Unpretty Romance[ ChanBaek ]

7

" Hacker Light ဆိုတာ မင်းလား ? "

မျက်နှာတည့်တည့်က သေချာစိုက်ကြည့်လျက်
မေးနေသူ တီချယ်လေးကြောင့် ဖြေရတာတောင်
အာစေးတွေကပ်ပြီး ဘာအသံမှမထွက်။

ခေါင်းသာငြိမ့်ပြရသည်။

" အ နေတာတော့ မဟုတ်ဘူးမလား ! "

ပိုပြီးနီးကပ်လာတဲ့ မျက်နှာချောချောက
ဘာအဖုအပိန့် အပြစ်အနာဆာမရှိ။

" အ တာမဟုတ်ပါဘူး "

Baekhyun အဖြေကို မျက်မှောင်ကုတ်၍
ကြည့်နေတဲ့ တီချယ်လေးက ဘာကိုမကျေနပ်
နေမှန်းမသိ။

Baekhyun ကိုကြည့်လျက် မဲ့ပြုံး
တစ်ခုနဲ့ လှည့်ထွက်သွားသည်။

တီချယ်လေးရဲ့ သင်ကြားမှုက ထောက်လှမ်းရေးနဲ့
ကင်းထောက် ၊ Spy လုပ်ရမယ့် နည်းလမ်းတွေ
ဖြစ်သည်။ ပထမနေ့မို့ အကျဉ်းချုပ် သာပြောပြီး
ဂျူနီယာတစ်ယောက်အနေနဲ့ စီနီယာတွေကို
ဘယ်လိုဆက်ဆံရမလဲ ဆိုတာတွေပါ ပြောပြပေးသည်။

ထမင်းအစ်လို့ အိပ်ချင်နေတဲ့ သူတွေအကုန်
မျက်လုံးအပြူသားနဲ့ ရအောင်နားထောင်နေ
ကြသည်။ မနားထောင်လို့လည်းမရ ။
တီချယ်လေး လက်ထဲက သုံးဆစ်တုတ်က
ကျား/မ မရွေး အိပ်ငိုက်တာတွေ့တာနဲ့
ကျောအရိုးပြုတ်တဲ့အထိ ဗျင်းတက်သည်။

တီချယ်လေးအချိန်ပြီးတာနဲ့ Building 3
က ဟောခန်းကြီးဆီ ချီတက်ရသည်။

Baekhyun ဘေးမှာ ထုံးစံအတိုင်း
Somei နဲ့ Arlu တို့က တီချယ်လေး
အကြောင်း အတင်းတုတ်ကြသည်။

" မင်းကို တီချယ်လေးက တစ်ခုခုအစာမကြေနေပုံပဲ "

Arlu ကတွေးတွေးဆဆနဲ့ပြောတော့
Somei ကပါ ခေါင်းငြိမ့်ထောက်ခံသည်။

" ငါနဲ့သူနဲ့ ခုမှသိတာ ။ ဘယ်လိုအစာမကြေဖြစ်ရတာလဲ "

" မင်းရဲ့ အရင် ex တွေထဲမှာရော တီချယ်လေးနဲ့
တူတာ မရှိဘူးလား "

" ဟာ... ပေါက်တက်ကရ!
ငါ့မှာ ဘာ ex မှ မရှိဘူး...။
ငါက ငမ်းရုံငမ်းတာ မချစ်ဘဲ မတွဲတက်ဘူး "

" သေချာလား...."

Somei ကပါ သေချာလားမေးတော့
Baekhyun တိုင်နဲ့ခေါင်းနဲ့ ပြေးဆောင့်
ချင်သွားသည်။