Unpretty Romance[ ChanBaek ]

1M Bouns💟

မနက်၇ နာရီခွဲခန့်အချိန်တွင် Baekhyun နိုးထလာခဲ့သည်၊၊ ရှုပ်ထွေးနေသည့် စောင်တွေကို ပြန်သိမ်းချိန်မရှိပဲ ရေချိုးခန်းထဲ အပြေးဝင်မိသည်၊၊

ထုံးစံအတိုင်း အခန်းထဲမှာ သူ့လူကြီးရှိမနေပါ၊၊ မနက်၄နာရီလောက် ထတက်ပြီး စခန်းတစ်လျောက် စစ်ရေးကျောရေးနဲ့ ထွက်သွားပြီ၊၊ မနက်ဆို အမြဲတက်ကြွနေတက်သည့် Chanyeolအကျင့်က သူနဲ့တော့ မိုးနဲ့မြေလိုကွာသည်၊၊ သူကတော့ ညနက်သည်အထိ ကွန်ပျူတာနဲ့ မျက်လုံးမလွှဲ ဖြစ်နေတုန်း၊၊ ထိုအခါများတွင် သူ့ကိုစောင့်ရင်း အိပ်ပျော်သွားရှာသည့် Chanyeol နှင့်၊၊ အတူနေကြပါသော်လည်း ကျွမ်းကျင်ရာလမ်း မတူသောကြောင့် အိပ်ချိန်ကမတူ၊၊

အိပ်ချိန်တူသော အချိန်မှာလည်း တစ်ယောက်ကိုတစ်ယောက် လိုအပ်သောအချိန်မှ ဖြစ်သည်၊၊

မျက်နှာသစ်ပြီး ထွက်လာတော့ TV ရှေ့စားပွဲပေါ်မှာ နွားနို့တစ်ခွက်နှင့် သူစားတက်လေ့ရှိသော မုန့်တို့ကို ပြင်ပေးထားသည်ကို တွေ့ရသည်၊၊ မုန့်များဘေးမှာ ဆေးဗူးကိုလည်း မမေ့မလျော့ ထားပေးပြန်သည်ကို မြင်တော့မပြုံးမိပဲမနေနိုင်၊၊

မျက်နှာသစ်ပုဝါကို သွားမထားဖြစ်တော့၊၊ လည်ပင်းမှာ တွဲချထားပြီး စားပွဲရှေ့က ထိုင်ခုံပေါ် နေရာယူမိသည်၊၊

" ဘယ်သူ့ချစ်သူမို့အဲ့လောက်ချစ်ဖို့ ကောင်းနေရလဲမသိ"

နွားနို့ကို မော့သောက်လိုက်တော့ ခပ်နွေးနွေးလေး ရှိနေသည်၊၊ အိပ်ရေးပျက်ရတဲ့ညတွေဆို Chanyeolက သူ့ကို နွားနို့သာ သောက်စေသည်၊၊ ထိုတစ်နေ့လုံး သူ့မှာ ကြိုက်တက်လွန်းသော ကော်ဖီခါးခါးကို အနံ့ပင်ရှုမရ၊၊

မုန့်ပန်းကန်မှ ခရင်းကို မမြင်ချင်ယောင်ဆောင်ကာ လက်နဲ့ပဲ ကောက်ယူကာ ပါးစပ်ထဲထည့်ပစ်သည်၊၊ အရသာရှိလှသော မုန့်သားက ပါးစပ်ထဲဝင်သည်နှင့် အရည်ပျော်ကျချင်နေသည်၊၊ နွားနို့ကို မကြိုက်တက်သော်လည်း အသက်ရှုအောင့်၍ အကုန်မော့သောက်လိုက်၏၊၊ နွားနို့အနံ့ကို သူမကြိုက်၊၊ Chanyeol တိုက်သော ကျန်းမာရေးအစားအသောက်မို့ သည်းခံ   သောက်နေခြင်းဖြစ်သည်၊၊