أسرار الحب بقلم أميرة السمدونى كاملة

الفصل التاسع

فى منزل رانيا :_

كانت عقارب الساعة تحبو ببطء لتعلن عن منتصف الليل ، جلست فى ذلك المساء البارد فى شرفة منزلها ، ترتشف قهوتها الساخنة ، تتصاعد الموسيقى الكلاسيكية من أنحاء الشرفة ،تبحث رانيا بعينيها فى المواقع الإخبارية عن فرص عمل ،حتى أضاء هاتفها برقم غريب ألح فى الأتصال ،فضغطت زر الرد جائها صوت نفين الحلفاوى بنشيج متبوع ببكاء مستفسرة:_

_ معايا رانيا الدويرى ..؟

رانيا بفضول:_

_ أيوة مين حضرتك ..؟

ردت كمن يبتلع كلماته الممزوجة بالعبرات:_

_أنا خطيبة معتز الحديدى

تنهدت رانيا متذكرة أحداث الأسبوع الماضى بسأم:_

_ خير فى حاجة أقدر أقدمهالك..؟

نفين بصوت متهدج :_

_أنا فى مصيبة كبيرة جدا يا رانيا أبوس أيدك ساعدينى.

رانيا فى فزع :_

_ خير فى أيه...!!

نفين :_

_ مش حينفع فى التلفون الموضوع طويل .

رانيا بإستسلام:_

طيب تحبى نتقابل فين ..؟ ،بس نهاردة للأسف مش حينفع وقت متأخر

نفين مطرقة بوجوم:_

_ خلاص بكرة الساعة 9 فى كافيه النزهة على النيل .

فى مبنى القناة الفضائية :_

مساء النور على كل مستمعينا فى برنامجنا الأسبوعى " أسرار الحب " على راديو "مشاعر أف أم" معاكم تسنيم عبد المنعم كل خميس من الساعة 7 إلى 8 تقدروا تتواصلوا معانا على الأرقام التالية ، ،نطلع لفاصل من الأغانى ونرجع تانى مع "أسرار الحب "أوعوا تروحوا فى أى حتة "

بهذه الكلمات بدأت تسنيم حلقتها الأسبوعية ،وهى تدعو الله أن يوفقها فى تحقيق أحلامها للوصول لأشهر مذيعة رادبو ،وعادت من الفاصل لتقول متذكرة جلساتها مع رفيقاتها وحديث رانيا الشارد دائما عن معتز وتناقضاته فتنهدت تسنيم" الحب والإمتلاك " معنى انك تحب حد يعنى تكون له جناح يطير بيه تساعده إنه يكون حر ويكون ذاته دايما ، الحب هو التشجيع على تحقيق الطموح ، أكبر مشاكل الحب عادة أننا مبنعرفش قيمة ال معانا غير لما بيروح مننا ،زى ما الإنسان السليم مبيحسش بقيمة الصحة غير لما تروح منه ، زى الأم لما تفقد اولادها زى حاجات كتير فى حياتنا بنفتكرها كماليات لكن فى الحقيقة وجودها جوهرى و فارق ،حنطلع لفاصل مع جنات فى أغنيتها العظيمة المعبرة عن موضوع حلقتنا النهاردة وهو حب الإمتلاك " فغدت جنات تشدو بصوتها " أتقالى عنه ياريت تحاولى تحاسبى منه ده كتير بيوعد بس مبيوفيش بوعد ،أديت له فرصة يحبنى عرفت أنه كان ناوى نتصاحب شوية وننسى بعض " ، كانت رانيا واقفة خلف الزجاج مع زيزى بجسدها لكن قلبها فى واد أخر ممتلىءبإستحقار معتز على ما فعله معها ،تعبر الأغنية عن حالتها أستأذنت قبل أن تنهى تسنيم حلقتها لتلتقى بنفين فى الكافيه لموعدهما ، فقالت نفين وهى تمسح أنفها بمنديل ورقى :_