Unpretty Romance[ ChanBaek ]

39

အကျႌတွေ အလုံးထွေးလိုက်ပါလာတဲ့ ခရီးဆောင်အိတ်ကြီး ရှေ့ Baekhyun တစ်ယောက် မပျက်မကွက် သောက်ရမဲ့ ဆေးဘူးတွေ တစ်ခုမှပါမလာတာကို သတိရမိသွားသည်။ ဆေးထိုးရမှာကြောက်လို့ မမေ့မရော့ ယူလာခဲ့ပေမဲ့ သူထည့်ထားတဲ့ ဆေးဗူးတွေ တစ်ခုမှ မတွေ့ရတော့ပေ။

Baekhyun ခေါင်းက ခဲဖြူရောင်ဆံပင်မွှေးတို့ ဖွာလန်ကြဲ နေအောင် ကုတ်လိုက်ပြီး ဆေးဗူးတွေ ဘယ်ရောက်လို့ ဘယ်ပေါက်သွားလဲ စဉ်းစားနေရသည်။ ခုမှ အထုတ်စဖွင့်တာ ဆေးဗူးတွေ အငွေ့ပျံပြီး ပျောက်သွားလေသလား။

" မင်း ဆေးဗူးတွေ ရှာနေတာလား "

Chanyeol အခန်းထဲရောက်လာပြီး အဝတ်တွေ ချွတ်ရင်းမေးလာသည်။

" အင်း..ကျွန်တော် သေချာပေါက် ထည့်ခဲ့တာပါ ..
အခု မရှိတော့ဘူး .... "

" ဟုတ်လား... ငါ ထုတ်ခဲ့တာလေ ... "

" ဪ.... ဘာ .. ဘာရယ် !"

Chanyeol ပုံစံက နောက်နေတဲ့ အတိုင်းမဟုတ်။ အတည်ကို ဆေးဗူးတွေ ထားပစ်ခဲ့တဲ့အတိုင်း။

" ကြိုတင်ပြောထားမယ် !
နောက်မှ လူကို ဆေးလာထိုးဖို့ မစဉ်းစားနဲ့.. "

Chanyeol ကိုယ်အပေါ်ပို်င်း ဗလာကျင်းသွားပြီး စတိုင်ပန်ဘောင်းဘီဇစ်ကို Baekhyun မြင်အောင် တမင်ဆွဲချပြလေသည်။

" ညရောက်ရင်တော့ ပုံမှန် ဆေးထိုးခံလေကွာ .. "

Chanyeol ရိသဲ့သဲ့ ပြုံးပြပြီး အတွင်းခံတစ်ထည်နဲ့ ရေသောက်နေသည်။ Baekhyun မျက်နှာ က လငပုတ်ဖမ်းသလို မှောင်မိုက်သွား၏။

ဒီလူကြီးဟာလေ... အရေးကြီးစစ်တလင်း ရောက်နေတယ်လို့ သူကိုယ်တိုင်ပြောပြီး လူကို ဘယ်အချိန် ဘယ်လို စားသောက် ရမလဲဆိုတာပဲ တွေးတက်လွန်းသည်။

" ဒီကို အလုပ်နဲ့လာတာ..ခင်များနဲ့ ပျော်ပါးဖို့ မဟုတ်ဘူး!"

" အဲ့လိုနော် ... "

အဓိပ္ပါယ်ပေါင်းမျာစွာ ပါဝင်နေသည့် အပြုံးဖြင့်။ Baekhyun အား ခြောက်လန့်နေသည်မို့
Chanyeol အနား အလင်း၏ အလျင်နှုန်းနဲ့ ပြေးလာခဲ့သည်။

" Chan ..အသည်းတုံးကြီးကကွာ ...
ရေချိုးမို့မလား... လာ တူတူချိုးရအောင်
ကျွန်တော့်မှာ ဂျေးတွန်းပေးရမလား ! "