اول الأيـــــام

مشاكل الگصة بگصة

#اول_الايام
الفصل الثالث
#قصص_اسراءالجميلي

اجتي اختي مسحتها الي و خف لونه شوية ..
لبسونه الحلقات و خلصت الحفلة و راحووو ..
بدت خباثة حسناء و حقارتها ويانه تشتغل ..
نجحت و رحت للرابع و علاقتنه تزيد قوتها و صرنه مثلّ للحب و التفاهم بين الگرايب ..

و بنص السنة ..
امي چانت ناذرة و ذبحت لوجه الله و عزمت خالاتي و خوالي ..
انجمعنه بلمه حلوة مشتاقيلها من زمان ..
البنات بالمطبخ يشتغلون و النسوان بالهول و الرياجيل بالصالة ..
صار وقت الغده و صبينه ..
جرني وسام گعدني يمه ..
كل شوية يخلي لگمة بحلگي و كلها تضحك بس امي تخزرني و معاجبها الوضع ..
اني ابتسم و اندار من خوفي منها ..
بعدها گعدنه نسولف سوة بالصالة ..
فتحنه الباب الي تفصل بينها و بين الهول ..
رادو چاي و رحت اصب ..
اجه وراية وسام ..
يعني شلون اريد انجمع بيك يا حلووو ..
ههههه يمعود يروح يجي احد ..
ارتچيت على الكاونتر الي يم الطباخ ..
انتظر الچاي يخدر ..
گعد وسام على الكرويته الي بجهة اليسار مالتي ..
طبعاً وسام صوته كلش حلووو عبالك مطرب و حنين حيل و دافي ..
گام يغنيلي موال حسين البصري ..
من اول ما اعترفلي بحبه دائما يغنيلياه :

(( امل منك اصد عنك چذب من گال اعوفنك ..
ولو حطوو بدربي النار بدمع عيني لطفيها و ادگ بابك واشوفنك ..
تريد اتصير نجم بسماي هم تلمع واشوفنك ..
تريد تصير طير تطير هم تحط والزمنك ..
تريد تموت انه اموت وياك وگبل ما اموت اصيحن حييييييييييييل احبنك ))

من وصل للاخير عاط و كال اصيححححححن حيييييييييل احبببببنك ..
چان يجون الولد و البنات و ظلو يضحكون ..
أتسمت هاي الاغنية باسمنه ..
ياهو الي يسمعها وواحد بينه موجود يصجمنه بيها ..
خلصت السنة نجحت للخامس رحت ادبي ..
بيوم اختي الچبيرة نجاة صارت عدها ولادة امي راحت يمها ..
بقيت اني اعدل و ارتب بالبيت لحد ما يرجعون من المستشفى ..
اخوتي زهير رايح يم بيت خالي و سعيد بالجبهة ..
اندگت الباب و رحت فتحتها لگيت وسام ..
هلا بحبيبتي شلونچ ؟
الحمدلله انت شلونك ؟
ديدخل رديت الباب ..
هاي شبيچ شكو ؟
حبيبي محد بالبيت بس اني ..
امممم لعد كلش زين افتحي الباب ..
هههه لا عيني روح البيتكم ..
جمع اصابعه و باسهم و خله ايده على خدي ..
اموت عليچ يا حبيبة الروح و الرية ..
هههههه ديلا روح ..
اني دا ارد الباب ..
اندفعت عليه اجتي حسناء ..
حسناء : اي عيني خالة ماكو و تلعبون على كيفكم ..
هاي شبيچ الولد اجه من الباب و من عرف محد ماكو راح راساً ؟
حسناء : صدگ ؟ كافي عليچ عيب مو حيعوفچ و تنفضحين ..
احترمي نفسچ و اني مسويت شئ بعدين وسام ميعوفني ابد ..
حسناء : هههه خلي انشوف ..

راحت ايام و اجتي ايام ..
مرت فوگ السنه احنه مخطوبين لحد ما الولد يكملون امورهم و احنه هم نكمل الاعدادية ..
بيوم اندگت بابنه لگيت هدى اخت مروة الچبيرة فتحتلهيا ..
شفتها عصبية نار ..
شايله بيدها علاگه ..
هدى : وين امچ ؟
هاي شبيچ هدى غير تسلمين و ليش امچ هي مو خالتچ ؟
هدى : انتِ اسكتي معليچ ابقي بالحبيات مالتچ ..
دخلت للمطبخ فتحت العلاگه و ذبت النيشان و الذهب گدام امي على الطبلة ..
هدى : هاچ خالة ما عدنه ابنية للزواج ..
وگفت امي ..
ماما : هاي شبيچ بنتي شكو ؟
هدى : ماكو شئ خالة بتنه ما تريد ابنكم بعد ..
و راحت ..
امي لبست عبايتها و اخذت الغراض و ركض على بيت خالتي همه يبعدون عنه فرعين ..
اول مطلعت خابرت وسام الدوامه بالموصل ..
ابچي و احچي وياه ..
حبيبي الحگلي ؟
خير يا عمر حبيبچ شكو ؟
وسام هدى اجتي جابت نيشان و ذهب مروة و تگول بتنه متريدكم ..
ميهم قلبي هدي نفسچ ..
باجر اكول للضابط و انزل ..
بس انتِ ابد لا تحچين و لا تدخلين ..