اول الأيـــــام

الموت

#اول_الايام
الفصل السادس عشر
#قصص_اسراءالجميلي

ابو عباس : لعد ماطول هيج يكولن و يجذبن ايدك و ما مدت
شتريد سوي بيهن سوي ال..................
و تعذرلي من ام ادهم و كون يشفي بتكم الله و رسوله و ال بيته ..
الله كريم ..
سده التلفون و نار صار بس يعيط ..
مرة عمه تفور بيه بس بهدوء هالگد ما مقهورة عليه ..
وصلنه للبيت راد يروحلهم ..
مخليته ..
عفية حسن احنه محتاجيك و بتنه مريضة مو مال هاي السوالف هسة ..
سكت و بقه خمس ايام بالبيت ما يطلع ..

سادس يوم فطرنه لان رمضان ..
حسن : اليوم اروح ال ام كاظم اريد اشوف تاليتها وياها شنو هي و جهالها !!!
عدي عشر ملايين اطلبهم الزوج سهى رايحة منطيتهن الـ كاظم هو ماخذهم منها و مجابهم الي ..
اشوف سهيوه و احجي بموضوع السوك كدام رجلها حتى يروح يكول الابو اخوية ابو عباس على بنتي ..

اشو قبل لا يطلع اجه بوس سمر من راسها و اديها و رجلها و بوس البنات اثنينهم ..
غنى و جنى و ادهم ..
اجه عليه حضني بس حضنته چانت غير ..
مليانه حب و حنيه ..
حضنه محاضنه الي من قبل ..

ديربالچ على الجهال حنونه ..
و ابد لا تتهاونين بعلاج سمر ..
ليش هيچ تحچي شنو راح تبقه يمهم هواية ؟
ما اعرف اشوف ظروفي ..
طلع و سد الباب وراه ..

اهجس قلبي لعب من طلع ..
اتعوذت من ابليس ..
كعدت انظف و اشتغل بالبيت و عيني على سمر كل شوية خاف تحتاج شئ ..
رجع بعد ساعتين ..
بقلبي ( هاي هالكد ما تعبانه و شفت مصايب ما افكر بس بيهن .. يلا الحمدلله من رجع سلامات )
كال سهى نكرة كدام زوجها و كالت انا مشايفه حنان صار اشهر ..
اما الفلوس تكول وصلتهن الـ كاظم روح اسئله ؟
و هسة شراح تسوي ؟
هسة اروح اسئله و اشوف ميته شنو ؟
براحتك بس الخاطري لا تسوي مشاكل ..
ما اسوي مشاكل و عيونچ ..
بس اريد اعرف سبب هالتلفيق عليچ ليش ؟
تعاي قفلي الباب زين ..
احتمال ابات بره اني و ابو عبدلله  لان عدنه شغل بالعمارة الجديدة ..
حاضر تدلل ..

طلع قفلت الباب وراه ..
غسلت للجهال و نومتهم كلهم ..
بالثنتين بالليل سمعت صوت دك على الباب ..
اني ميته خوف و سويت روحي علساس نايمه ..
دخلت للمطبخ و هو مقابيل الباب الخارجيه ..
فتحت البرده من الجهه اليمين بشكل عين وحدة بس حتى اشوف منو ..
شفت واحد عبر من الحايط داخل الطرمة ..
انتهيت متت خوف ..
رحت ركض الغرفتي و اني عادتي من يبات حسن بره ..
انومهم كلهم يمي ..
قفلتها علينه ..
ماكو دقايق و اسمع واحد يصيح ..
ام ادهم ام ادهم ..
كلت معقولة حرامي و ديصيحني حتى يبوكني ..
اكيد احد يعرفنه ..

فتحت شباك المطبخ بلا ما افتح الباب ..
اني ابو مالك ابن عم ابو كاظم ..
اي خوية شتريد ؟
حسن متخربط بس اسهال و زواع ..
و نايم بالمستشفى ..
يا ستار ليش ؟
لا تخافين خيتي بسيطة ..
الله عليك بس هيج ..
اي خيتي ليش اجذب عليج ..
بس انريد دشداشة و خاولي و ملابس داخليه و عطر ..
رحت دا اجيبله گعد ادهم على الصوت و جلب يريد يروح يشوف ابوه ..
خليت العلاكه بيده و كتله روح وياهم ..
دا اباوعه من شباك المطبخ ..
شفت ادهم رجع يبجي ..
شبيك ماما خيرك ؟
ام كاظم بالسيارة شافتني رزلتني و كالتلي طب جوة بعياط ..
ميهم حبيبي اذا بابا ما اجانه الصبح انروح عليه ..
حضنته و سكته و نام بصفي بفراشي بس اني ابد ما كدرت انام ..
قلبي نار على حسن ..