Unpretty Romance[ ChanBaek ]

Memory Of Dubai - 1

Memory of Dubai - 1

နာရီပေါင်းများစွာ လေယာဉ်ပေါ် အချိန်ဖြုန်းခဲ့ရပြီးနောက် ရောက်လိုရာ ခရီးကို ကောင်းကောင်းမွန်မွန် ရောက်လာ ခဲ့ပြီးဖြစ်သည်၊၊  United Arab Emirates (UAE) ဟူသော အာရပ်စော်ဘွားတို့ နယ်မြေသို့ ဖိတ်ကြားခံ ရသည်မို့ မဖြစ်မနေ တက်ရောက်ရသည်ပဲ ဖြစ်သည်၊၊

Wolvering ၏ 50% သော အမြတ်တို့သည် UAE မင်းသား၏ အင်အားကြောင့် ဖြစ်တည်လာသည် ပြောရမည်၊၊ လက်နက်တစ်မျိုး ထုတ်တိုင်း ရှေ့ဆုံးကနေ အမြတ်များစွာ ရင်းနှီး၍ ဝယ်ယူသည်၊၊ သို့ရာတွင် သူ့အကြိုက်ကို တစ်ခြား စီးပွားဖက်တွေပါ လိုက်ပါဝယ်ယူခြင်းကို မကြိုက်တက်သူမို့ ထိုမင်းသားအတွက် အမြဲ အကန့်အသတ် နဲ့ ထုတ်သော ပစ္စည်းတို့ကို ထုတ်လုပ်ရသည်၊၊

ယခုအခါ ဖိတ်ကြားခြင်းတွင်တော့ မည်သည့် စီးပွားရေး ကိစ္စအကြောင်းအရာမှ မပါပဲ မိတ်ဆွေတစ်ဦးအနေနဲ့ အသက်၄၈ ပြည့်မွေးနေ့ပွဲကို တက်ရောက်ပေးရန်သာ ဖြစ်သည်၊၊

မကြာမီ လေဆိပ်ဆင်းသက်မည့်အကြောင်း ကြေငြာသံက ထွက်လာသည်၊၊ မှန်ပြတင်းမှ မြင်နေရသည့် နေညိုရောင် ဆည်းဆာသည် မိုးမြင့်တိုက်တွေကြားထဲ လဲလျောင်းနေသည့် တိမ်တောင်တိမ်လိတ်တွေကို ပန်းရောင်သန်းနေစေသည်၊၊

" ဝါးးး နောက်ဆုံးတော့ ရောက်လာပြီပဲ !!"

အသံပိုင်ရှင်က Byun Baekhyun.၊၊

အာသန်းနေရင်း ကိုယ်ကို လိမ်ဖယ်ကာဖြင့် အညောင်းဆန့်နေသည်၊၊ စတိုင်လ် ထုတ်ထားသည့် နေကာမျက်မှန်လေးသည် သူ့လည်ပင်းအောက် ပြုတ်ကျနေသည်ကို သတိပြုမိတော့ ဘေးက လူကြီးကို သတိမပေးရကောင်းမလား လှည့်ကြည့်မိသည်၊၊

လေယာဉ်ဆင်းသက်တော့မည် ဖြစ်သည်ကြောင့် ခါးပတ်ပြန်ပတ်နေသည့် ခေါင်းဆောင်ကြီးသည် သူ့က်ို ယောင်လို့ပင် လှည့်မကြည့်လာ၊၊

" Chan ..."

မျက်လုံး အသာလှန်ကြည့်လာသည့် Chanyeol၊၊

" ကျွန်တော် အကြာကြီးအိပ်နေပြီး ခင်များကို အဖော်မပြုပေးလ်ို့ စိတ်ဆိုးနေတာလား "

ပြုံးစိစိနဲ့ မေးလာသည့် Baekhyun ကို Chanyeol မျက်မှောင်ကုတ်၍ ကြည့်လာလေသည်၊၊ တစ်ကယ်ဆို လေယာဉ်စထွက်တည်းက ပေါက်ပေါက်ဖောက်သည့်နှယ် မပြတ်တမ်း စကားဆ်ိုလာသည့် Baekhyun ကို ပို၍ အမြင်မကြည် ဖြစ်ခဲ့သည်၊၊ စကားဆိုရုံတင်ပဲမဟုတ်၊ ထိုင်ရတာ ဖင်ပူတယ်ဆို၍ လေယာဉ်တစ်စီးလုံး ရှေ့နောက်၊ ပြောင်းပြန် လျောက်ပတ်သွားပြီး ပါလာတဲ့ ဂိုဏ်းသားတွေနဲ့ပါ လောင်းကြေးနဲ့ ဖဲရိုက်နေတာက ပါသေးသည် ၊၊