اول الأيـــــام

لحظة طلاگ

#اول_الايام
الفصل العاشر
#بقلم_اسراءالجميلي

اي خوية هذا الصح ما تذكرين بيوم اجيتو بالقطار شلون نزل لان شاف حكومة بالمحطة ..
اخوي بطل ما يخاف من العشاير هو اگواهم بالبصرة ..
اشوفه يحچي باعجاب الاخوه الي ممكن بيوم و ليله يروح و يتم سبعه ..
بس خويه الحكومة تغدر ..

عزة بعينچ حنان تاليتچ اتزوجتي مجرم ..
يبو على حظچ الما گعد يوم ..
اشو هذا عصب عليه ..
انتِ ليش تگولين مجرم ؟
اخوية مو مجرم ..
اخوية ضد الحكومة ..
گمت احچي وياه بتوسل ..
يعني شنو مدا افهم ؟
فدوة فهمني ؟
اخوية انهزم من الجيش و انضم للحزب ........... المعارض الصدام ..
ظلوا الحكومة اطارده ..
لحد ما قبل سنة من اجه للبصرة لحگوا الأمن ..
كتل منهم ضباط اثنين واحد برتبة مقدم و الثاني برتبة نقيب ..
رجعت ضربت على وجهي باثنين ادية ..
شعرت اسودت الدنيا بوجهي ..
بلحظتها دخل حسن و فرح بشوفت اخوو ..
و اني القهر عماني ..
سكت اخو و لا عبالك گال شئ ..

بقه يمنه اتعشه و اني بس اريده يروح حتى استفسر من زوجي على الي گاله ..
راح اخوه البيت اهل زوجته ..
نظفت و كملت و نومت ابني ..
اجيت على حسن ..
سالته على حادثة القطار و من انهزم من اهلي و عاد نفس حجاية مرة عمه ام علي :
مطلوب ثار و مردت الح وياه ..
بس اني بديت كلش اخاف منه ..
بقيت حذره بالتعامل وياه ..

مر اسبوع و نفسي تلعب و بس انام مدري شبيه ..
رحت حللت طلعت حامل بالشهر الرابع ..
زين دكتورة شلون و اني تجيني كل شهر عادي ..
تصير ماما ع هوايه نسوان ..
هي مجرد اوساخ بالرحم تطلع مو حقيقية ..
قليل عليچ مو ؟
اي دكتورة ٣ ايام و تروح و كلش قليل ..
هاهي بنتي كلامي صحيح ..
طلعت منها و گتله لان چان ينتظرني بره ..
كييف كلش عبالك اول طفل و الطريق كله كلساع يوگف يم محل يشتري شئ ..
رجعنه بالبيت دا اصفي بالغراض ..

دگ التلفون شاله ..
حچه بالتلفون بس شو وجه انعقچ ..
خيرك ابو ادهم ؟
اختي تباركلي جايتني بنية ..
هااا مبروك تتربه بعزك ..
الله يخليچ ..
بس وجه بعده مگلوب ..
عيني ابو ادهم لا تضوج تره الولد مثل الابنية كلهم نفس الشئ ..
هز ابيده و راح دخل بالغرفه ..
عرفت رجلي متخلف و يكره البنات ..
يومية سر اكتشفه عنك حسن ..
بعدنه بأولها و هيچ ..
يا خوفي من تاليها ..

مرت ايام و بعده ضايج و ميتحچه ..
شبيك حسن شنو مضوجك ؟
حنان انتِ شكد بقيتي مخطوبة الـ وسام ؟؟؟
و هذا الموضوع شنو معناته هسه ؟؟
جاوبيني ؟
سنتين ... ليش ؟
چنتي تحبي ؟
حسن شنو داعي لهذا الكلام وسام ابن خالتي ..
و مصارت القسمة و خلص الموضوع ..
بعدين احنه مضمينه عليك شئ ..
هاااا اي صح ..
المهم حنان حضري روحچ اسبوع و ننتقل للبصرة ..
اني اهنا متت خوف و رعب ..
شنو احساسي وين حيدويني شحيسون بيه ..
ليش ؟ احنه متفقين نبقه ابغداد و اني مستحيل اعوف اهلي ..
شنو متعوفين اهلچ المره من تزوج تبقه وي زوجها وين ميروح ..
يا اهل يا بطيخ ..
على جثتي ما اطلع منا ..
حنان اني مطلوب و دا احس البعثية تراقب بيتي ما اگدر ابقه اهنا ..
انت ليش مطلوب للحكومة ؟
بده يحچي الحقيقة غصباً عليه ..
انت مو گلت مطلوب ثار عشاير ؟
اي هو ثار عشاير بس همه اصدقاء الحكومة ..
هااااا و مع هذا ما اطلع ..
لعد اخذ ابني و اروح ..
و ابقي خلي يفيدوچ اهلچ ..
عفية انت شنو تحچي ؟؟؟
روح يم اهلك فترة لحد ما يهدء الوضع و ارجعنه ننتظرك ..
حنان لا اطلعيني من طوري ..