ضياع طفله

Part 1

#ضياع_طفله 

عندما تزاحمت الافكار ووجل منها فكري وغار , عندما زارني الحزن ودعاني الى دنياه , عندما ضاق صدري بالهموم وتهت في غياهب احزاني ...

تلك هي انا عندما جئت الى دنياي الظالمة تلك الحياة الي حرمتني من ابسط حقوقي وجعلتني في ايادي من لا يرحمون ضعفي وانكساري ...

قصتي الاولى اضعها بين اياديكم الجميلة وانتظر منكم أي انتقاد لا يعجبكم في سرد القصة التي طرحتها ( قصتي حقيقية مأخوذة من شخص قريب علي ، الاختلاف في اسماء الشخصيات فقط )

#ضياع_طفله  (بقلمي Rehab  )
(البارت الاول)

رسل ،،، عمي الله يخليك مااريده كله خلي يطلكني ..

فؤاد ،،، ولج عمي ياطلاك شبيج مصارلج شهر يم الرجال شني طلاك هو بكيفج لعب جهال عدنه ..

رسل ،،، عمي فدوه والله مااتحمله مااكدر 😭هذا مريض تعرف شنو مريض 24 ساعه صافن وحده لا يحجي وياي بسالفة لا يضحك ابد صم بكم ..

فؤاد ،،، لا مابي شي بس انتي كله من وره اليقرون براسج😠شبي مريض مو لازم محل أبوه ويشتغل بي ...

رسل ،،، ماارجعله لو تطلع نخله براسه وبراس اهله البخلاء ذوله ...
فؤاد ،،، ولج شو انتي مالج رداد ترجعين غصبا عليج وهسه اخابره اخلي يجي ياخذج ، مو عيب تردين العالم تسوينه مكصه ، شيكولون بت اخوهم اطلكت وهي مصارلها شهر بيت رجلها ...

رسل ،،، والله انتو تتحملون المسؤولية انتو زوجتوني غصب عني كتلكم بعدني اريد ادرس ، ها هي أخذوا الي بنيتوا بيدكم ...

فؤاد ،،، ماشي يابت اخوي ، يصير خير اروح هسه عندي شغل واجيج مره ثانيه ...

رسل ،،، ولك عمي الله يخليك اني بت اخوك لخاطر اخوك الميت مااريد ارجعله ولك عمي إلا اكلك هذا مو رجال هم مريض وهم مو رجال ....

فؤاد ،،، وج شنهي مو رجال شهالحجي الماصخ ، لا تخليني امد ايدي عليج اتعلمي شلون تحجين عن رجلج ولج ...

مرحبا :

اسمي رسل عمري حاليا 16 سنة من الناصرية مواصفاتي بشرتي حنطية وعندي غمازات ورثتهن من امي طولي 160 رشيقة ,, ادرس بصف رابع علمي رسبت سنة وحده بسبب الظروف الي مريت بيها (حتعرفون شنو مريت من مواقف وشنو أحداث رسمها الية الزمن)

بطبعي اكره الدراسة مو كلش احبها ,, امي وابوي انفصلوا من كان عمري سنة تقريبا ،وراها كلمن التهى بروحه ابوي ازوج مره ثانية وامي كذلك بعد طلاقها ازوجت  وعندي اخوان 2  واخت وحده من امي... واخ واحد من ابوي حاليا عايشه بيت جدي اهل امي ...

خليني ارجع بيكم كم سنة لوكت الحصار الي صار ع العراق وشلون ابوي (احمد) وامي(نرجس) تزوجوا ...