحيد اللي كان معها خطوه بخطوه هو دكتور محمد  كان بين مها واهلها استقر في المرج لين تتعافى مها على قولتها بس في شي ثاني ايخلي فيه يقعد هنا
شنو هوووو؟؟
رجع محمد لي شغله بعد ماسيبها سنتين وقعد يشتغل في مستشفى  مها ويتابع في حالتها همل كل شي على خاطر مها 
والسبب اللي خلا محمد ايسيب العمل المستشفى هوا اللي فقدنه بنت في نفس عمر مها توفت في عمليه كان ايديرلها فيها لان جسمها ضعيف

عمر تغير واجد بعد ماكانش  جنب مها خش  على وجيج مش شوره  بس على ايحصل  فلوس ويوم اللي حصلنهن صار مع شئ ماخلاشي ايسافر لها  مها روحت وجا المستشفى ماقدرش ايشوفها بعد راجع روحه لقى روحه خاش في متاهات لو تعلمهن مها شن ايصير

بعد مرور أربع سنين ..........

توقعاتكم شن يتغير توا في حياة  مها
😘😘😘😘😘