اول الأيـــــام

طلب زواج مره ثالثه

#اول_الايام
الفصل الحادي عشر
#قصص_اسراءالجميلي

هذا حقچ بنتي ..
خالة فدوة عوفيني بحالي حقي انغصب و خلص ليش ترجعين المواجع ..
ما اريد شئ منه هذا فلم يظل يتمسكن لحد ما يتمكن و يرجع يريدني ..
و يطلب السماح ..
الله يخليچ رجعيله فلوسه ..
گوليله : متريد شئ منك و هاي محاولاتك كلها متجيب اي نتيجة ..
گوليله : قلب حنان خلص اعتبرها ماتت ..
اسم الله يمه ربي يحفظچ الجهالچ ..
اخذت جزء من الفلوس خلتهم بجيب ادهم ..
لا خالة فدوة ..
هاي الـ ادهم مو الچ ..
باوع زهير علييّ وخرت ايدي و انطتهياها و راحت ..

عدت الايام و مرت ..
طلعت الاربعين ..
ندگت بابنه و اني بغرفة امي ابدل ال سمر ..
سمعت صوت قلبي رجف له ..
حسيت بالعطش بس مو للماي ..
الصوته العذب الي يطيب جروحي ..

يابه ما شاء الله ..
هذا منو الحلووو ..
رد زهير : هذا ادهم ابن حنان ..
سمعت صوته استغرب ..
بفرحة المشتاگ لاهله ..
و شافهم من بعد غفله ..
يعني حنان اهنا ؟
اي موجودة دا اتبدل البتها ..
علا صوته و گام يندهني ..

وينچ ام ادهم لو شنو متريدينه انشوف بنتچ ؟
استحيت و اطريت اطلع من الغرفة ..
السلام عليكم شلونك وسام ؟
هلا ام ادهم حمدلله على سلامتچ ..
ديحچي و بالكوة رفع راسه عليه ..
تغيرت نبرة صوته من شافني و غورگت عيونه ..
بدمع ذيچ السنين ..
دمع الحب الكله حنين ..

هاي شبيچ حنان ؟ شنو مريضة ؟
هااا اي شوية مالي خلگ ..
اجيبلچ خلگ الدنيا كله جوه رجليچ ..
يحچيها و صدگ حسيته مستعد كلشي يسوي و لا يشوف القهر و الحزن مالي وجهي ..

بعد ما اتحملت رادت الدمعه تطفر من عيني ..
انداريت اروح ..
تعاي يمعودة اريد اشوف بنتچ !!!
رجعت التفتت عليه ..
صار بوجهي مد ايده دياخذ سمر ..
چان اطخ بديه رجفنه اثنينه بنفس اللحظة ..
حسيت رجفتي بدت من ايدي وصلت القلبي وزعها وي الدم على باقي جسمي كله ..
بقينه هيچ لحظات چنها ساعات ..
بقه يباوع على بنتي بدون
اللهم صل على الحبيب اطفالچ اثنينهم حلوين ..
طالعين عليچ و على خوالهم ..
همزين مو على عمامهم .. هههههههههههه
الحمدلله كلها خلقت الله ..
المهم تمامت الخلقة ..

جريت بنتي و ايدي منه ..
رحت ركض الغرفتي ظليت ابچي ..
و ما طلعت لحد ما راح ..
الروح من توجع تأذي اكثر من اي مرض ..
و اني روحي مريضه شيشفيها غير بس الي حطها بجسمي ..

وسام رجع يتردد على بيتنه ..
من عرف بيه اطلگت ..
بس المزعج بالموضوع ضوجة امي ..
كلما تشوفه يحچي ويايه تصيحني و تصخرني ..
اني يبين عليه الضوجة ..
شوكت تعوفيني يمه و تخليني ارتاح ..
مرت تقريباً سنة و نص على انفصالي ..

بيوم اجانه وسام ..
السلام عليكم شلونچ حنونه ؟
الحمدلله ربي يخليك ..
خالة موجودة ؟
لا طالعة يم سعاد ..
كلش زين ..
گعد على الكرويته بالمطبخ ..
اهلي مشترين ميز خاليه يم الكرويته ..
گعدت گباله ..