اول الأيـــــام

عدالة الله

#اول_الايام
الفصل الثامن عشر و الاخيييييييير
#بقلم_اسراءالجميلي

فتحت الچكمچة درت لگيت تلاثة ..
ياهو تريد ..
بكيفچ اختاري الي يعجبج ..
انطيته سيدي شغلة ..
الموسيقى بالبداية شگد حلوة ..
ارتاحيت ..
و غني محمد عبد الجبار ..

باول الايام توادعنه و بعدنه باول الايام ..
الهنا ما دام تفارگنا و بحبنا الهنا مدام ..
يا اول حب حبيته يا اخر درب انا مشيته ..
بحكم الاااااااااااااااااااايام .. توادعنااااااا ..

گامت دموعي تزخ بلا ما احس و بدون صوت ..
حسيت بيه ديبچي انداريت عليه اشوف دموعه مثلي و اكثر ..

وصلني للبيت قبل لا انزل ..
تدرين حنونه مروة ليش لسة ممتزوجة مع انو اتقدمولها احسن ناس ؟
كلشي قسمة و نصيب ..
لا حنونه من يوم اطلگتي و اجيت خطبتچ مرة لخ و رفضت خالة ..
رجعت البيت اهلي اعيط و ابچي كسرة شكو بالصالة و لزموني اخوتي ..
لزمت البوفية و بديت انزل على ركبي شوية شوية لحد ما گعدت عليهم بالكاع ..
هو يحچي و اني دموعي تنزل بدون كلمه ..
باوعت على مروة و هدى ..
ليش هيچ سويتوا بيه متخافون الله ..
اه قلبي ..
اجتي امي حضنتني ..
ليش يمه ليش كسروني خواتي ؟
ما گدرت تلزم السانها هدى ..
ليش تبقه حنان حسرة بقلبي يوم ليش ؟
اجتي مروة و حضنتني ..
اني شاركت و كسرت قلبك و قلب سعيد ..
سعيد قلبه شفه بزواجته من منى المرة الصالحة ..
اما انت قلبك بعده ..
راح اعاقب نفسي و عمري مراح اتزوج ..
تمسح براسي و تبچي ويايه ..
و بس ..
بقيت ابچي و اباوع عليه ..
الله وياچ حنونه و ربي يعوضچ بولدچ ..
امين اجمعين ..

نزل بناتي ويايه لان چانوا نايمات ..
همزين چانت امي نايمه بغرفتها ..
بقيت اشوفه بفترات متباعدة ..
و كلما اشوفه احس روحي تروح يمه ركض و تعوفني ..
و هو احس قلبه يصير يمي و اسمع صوته و اني بعيده عنه كومة ..

مرت الايام و السنين سمعت خبر كلش فرحت بيه و الله مو شماته بس حسيت ربي اخذ حقي ..
سجدت راساً بالگاع حمدت ربي و شكرته ..

حماي الشيخ انطوه وحدة فصلية ..
حبها كلش و راد يرضيها باي شكل بس هيه مچانت تحبه و لا تريده ..
لان هو عمره ٦٧ و هيه عمرها ١٥ ..
حتى راح تزوجها بالمحكمه و كتبلها كومة املاك ..
الفصلية چانت تحب واحد متفقة وياه يكتلوه و ينهزمون و خلوله عبوة بالسيارة ..
فجروها و ما بقت منه اصبع ..
هي انهزمت بالبساتين ضربوا عليهم طلق حبيبها انقتل و هي انهزمت ..
كل گرابتهم و معارفهم يخابروني يباروكولي ..
الف مبروك ام ادهم حق الارملة و الايتام مراح ..
الله اخذه مربع و فضيحة و املاك راحت ..

سمعت فد يوم اخت وسام الچبيرة هدى مريضة كلش ..
رحت ازورها ..
اول مشافتني بچت ..
مگعديها على كرسي متحرك ..
اتقربت عليها دا ابوسها ..
متگدر ترفع ايدها ..
اشرت لولدها و بناتها يطلعون ..
طلعوا الكل ..
هدى : حنان اني اريدچ تسامحيني ..
حبيبتي الراح راح ماكو داعي تفكرين بيه ..
كل واحد ربچ ينطيه على گد نيته ..
هدى : اي و اني انطاني ..
استغفرلله هذا ابتلاء ..
هدى : لا هاي عقوبة من الله اليه ..
و حتى حسناء همين عاقبها ويايه ..
لحظة لحظة اوگفي ..
حسناء شمدريچ بيها اذتني ؟
هدى : ححجيلچ ..
هدى من تحچي گوة افهم حچيها هالگد ما الشلل مأثر حتى على السانها ..