اول الأيـــــام

فرحة مُنغصه

#اول_الايام
الفصل الرابع
#بقلم_اسراءالجميلي

عمتي : لا عيني اني راح اخذها لابوها ايربيها ..
امي : هههه و ابوها شنو هو صار اله فوگ ٨ اسنين مشايفهم ..
عمتي : ميهم ابوها يلگالها صرفة حل بلكي يقنعها تاكل تشرب ..
و اخذتني عمتي و رحنه البيت ابوية ..
طبعا ابوية تهمجاينه صار كومة و حتى الصرف اخوية سعيد متولينه ..
اجه بيوم الخطوبة هو و اخوتي و بعد قراية الفاتحة سلم علينه كلنه البنات و راح ..
وصلنا اول مدخلنه ..
ابوية : هاي منو الحليوه الي وياچ و يا كلب ابن كلب هيچ مزوركها ؟
عمتي : هاي بنتك ؟
ابوية : بنتي يا هو منهم الچبيرة لو الصغيرة ؟
عمتي : هاي اخر بنت عندك حنان ..
ابوية : بابا حنان ..
گام ابوية و حضني و اني حضنته قوي روتني حضنته مثل العطشان و صار كومة مشارب مي ..
بابا اذوني كلش و انت مو يمنه حتى تنصفني گمنه نبچي اثنينه بقوة و عمتي و مرة ابوية يبچون ويانه و يسكتون بينه ..
اخذوني للحمام عمتي و مرة ابوية غسلولي و بدلولي و صبولي اكل و ابوية گام يوكلني بيده ..
احساس رغم الالم الي بيه جان يخبل حسيت الي اسمه بجنسيتي ابوية صدك ..
حچيت الابوية كلشي تخبل و گلي الله كريم اني اعرف شلون اتصرف ..
ما عجبه الوضع ابد ..
بالليل اني متمددة بغرفة اختي ..
اجتي مرة ابوية وگالتلي لا تخافين ابوچ من الصبح حيخابر وسام و خير ان شاء الله ..
فعلاً صدگ ابوية خابر على وسام ثاني يوم و اجانه طيارة ..
وسام : عمي احنه مالنه دخل بيهم فدوة اروحلك زوجنه ..
ابوية : هههه باذن الله ابني بس على كيفك هسة احچي وي امها و الي تتمنوه يصير ..
ضحكنه اثنينه و كلش فرحانين ..
خابر ابوية على امي و تعارك وياها و بعد جهد جهيد قنعها ..
بقيت يم ابوية شهر ردت روحي بيه ..
كلما ينزل وسام يجينه ..
مرة ابوية طلعت ما ممتزوجة ابوية برضاتها ..
اهلها رادو هيچ و غصباً ما عليها توافق ..
مچانت راضيه على ابوية لان عايفنه ..
بس هو عُمره ما متوالم وي امي ..
لهذا ما يريد يردلنه ..
بس بسبب وضعي بدت علاقتنه تتحسن حتى خواتي المتزوجان مرولنه ..
بعد مرور دك تلفون البيت ..
چان يوم الثلاثاء شهر الثامن ١٩٨٧ يوم محد بينه گدر ينساه ابد ..
چانت بعدها حربنا الگشرة وي ايران ..
شال التلفون اخوية من ابوية ماجد ..
الو اهلاً عمه ..
اي هسة اصيح ابوية ..
ماجد : بابا تلفون عليك عمة ام حنان ..
اخذ ابوية التلفون من ابنه ..
بابا : هلا بام سعيد خير عيني ؟
بابا : شنوووووو انتِ شنو تحچين ..
عاط ابوية بصوت ..
لا حول و لا قوة الا بالله ...
بووووووية سعيد ..
خير بابا شكو طمنه شبيه سعيد ؟
مرة ابوية : احچي يمعود شكو ابو سعيد ؟
ابويه : سعيد اسروه ..

تأسر سعيد حسيت هاي كسرتي الحقيقية ..
اخوية الي چنت اشوفه بمقام ابوية ..
اخذوا و احنه بنار قلبنه عليه ..
هواية مرات اخوه يكونون اقوى و احسن سند ..
كان لازم ارجع يم امي لان ما بقت بس هي و زهير ..
يمرون علينه ابويه و خواتي مگطعوه بينه خطية ..
اطريت ابطل من المدرسة لان ماما سائت صحتها كلش ..
سكر و ارتفاع ضغط من قهرها على سعيد و البيت كله عليه من غير الخطار الي معافونه بسبب وضعنه ..
حقها شمعة بيتها طفت و متدري حتعتلگ مرة لخ لو لا ..
سعيد عامود بيتنه الي منتچين كلنه عليه كبارنه و صغارنه ..