Unpretty Romance[ ChanBaek ]

3

"" Byun Baekhyun ... ဝင်လို့ရပါပြီ ""

"" Nae ....""

ဝင်ခွင့်ရပြီ အသံကြားတာနဲ့ အတူပါလာတဲ့ အဝတ်ထုတ်
နဲ့အတူ အစောင့်တစ်ယောက်ဖွင့်ပေးတဲ့ အခန်းဆီမှာ
ဝင်ထိုင်စောင့်နေရသည်။

သီးသန့်တွေ့ဆုံခန်းလိုမျိုး အလုံပိတ် ဧည့်တွေ့ခန်း
ထဲတွင် Baekhyun ရယ် တံခါးနားက ထိုင်စောင့်နေတဲ့
အစောင့်တစ်ယောက်ရယ်သာ ရှိနေကြပြီး
JunMyeon အလာကို စောင့်နေကြသည်။

အကို Jun ထောင်ကျနေတာ ၃ နှစ်မက ရှိနေပေမဲ့
ထောင်ဝင်စာနေ့တိုင်း လာတွေ့သော်လည်း အတွေ့မခံ။
နောက်ပို်င်းမှသာ ခဏလောက် ဖြစ်ဖြစ် မျက်နှာ
ထွက်ကြည့်ရင်း စကားတစ်ခွန်းနှစ်ခွန်းသာ ပြောတက်သည်။

ဝါကျင်ကျင် ထောင်ဝတ်စုံရယ် တစ်ပုံစံတည်း ညှပ်ထား
ရတဲ့ ထောင်သားကေ ခပ်တိုတိုနဲ့ ညင်းသိုးသိုးပုံ
ပေါက်နေသော အကို Jun က လွန်ခဲ့တဲ့ နှစ်တွေက
လူရည်ချွန် ရှေ့နေလေး JunMyeon နဲ့ အကွာကြီးကွာနေသည် ။

"" အပင်ပန်းခံပြီး လာမတွေ့ပါတော့နဲ့လို့ ပြောထားတယ်လေ ""

"" လွမ်းတာကို Hyung ရဲ့ .... ""

တကယ်လည်း လွမ်းရသည်။ ဆွေမျိုးနီးစပ်သူဆိုလို
ဝမ်းကွဲအကို Jun နဲ့ အမေသာ ရှိသော ဘဝမှာ
အကိုဆိုသည်မှာ အဖေတစ်ယောက်လို အမြဲအားကိုး
လာရသည်မို့ ။

"" အထုတ်တွေနဲ့ ဘယ်သွားမို့လဲ ... ""

Baekhyun ပေါင်ပေါ်တင်ထားတဲ့ အဝတ်အိတ်
လေးကြောင့် မေးမိသည် ။

"" အလုပ်သွားလုပ်မိို့ .... အကို့အတွက်လည်း ပေးစရာရှိတာလာပေးရင်း နဲ့လာခဲ့တာ ""

Baekhyun ပြန်ဖြေရင်း ပေါင်ပေါ်က အဝတ်ထုပ်
လေးကို ချကာ ကျော၌ လွယ်ထားသည့် ကျောပိုးအိတ်
လေးကိုချွတ်ယူလိုက်သည်။ ကျောပိုးအိတ်ထဲမှ
JunMyeon ဖတ်တက်သော စာရေးဆရာများ၏
စာအုပ် set လိုက် ၊ ဂျာနယ် တွေ နဲ့ ကဗျာစာအုပ်
အချို့ကို ထုတ်ရင်းပေးလိုက်သည်။