Unpretty Romance[ ChanBaek ]

37

Emergency ဌာနမှာ တာဝန်ကျနေတဲ့ ကာလ အရ တစ်ရက်ပြီးတစ်ရက် တိုးပွားလာတဲ့ လူနာတွေ၊ လူနာအုပ်ထိန်းသူတွေဖြင့် မစည်ကားအပ်သည့်နေရာ စည်ကားနေပြီး တာဝန်ရှိ ဆရာဝန်တို့မှာလည်း အလုပ်လုပ်ရတာ လွတ်လွတ်လပ်လပ် မရှိ။

အတွင်းလူနာဌာနဆီ မပို့ခင် အရေးပေါ်ဌာနမှာ ရောဂါရှာဖွေခြင်း၊ ကျွမ်းကျင်အထူးကုတွေ ခေါ်ဆောင်ကာ သက်ဆိုင်ရာ လူနာဌာနသို့ ပို့ဆောင်ပေးရသည်။

အတွင်းလူနာဆောင်ထိ ပို့စရာမလိုတဲ့ သူတွေကိုတော့ အရေးပေါ်ဌာနမှာပဲ စမ်းသပ်ကုသပေးပြီး အခြေအနေ ကောင်းတာနဲ့ ပြန်လွှတ်ပေးတက်သည်။ ဤသို့ဖြင့် အရေးပေါ်ကုသဆောင်သည် လူနာအတက်အဆင်း၊ အဝင်အထွက်များသည်ဖြစ်ရာ အင်မတန် ရှုပ်ထွေး၍ လက်ထောက် ဆရာဝန်များအဖို့ အခက်အခဲဆုံးဟု သတ်မှတ်ထားကြသည်။

လူနာအဝင်အထွက်နှင့် ရှုပ်ထွေးလွန်းသော ဌာနတွင် တာဝန်ကျဆရာဝန်တွေကို ခေါင်းရှုပ်အောင် လုပ်လွန်းသော သူတွေလည်း ရှိသေးသည်။

အခြားမဟုတ်။
ဆေး ကုမ္ပဏီမှ အရောင်းကိုယ်စားလှယ်များပင်။

သူတို့၏ ဆေးအသစ်များ ရောင်းထွက်စေရန် ဆရာဝန်များအား လေ့လာစမ်းသပ်၍ အသုံးပြုပါ ဟု မဝယ်မချင်း နောက်ကလိုက်ကာ ပြောနေတက်သည်။

တစ်ခါတစ်လေ ဆရာဝန်ထက်ပင် ဆေးစွမ်းသတ္တိတွေ၊ ဘေးထွက်ဆိုးကျိုးတွေကို နှုတ်တိုက်ရွက်ပြပြီး ဆေး၏ အာနိသင်ကိုလည်း မလွတ်တမ်းကြောငြာပြသေးသည်။

" Dr.Oh ... ဒီ ဆေး အညွှန်းလေးကိုပဲ ဖတ်စမ်းပါဗျာ! ဒီဆေး ဘယ်လောက်စွမ်းကြောင်း ကျွန်တော်တို့ company က စာနယ်ဇင်းနဲ့ပါ မိတ်ဆက်ထားတာ။ ဘေးထွက်ဆိုးကျိုးအတွက်လည်း အာမခံတယ် ! "

" ဒီမယ် ! ကျုပ်က ခုမှ အလုပ်သင် ဆရာဝန်
ခင်များဆေး အရောင်းထွက်ချင်ရင် ဆရာဝန်ကြီးဆီ သွားရောင်း ။ သူတို့ ပိုသိတယ်၊ ပိုတက်တယ် "

" အမယ်...ဒေါက်တာ အိုက ကျွန်တော့်ကို စကားပြန်ပြောတယ် ..ကြည့်စမ်း..."

Oh Sehun လက်ထဲက ဖိုင်ကို သေချာကြည့်နေရင်းမှ ရှေ့က ဆေးအရောင်းကိုယ်စားလှယ်ကို ပြန်ကြည့် လိုက်သည်။ တစ်ညလုံး သူ့အနား တောက်တဲ့လိုကပ်ပြီး ဆေးအကြောင်း မလွတ်တမ်းပြောနေသူသည် စကား ပြန်ပြောလာသည်ကို ဝမ်းသာလုံးဆို့နေပုံရသည်။