Unpretty Romance[ ChanBaek ]

Extra:Bonus

Warning - Rated-M

___________________________♥

Long Distance Relationship

~•~

ရာသီဥတုက သိပ်ကိုကောင်းလွန်းသည်၊၊

ကျွန်းတစ်ဝိုက်က သဘာဝအတိုင်းသာ ရှိနေဆဲဖြစ်၍ မျက်စိအေးသလို လှပလွန်းသည်၊၊ ကမ်းပါးယံ တစ်လျောက်တွင် ပင်လယ်ပျော်ငှက်တို့ ပျော်မြူးနေကာ ပြာလဲ့ကြည်လင်နေသည့် ပင်လယ်ပြင်ကြီးက လူသူနဲ့ဝေးရာဖြစ်၍ အပျက်အစီး မရှိ၊၊

ရေညှိတပ်ကာဖုံးအုပ်ထားသော စခန်းကြီးသည် အပြင်ဘက်၌ ပကတိ ကျေးဌက်သံများ ဖုံးလွှမ်းနေသည်၊၊ အတွင်းထဲမှာတော့ ပထမ အထပ်မှာတင် စက်ပိုင်းဆိုင်ရာ ကျွမ်းကျင်သူများ၏ လုပ်ငန်းခွင်ဖြစ်၍ ဆူညံမူက နားအူမတက်ပင်၊၊ အထပ်မြင့်မဟုတ်ပဲ အောက်ကိုသာ နိမ့်ဆင်းသွားသည့် အဆောက်အဦးကြီးသည် ပင်လယ်ရေအောက် ကြမ်းပြင်အထိ ရှိနေသည်၊၊

ရေအောက်အခန်းတစ်ခုအတွင်း လျို့ဝှက်ဖော်ဆောင် နေသည့် Program တစ်ခုကို Baekhyun အပါအဝင် ကျန်တဲ့ နည်းပညာကျွမ်းကျင် ၈ ယောက်လောက်က အတူတကွ ပူးတွဲ လုပ်ဆောင်နေရသည်၊၊ ပုံမှန် Program များအနေနှင့် အချိန် နှစ်လလောက် ကြိုးစား လုပ်ကိုင် ရမည်ကို Baekhyun နဲ့ သူ့အဖွဲ့က ၃ ပတ်ကျော်နဲ့ အမီလိုက်နိုင်လာသည်၊၊

အချိန်၃ ပတ် ၊၊
Baekhyun သည် ၃ပတ်သော အချိန်ကာလအတွင်း Chanyeol နဲ့ ဖုန်းသာပြောဖြစ်၍ လူချင်းမတွေ့ရသေး၊၊

Chanyeol က ရှန်ဟိုင်းဘက်ရောက်သွားတာ ၃ ပတ်ကျော်နေပြီ၊၊ လဝက်ကျော်လောက် ဝေးကွာ နေရသည်မှာ တစ်ယောက်နဲ့တစ်ယောက်က မအားမလပ်သော အလုပ်များနဲ့ အပီအပြင် ဆွေးဖို့ လွမ်းဖို့တောင် အချိန်မရ၊၊

Chanyeol ဘက်မှ သတိရ၍ Vd call ခေါ်ရင် Baekhyun က အလုပ်နဲ့မပျက်၊၊ Chanyeol ရှိရာဘက်သို့ တစ်ချက် တစ်ချက် လှည့်ကြည့်လာပြီး သာကြောင်းမာကြောင်း မေးတက်ကာ လက်သွယ်တို့က ကီးဘုတ်မှာ မရပ်မနားပြေးလွှားနေသည်၊၊

Program,တွေ အသစ်ဖန်တီးနေရရင် အစားအသောက်ကို မေ့သွားတက်သော Baekhyun ကြောင့် ထိုဌာနမှ တာဝန်ရှိသူတွေကို Baekhyun ဗိုက်ထဲ အစာမဝင်သေးသရွေ့ မည်သူမျှ မစားစေရဘူးဟု၊၊ ထိုအခါမှ Baekhyunမှာ အစာစားချိန်တိုင်း လုပ်လက်စတွေ အကုန်မရပ်ချင်လည်း အလုပ်တစ်ဖက်နဲ့ အစားကို ရအောင်စားရသည်၊၊