30 Days with Mr. T (Published under PSICOM Publishing Inc.)

Chapter 17

This is it, pusit! 🦑🦑🦑
Sinong kumakain ng adobong pusit?😃

"What's your name, hija? I couldn't believe my grandson have finally found a very special girl like you."

Nahihiya akong napangiti. Parang gusto kong mag-beautiful eyes. Syempre 'no! Sa'n pa makakahanap si lolo pogi ng katulad ko? Masipag, matiyaga, mabait at higit sa lahat cute pa!

"Hijo, you should bring her to our farm. This girl is definitely a great catch." Naku! At mukhang dadalhin pa nila ako sa bukid nila. Akalain mo? Aba, mahusay din kaya akong magtanim! Sa katunayan, malalaki na nga ang mga tanim kong kalamansi at kaimito. Janitress na farmer na magka-catch pa ng fish. Hindi lang si Magilas ang matutuwa nito. Pati na rin si Marikit. Mahilig sa halaman at mga isda ang batang iyon eh. "Arman, prepare the papers. After the wedding, Brix will take over of everything."

Wedding? Sino kaya ang ikakasal? Si lolo pogi? Atsus! Kumerengkeng ang matanda. Teka baka naman si Mr. T ang ikakasal? Kay Lily-gaya? Bakit parang may kumurot sa dibdib ko sa isiping iyon?

"W-Wait, lolo... This is uh..." nagtaka ako dahil nakakunot ang noo ni sir habang nakatitig sa akin. Pero nakuha ko naman ang gusto niyang sabihin.

"Mayumi po, Mr. T!" diretso kong dugtong habang nakatingin kay sir habang hawak pa rin ni lolo pogi ang kamay ko.

"Mayumi. What an adorable name!" hinigpitan pa ni lolo ang pagkakahawak sa kamay ko. "At iyon ba ang endearment nyo sa isa't-isa? Ang apo ko ay si Mr. T at ikaw naman ay si Mrs. T! That was brilliant, hijo!" tumingin siya sa kanyang apo na ngayon ay pulang-pula ang mukha. Na para bang may gustong sabihin pero hindi alam kung paano. Natatae kaya si sir? At nahihiya siyang aminin sa harapan namin?

Pero teka! Sino raw si Mrs. T? Bakit sa akin nakatingin si lolo pogi? Inakbayan ako ng matanda bago pa ako nakapagsalita.

"Hija, nagagalak akong makilala ka. I couldn't believe na sa dinami-rami ng mga babaeng nakapila sa apo ko, ikaw pa ang napili niya..." hindi naman ako pumila, nag-applay ako sa personnel department. Muntik na ngang hindi ako matanggap. Hinarangan kasi kami ni manong guard kaya nga block listed na rito si Leng. "I'm so proud of you, Brixander!"

"L-Lolo, what do you mean, you are proud of me?" Nakita kong nag-up and down ang adams apple ni sir.

"Never been this proud, apo. Akala ko kasi noon, tumitingin ka sa panlabas na anyo. Ngayon mas naunawaan ko na kung bakit napakatagal bago ka nakahanap ng tamang babae." Muli akong tinitigan ni lolo pogi. "You're just waiting for the perfect girl." Tumatango-tango pa siya at ang ngiti ay abot tenga.

"Y-You will let me take over? This soon?" nagsalita ulit si Mr. T.

"Of course, apo. As soon as everything's turns out fine then the business is all yours."

"S-Sandali..." Biglang nalito ang itsura ni sir. "All mine?"

"All yours! Nabalitaan ko nga pala ang nangyayari sa Tee Farm and my flight going there is in a few hours. I am expecting you to follow me and bring this charming girl with you. Doon natin pag-usapan ang lahat ng dapat ayusin."

Medyo hindi ko makuha ang mga pinag-uusapan nila kaya nanahimik na lang ako. Binitawan ako ni lolo pogi at nilapitan niya yung lalaking kanina pa nakatayo sa gilid ng opisina ni sir. Pormal ang reaksyon ng lalaki na parang kahawig ni Kang Dong Wong ba iyon? Mas gwapo lang si Mr. T ng ilang paligo. Mga ten times.